Husyas 4:1 - Hanunuu

¹ Kamu pag manga Israilita mag-uli sa daga Israil, patingihi niyu inda pag bangdan Panginuun laban sa kanyu, “Unman yi may matinupadun pag tawu sa kanyu daga, hanggan magmahal ag magkilala sa kangku, kanyu Diyus.

Husyas 4:1 Iomraidhean Croise

1 Hari 22:19

Magkun waya si Mikaya, “Patingihi ti tultulanun Panginuun! Nakitan niku ti Panginuun matukawan sa kay tukawan, may matindugan manga taga langit pag manga sundalu sa kay wala ag sikun.

Kanta 81:9

Kailangan balaw kamu may tuhay diyus; danga gid kamu magsamba sa kanda.

Isayas 1:10

Kamu pag manga takinan hanggan manga nasakupan Hirusalim parihu sa manga taga Suduma ag Gumura, patingihi niyu ti bagaw ag kasuguan Panginuun nita Diyus.

Isayas 1:18

Magkun waya ti Panginuun, “Abala kamu paghampangan nita inda. Una waya kabitay kay kauring kanyu manga kasalanan, lumpiyuhun di niku tunda hampay malumpiyu kamu.

Isayas 28:14

Nakan kamu pag manga magpuya pag manga takinan nasakupan Hirusalim, patingihi niyu ti Panginuun!

Isayas 34:1

Kamu pag manga nasyun, pagpakarani kamu ag pagpatingi kaayad. Pagpatingi ti buu kalibutan hanggan ti tanan asan sa kanya.

Isayas 34:8

Dahil ti Panginuun may itinagka sirang mamalus sa kay manga kalaban hampay awatan ti Siun.

Isayas 5:3

Nakan inda ti pagsabihun may apu ubasan: “Kamu manga nasakupan Hirusalim ag Huda, pihua niyu aku hanggan kang ubasan.

Isayas 59:4

Balaw niyu pag-isipun ti katadlungan; ti manga bangdan niyu sa kanyu manga kaparihu pudu kapudilan. Daut kanyu manga pag-isipun, bag-u imaw tida kanyu pagbuwatun.

Isayas 59:8

Unman kamu may alam tungkul sa may kahusayan pagpangabuhi. Pag-ipasipala niyu ti katadlungan ag kanyu waya inda pagpasalanun. Una si unu ti sumunud sa kanyu manga pagbuwatun, balaw diman makalakaw may kahusayan pagpangabuhi.

Isayas 66:5

Kamu manga may dala sa bagaw Panginuun, patingihi niyu kay padakit, “Dahil kamu matinupadun sa kangku, kinadat-an ag binugyahan kamu manga iba niyu manga kasimanwa. Pag-aringun nida kamu magkun, ‘Ipakakit yi mana Panginuun kay kamaskihan hampay makitan nimi kanmu kabayaan!’ ” Dapat mangay-a sida.

Hirimyas 11:7

Sa udas ipinalwas niku kanyu manga ginurang sa daga Ihiptu taynguna tugka pag sirang, paulit-ulit niku sida pagbilinan kuntay kailangan nida aku sundun.

Hirimyas 19:3

Sumabi kawu, ‘Manga hari sa Huda ag nasakupan Hirusalim, patingihi niyu ti tultulanun Panginuun Makamaskihan, ti Diyus Israil. Inda ti pagsabihun niya: Mamadara aku kadamhakan sa inda pag rugar, una si unu ti makadnug inda dalaun gid.

Hirimyas 2:4

Patingihi niyu ti tultulanun Panginuun, kamu pag manga nasakupan Israil, linahi ni Hakub.

Hirimyas 2:9

Nakan ngani tamyawun maan niku sida tugka sa kanda linahi. Aku, ti Panginuun, ti magsabi inda.”

Hirimyas 25:31

Madnugan kay busis sa buu kalibutan, dahil ihabla niya ti manga nasyun. Sintinsiyahan niya ti tanan, ag ipamatay sa girahan ti manga daut.’ Aku, ti Panginuun, ti magsabi inda.”

Hirimyas 34:4

Dapat Hari Sidikyas, patingihi nimu kang taratu sa kanmu: Balaw kawu mamatay sa girahan,

Hirimyas 4:22

Magkun ti Panginuun, “busal ti manga nasakupan niku; unman nida aku magkakilala. Sida manga kurang-kurang pag kalay-awan ag unman makaintindi. Anad sida magbuwat daut, dapat unman madunung magbuwat mayad.”

Hirimyas 4:28

Manlulumian ti kalibutan ag mandulum ti langit, dahil sinabi yi niku ti parusa ag balaw yi niku inda bag-uhun. Nakadisisyun yi aku udyi mabag-u kang isip.”

Hirimyas 5:4

“Kang hantup duy, manga pugri sida ag manga unman may inadalan, dapat manga busal maaw sida. Dahil unman nida alam ti palakaw pag ipabuwat sa kanda Panginuun nida Diyus.

