Husyas 3:5 - Hanunuu

⁵ Dapat sa uryan pag manga sirang, mandangup di maan sida sa Panginuun nida Diyus hanggan sa kanda hari linahi ni Dabid. Pumakarani sida sa Panginuun may paggalang dahil sa kay kaayadan.

Husyas 3:5 Iomraidhean Croise

1 Hari 12:16

Pagka naalaman manga Israilita kuntay unman sida pinatingihan hari, magkun sida sa hari, “Unman kami may labut sa kanmu, lahi ni Dabid, anak ni Isai! Bahala kawu sa kanmu kaharian! Abala yi kamu manga Israilita, muli yi kita!” Nakan nuli ngani ti manga Israilita.

Isayas 17:7

Sa ati pag sirang, pumakarani yi ti tawu sa naglalang sa kanda, sa Banal pag Diyus Israil.

Isayas 2:2

Sa manga uryan pag sirang, ti bantud pagtindugan Balay Diyus Panginuun bumaliw pinakamahalaga sa tanan pag bantud. Rumas-ug siyun ti manga tawu ginan sa tuhay-tuhay pag nasyun.

Isayas 2:3

Sabihun nida, “Atag yi kita sa bantud Panginuun, sa Balay Diyus, Diyus ni Hakub. Tudluan niya kita ati angay sa kay kagustuhan hampay sundun nita.” Dahil ti Kasuguan Panginuun ginan sa Siun, ag ti bagaw Panginuun ginan sa banwa Hirusalim.

Isayas 60:5

Nu makitan yi nimu tunda, makabaya kawu ag subra-subra gid kanmu kabayaan, dahil ti kayamanan nasyun darahun tabug sa kanmu.

Isayas 9:13

Dahil unman diman gid mag-ampu ti manga Israilita sa Panginuun Makamaskihan imaw ti nagparusa sa kanda,

Hirimyas 23:5

Magkun waya ti Panginuun, “Rumas-ug ti sirang pahariun niku ti usa ka hari matadlung ginan sa linahi ni Dabid. Humari siya may kadunungan, ag palantagun niya ti katadlungan ag katutuuhanan sa inda pag daga.

Hirimyas 30:24

Balaw gid madura kang pangagalit tugka sa unman niku magkabwat kang gustu buwatun. Sa manga uryan sirang, masalman di niyu inda.”

Hirimyas 30:9

Manirbi yi sida sa kangku, sa Panginuun kanda Diyus, bag-u mamili aku kanda hari ginan sa linahi ni Dabid.

Hirimyas 33:17

Magkun waya ti Panginuun, “Si Dabid pirmi magkaimaw linahi humari sa nasakupan Israil.

Hirimyas 33:9

Nu mangyari yi inda, ti banwa Hirusalim makapakaun kadayawan sa kangku, hanggan kabayaan, ag kagalangan. Ti kada nasyun sa kalibutan takigan sa dala nu mabaritaan nida ti manga kaayadan, kaalwanan ag kahusayan itinunghul niku sa inda pag banwa.”

Isikil 16:63

Alalahanun nimu kanmu manga kasalanan ag mangay-a kawu, ag ga udyi kawu makabagaw sa masyadu pag kakay-ahan nu patawadun yi niku ti tanan nimu binwat. Aku, ti Panginuun Diyus, ti magbagaw inda.”

Isikil 38:16

Girahun nimu kang nasakupan manga Israilita parihu sa rurum magsangput sa kanda. Hu, Gug, ipagira niku sa kanmu kang banwa, hampay sa panab-anan nimu maipakilala niku sa manga nasyun kang kabanalan. Bag-u maalaman nida aku ti Panginuun.”

Isikil 38:8

Dahil aban suguun niku kamu giraha ti Israil, sa kadugayun panahun namung-aw dahil nawasak sa labanan. Dapat ipinatindug uman inda ag sa tunda diman pag udas nakabalik yi ti manga nasakupan inda sa bantud Israil ginan sa manga nasyun ag mag-ulian yi may kahusayan.

Danyil 10:14

Taynguna, inda yi aku hampay itultul sa kanmu nu hintay ti mangyari sa kanmu manga kasimanwa Israilita sa aratubangun, dahil kanmu pangakakitun tungkul inda sa mangyari aban.”

Danyil 2:28

Dapat may Diyus sa langit makapaliwanag manga madalum pag katutuuhanan. Mahal Hari, sa panab-anan nimu tagin-up, ipinaalam Diyus sa kanmu nu hintay ti mangyari sa aratubangun. Taynguna itultul niku sa kanmu ti manga pangakakitun kanmu nakitan sa tagin-up.

Husyas 1:11

Manmirinsanan maan ti manga nasakupan Huda hanggan Israil, bag-u manpili sida usa ka takinan. Manyamu maan sida sa kanda daga. Magmasulung maan sida sa tunda pag sirang para sa banwa Hisriil.

Husyas 11:10

“Sumunud kamu sa kangku sa udas man-ngurub aku, ti Panginuun, ga liyun. Pihu gid man-ngurub aku, ag mandaldali kamu muli ginan sa isalpan.

Husyas 5:15

Pagkatapus, bumalik aku sa kang rugar tugka sa akuun nida kanda manga kasalanan. Ag mandangup gid sida sa kangku sa kanda kakurian.”

Husyas 5:6

Mansagda kamu manga karanidu, manga kambing hanggan manga baka sa pagdangup sa kangku, dapat unman niyu malakawan kang kadayawan dahil binugyahan yi niku kamu.

Husyas 6:1

Nagharampangan ti manga Israilita. Magkun sida, “Abala, bumalik yi kita sa Panginuun. Siya ti nagpadamhak sa kanta ag siya diman ti mangawat sa kanta.

Amus 9:11

“Rumas-ug ti sirang ipatindug maan niku ti kaharian ni Dabid parihu sa payag nagba. Karinuun niku tunda pag manga nagba. Ipatindug maan niku tunda ag ibalik niku parihu sa kabag-u,

Mikas 4:1

Sa manga uryan aban pag sirang, ti bantud nabungsudan Balay Diyus Panginuun bumaliw pinakamahalaga gid sa tanan pag bantud. Manlinuwang ataytag ti manga tawu ginan sa tuhay-tuhay pag nasyun.

Bilang 24:14

Hu, mag-uli yi aku sa kang manga kasimanwa. Dapat pasandaman waya niku kawu nu hintay ti buwatun manga Israilita sa kanmu manga nasakupan sa uryan sirang.”

Ruma 11:25

Manga patar-ari, gustu niku maalaman niyu ti usa ka katutuuhanan udwaya maburayhawan, hampay balaw mag-isip kamu palabi-labi sa kanyu sadili. Ti kaganitan nasyun Israil balaw padayun-dayun, balaw hanggan aban. Inda magkadugay lang hanggan sa udwaya makapakarani sa Diyus ti tanan manga ginayak niya pag manga balaw Hudiyu.

Ruma 2:4

Aw ngatay barang udyi pagpahalgaan nimu ti Diyus dahil siya mayad gid ag maagwantahun ag matiniisun. Unman aw lugud alam nimu kay pagmahal Diyus sa kanmu tigpakaun rugar hampay umampu kawu sa kanmu kasalanan?

Diyuturunumiyu 4:30

Nu rumas-ug ti kakurian sa kanyu, sa uryan panahun bumalik kamu sa Panginuun niyu Diyus ag sundun niyu siya.