Husyas 4:13 - Hanunuu

¹³ Magsagda kamu ag magtuub manga kamangyan sa katayungtungan manga bantud hanggan tagudtud, ag sa manga sirung arabwat, sa maraybung pag manga kayu dahil mayad parasirngan. Nakan kanyu manga anak daraga mag-ulid sa manga lalaki ag kanyu manga umagad babayi magpanguragin.

Husyas 4:13 Iomraidhean Croise

2 Hari 17:7

Nangyari inda sa manga taga Israil dahil nagkasala sida sa Panginuun nida Diyus, ti nagpalwas sa kanda sa Ihiptu, ag nagribri sa kanda sa kamang hari Ihiptu. Nagsamba sida sa manga diyus-diyusan

2 Hari 23:7

Ipinadaut diman niya ti manga balay manga lalaki ag babayi magpabili kanda bilug, ati sa Balay Diyus Panginuun. Siti magtahi ti manga babayi manga rutay paggamitun sa magsamba sa kan Asira.

Isayas 1:29

Mangay-a kamu manga taga Hirusalim dahil sa kanyu magsamba sa manga puun kayu insina hanggan sa manga banal pag halamanan.

Isayas 57:5

Pagsambahun niyu kanyu diyus-diyusan sa panab-anan pag-ululidan niyu sa sirung manga maraybung pag puun kayu kanyu isip banal. Pag-ihandug niyu kanyu manga anak sa manga bululusan danum sa sagasadan manga bantud.

Isayas 57:7

Magdayik kamu sa manga arabwat bantud maghandug kanyu manga handug ag ati pag mag-ululidan.

Hirimyas 2:20

“Katpung panawuhun kamu, ga baka kamu nakasingkaw ngatay manga pirisu nakatarikada. Dapat pagka napalpasan yi niku kamu, dayu maan kamu magsirbi sa kangku. Bagkus ngap, nagsamba kamu sa manga diyus-diyusan sa kada arabwat pag tagudtud hanggan sa sirung kada maraybung pag puun kayu. Parihu kamu sa babayi baraydan.

Hirimyas 3:13

Akua lang nimu kanmu kasalanan, kuntay naglaban kawu sa kangku, sa Panginuun nimu Diyus, hanggan sa pagsunud nimu sa tuhay pag manga diyus sa panab-anan pagsamba sa kanda sa sirung kada maraybung pag puun kayu. Akua nimu kuntay unman kawu nagsunud sa kangku. Aku, ti Panginuun, ti magsabi inda.’ ”

Hirimyas 3:6

Katpung udas kay maghari ni Usyas, magkun sa kangku ti Panginuun, “Nakitan aw nimu ti binwat maradaya pag Israil? Sinmamba siya sa manga diyus-diyusan sa kada arabwat pag tagudtud hanggan sa sirung kada maraybung pag puun kayu. Siya ga babayi magpanguragin.

Hirimyas 44:8

Hayga niyu aku pag pagpagalitun sa pagbuwat niyu manga diyus-diyusan? Magsunug waya kamu manga kamangyan para siyun atay sa Ihiptu nu naan kamu taynguna pag mag-uli. Ipagpadamhak niyu kanyu sadili ag pagbuwatun niyu mayagting ag makakaray-a sa tanan pag nasyun sa kalibutan.

Isikil 16:16

Ginamit nimu ti iba nimu ka manga rutay sa pagparinu sa manga simbahan sa abwat pag manga rugar, nu naan pagbuwatun nimu kanmu kahalayan magpanguragin. Balaw mana inda dapat mangyari.

Isikil 16:25

ag sa manga pagsalakan manga dalan. Ag ati inuringan nimu kanmu karinuan, ag nagpagamit kawu una lang sa kantapu pag lalaki maglawuy ati. Mag-amat di magdugang kanmu pagpanguragin.

Isikil 6:13

Ag maalaman nida aku ti Panginuun nu ti manga bangkay nida manga kasimanwa mawayak kaibahan sa kanda manga diyus-diyusan sa sangput nida manga harandugan, sa manga bantud, sa tagudtud manga bantud, sa puun daraka pag manga kayu, ag sa puun maraybung pag manga kayu insina, nu naan maghandug sida kamangyan sa kanda manga diyus-diyusan.

Husyas 10:8

Pandautun ti manga simbahan sa abwat pag manga rugar Abin, imaw ti pinun-an kasalanan manga taga Israil. Umarabwat ti dugihan pag manga ilamnun ag matabunan kanda manga harandugan. Bag-u sumabi sida sa manga bantud, ‘Tabuni kami!’ Ag sa manga tagudtud, ‘Rup-agi kami!’ ”

Husyas 11:2

Dapat taynguna, una sigi kang tawag sa kanda pag manga taga Israil, lalu di gid sida magpakarayu sa kangku. Magsagda sida ag magtuub manga kamangyan sa manga diyus-diyusan Baal.

Husyas 2:13

Parusahan niku siya dahil may manga udas magtuub siya kamangyan sa manga diyus-diyusan ni Baal. Nansulung siya manga pamarinu ag nanlagas sa kay manga lalaki, ag kinalimtan niya aku. Aku, ti Panginuun, ti magsabi inda.