Husyas 4:10 - Hanunuu

¹⁰ Tutuu ngani magkaun kamu, dapat unman kamu magkabsug. Magsamba kamu sa manga diyus-diyusan imaw kanyu pagpaniwalaan makapakaun anak, dapat unman kamu magkaanak dahil binugyahan niyu aku, ti Panginuun,

Husyas 4:10 Iomraidhean Croise

2 Krunika 24:17

Dapat pagkalawuy namatay si Hihuyada, nag-atag ti manga may kangaranan Huda kan Hari Huas. Nagyuk-ub sida sa hari bilang paggalang, ag binagyat siya pagpatingi sa kanda.

Kanta 125:5

Dapat parusahi kaibahan ti manga daut pag tawu kanmu nasakupan, ti magsunud sa balaw mayad pag-ugali. Israil, pagsa kanyu mana ti kahusayan!

Kanta 36:3

Daut ag kapudilan kay pagbagawun. Balaw yi niya pagbuwatun nu unu ti kang-ud ag ti ikamayad.

Kabagawan 13:25

Ti manga matadlung makakaun gid abunda, dapat ti manga daut pag tawu malun-usan.

Hirimyas 34:15

Katpung sa nakalawuy pag manga sirang, nag-ampu kamu ag binuwat niyu ti matadlung sa kang magbantay. Nagpasnu kamu tanan kuntay palpasan kanyu manga kasimanwa kanyu binuwat panawuhun. Nagbuwat waya ngani kamu kasunduan sa kangku tungkul siyun ati gid ngap sa Balay Diyus nu naan niyu pagdayawun kang ngaran.

Hirimyas 9:12

Namaingana aku sa Panginuun, “Si unu duy ti madunung pag tawu makaalam sa inda pag manga pangyayari? Sa kantapu duy pag-itinultul nimu ti tungkul sitay hampay maitultul inda sa manga tawu? Hayga duy nadaut inda pag daga bag-u nagbaliw ga pangawakawaan udyi paglakawan?”

Isikil 18:24

“Dapat nu ti usa ka matadlung pag tawu manpakarayu sa kay matadlung pag buhi ag bumuwat daut, hanggan bumwat mayagting pag manga bagay pagbuwatun manga daut, parargu aw nguna siya mabuhi? Unman! Kalimtan yi kay matadlung pag manga binwat. Ag dahil sa kay nagdayu sa kangku ag sa manga kasalanan niya nabwat, mamatay siya.

Isikil 22:9

May manga tawu asan sa kanmu magpamudil hampay ipamatay ti iba. May imaw diman magkaun manga handug sa manga diyus-diyusan sa manga simbahan sa manga bantud hanggan mahalay pag buwat.

Husyas 4:14

Dapat balaw niku sida parusahan sa kanda pagbuwatun daut dahil kamu hanggan pag manga lalaki mag-ulid diman sa manga babayi baraydan ati sa Balay Diyus, ag maghandug waya kamu kaibahan nida para sa manga diyus-diyusan. Nakan dahil kamu pag nasakupan unman may intindi tungkul sa katutuuhanan, midamhak kamu.

Husyas 7:4

Tanan sida marapudil; parihu sa mainit pag hurnu balaw yi kailangan paigangun manugbuwat tinapay ginan sa udas maghaug tugka sa humabuk.

Libitiku 26:26

Kurangun kanyu karan-unun, nakan usa lang wadi ka dapugan ti gamitun sampulu ka babayi sa pagtama tinapay, bag-u tunga-tungaun wadi nida inda sa kanyu. Tutuu may pagkan-un di kamu dapat udyi kamu magkabsug.

Mikas 6:14

Mangaun kamu, dapat unman kamu mabsug; paglun-usun di kamu. Manhamnu kamu kanyu manga inani, dapat unman niyu inda mapakinabangan, dahil ipaagaw niku tunda sa kanyu manga kalaban.

Sipanyas 1:6

Papasun niku ti manga magpatlikud ag unman magdangup sa kangku.

Hagay 1:6

Mayamu kanyu ipinamgas, dapat pira-pira kay tubas. May karan-unun kamu, dapat kurang. May irinmun kamu, dapat unman kang-ud. May rutay kamu, dapat pagramigun di kamu. May pagtanggapun kamu upa, dapat madali magkatabu.