Hirimyas 51:5

Dahil aku, ti Panginuun Diyus Makamaskihan, ti Banal pag Diyus sa Israil, balaw dinayu ti Israil ag Huda una waya punu kadautan kanda daga.

Hirimyas 6:13

“Ginan sa pinakapugri tugka sa darayawun, pararihu lang sida manga maramuun sa kuwarta. Una ti manga purupita ag manga manughandug manga manugdaya diman.

Hirimyas 7:28

Nakan inda kanmu sabihun sa kanda: Inda pag nasyun kay manga nasakupan dayu magsunud sa Panginuun nida Diyus, hanggan dayu magpatudlu. Udyi sa kanda ti katutuuhanan; udyi sida magbagaw tutuu.

Hirimyas 9:20

Taynguna, kamu pag manga babayi, patingihi niyu ti pagsabihun Panginuun. Patingihi gid niyu inda kaayad. Tudlui niyu kanyu manga anak babayi hanggan kanyu kaparihu kuntay paglumi hanggan pag-amiraw.

Hirimyas 9:3

Magkun ti Panginuun, “Pirmi sida alistu sa kapudilan parihu sa ugyung alistu yi ipabkas. Kapudilan ti maglutaw sa inda pag rugar ag balaw katutuuhanan. Mag-amat di gid kanda magbuwat kasalanan, ag unman nida aku pagkilalan-un.

Hirimyas 9:7

Nakan aku, ti Panginuun Makamaskihan, magkun lunsayun niku sida ga baul ag subukun. Hintay waya kang mabuwat sa kanda?

Isikil 16:35

“ ‘Nakan kawu pag uragin, patingihi kang paanyu.

Husyas 12:2

Magkun si Husyas, “May pariga ti Panginuun laban sa manga taga Huda pag linahi ni Hakub. Parusahan niya sida angay sa kanda manga ugali; balusan niya sida angay sa kanda manga buwat.

Husyas 12:3

Katpung ati di waya kanda ginurang si Hakub sa tiyan niya ina, gustu yi niya lamangan kay siing. Pagka nagdaka yi siya, nandumug siya sa Diyus

Husyas 5:1

Magkun waya ti Panginuun, “Pagpatingi kamu, nasakupan Israil, hanggan kamu pag manga manughandug ag manga mimru magtal-anakan hari, dahil inda pag sintinsiya laban sa kanyu: Ga suduk kamu, dahil pinatalang niyu ti manga nasakupan Mispa hanggan Tabur.

Husyas 5:4

“Kanyu daut manga buruwatun imaw ti mag-ampara sa kanyu sa pagbalik sa kangku sa kanyu Diyus. Dahil asan sa kanyu tagipusuun ti ispiritu mag-udyuk sa kanyu sa pagsamba sa manga diyus-diyusan, ag balaw niyu aku pagkilalan-un Panginuun.

Huwil 1:2

Kamu pag manga paggurangunun sa Huda hanggan sa tanan niyu nasakupan, patingihi niyu kang sabihun sa kanyu. Unman waya may nangyari parihu sa inda katpung kaudasan niyu manga ginurang una sa kaudasan niyu taynguna.

Amus 3:1

“Kamu pag manga taga Israil, kanyu manga ginurang ipinalwas Panginuun sa Ihiptu, patingihi niyu inda kay pagsabihun laban sa kanyu:

Amus 7:16

Kainda, kawu ti mag-ampara sa kangku danga aku magtultul bagaw Diyus sa manga taga Israil sa kay linahi ni Isaak, patingihi inda ti pagsabihun Panginuun laban sa kanmu: ‘Kanmu asawa bumaliw babayi baraydan ag kanmu manga anak mamatay sa girahan. Kanmu manga daga huray-hurayun manga kalaban, ag mamatay kawu sa iba nasyun. Pihu gid bihagun ti manga taga Israil ag darahun sa iba nasyun.’ ”

Mikas 6:2

Ag kamu pag manga bantud, mapag-un pag manga patakinan kalibutan, patingihi niyu ti bangdan Panginuun laban sa manga Israilita kay manga nasakupan.”

Huwan 8:55

Unman nakilala duy niyu siya, dapat kilala ngap niku siya. Nu abi sabihun niku unman kilala niku siya, aku parihu ga kanyu pudilun. Dapat kilala gid niku siya, ag pagtupadun niku kay bagaw.

Ruma 1:28

Unman inisip nida mahalaga ti pagkilala sa Diyus, nakan pinasibut-an sida Diyus sa kanda daut pag-iisip hampay balaw yi maangay kanda ugali.

1 Kurintu 15:34

Pagbalik kamu sa mayad pag naisipan ag danga magkasala. Dahil ti iba unman magkilala sa Diyus. Kang pagkumnun inda sa kanyu sa ikakay-a niyu.

Ipinakakit 2:11

“Ti may tuli kailangan pagpatingi sa pagsabihun Ispiritu sa manga iglisya. Ti manalu pag tawu dayu malakawan niya ti ikadwa pag kamatayan.”

Ipinakakit 2:29

“Ti may tuli kailangan pagpatingi sa pagsabihun Ispiritu sa manga iglisya.”