Husyas 3:1 - Hanunuu

¹ Magkun ti Panginuun sa kangku, “Paglakaw yi, pakakitan maan kanmu pagmahal sa kanmu asawa una waya nanguragin siya. Mahala siya parihu sa kang pagmahal sa nasakupan Israil una ngani nagsamba sida sa tuhay pag manga diyus sa panab-anan pagsagda manga pinauga ubas.”

Husyas 3:1 Iomraidhean Croise

2 Samwil 6:19

Pinakan-an niya tinapay, taguban hanggan pinauga ubas ti kada Israilita, lalaki man ngatay babayi. Siyun ginan, nuli yi sida sa kanda sadili manga balay.

2 Hari 13:23

Dapat kinaawaan ag inalaala sida Panginuun dahil sa kanda kasunduan ni Abraham, ni Isaak, ag ni Hakub. Hanggan taynguna unman niya sida rinuris ngatay pinaighit sa kanda rugar pakarayu sa kay atubangan.

1 Krunika 16:3

Bag-u pinakan-an niya tinapay, taguban, hanggan pinauga ubas ti kada Israilita ati, lalaki kag babayi.

Nihimyas 9:31

Dapat dahil sa daka nimu pangaawa, unman nimu sida pinabay-anan ngatay ipinadamhak lubus, dahil maawaun ag maalalahanun kawu, pag Diyus.

Kanta 123:2

Parihu sa suruguun mag-alagad hampay pakan-an niya amu, kami mag-alagad diman hampay awatan nimu, Panginuun kanmi Diyus, tugka sa kaawaan nimu kami.

Pag-ighit 32:6

Nakan pagkanasurip, madlum surip nagbangun yi ti manga tawu ag namakaun manga handug pagsunugun hanggan handug sa mayad pagpakiusa. Nansararuhan sida ag nanginuman, bag-u ilinubus kanda kabayaan sa pagsamba sa gintu baka.

Kanta ni Sulumun 2:5

Pakauna niyu aku pinauga ubas hanggan mansanas hampay bumisug maan, dahil nanlumuy aku sa pagmahal.

Isayas 45:22

“Pagpakarani kamu sa kangku hampay maribri, kamu tanan sa buu kalibutan. Dahil aku ti Diyus, purya sa kangku udyi may iba waya.

Hirimyas 3:20

Dapat kamu nasakupan Israil nandaya sa kangku, parihu sa babayi nandaya sa kay asawa. Aku, ti Panginuun, ti magsabi inda.

Hirimyas 31:20

Nagsagut ti Panginuun, “Kamu pag nasakupan Ipraim kang pagmahalun pag anak. Una pirmi aku magbagaw laban sa kanyu, pagbayaun di niku kamu. Maggagad di aku ag magkaawa sa kanyu.

Husyas 11:8

“Manga taga Israil, balaw mahimu dayuun niku kamu ngatay pabay-anan. Balaw mahimu ipadamhak niku kamu lubus parihu sa binwat niku sa manga banwa Adma ag Sibuyim. Balaw maagwanta tagipusuun niku buwatun inda sa kanyu. Magkaawa gid aku sa kanyu.

Husyas 4:11

agud sambahun ti manga diyus-diyusan. “Manga nasakupan niku, ti bag-u ag ti daan pag intus magdaut kanyu mayad pag pan-unawa.

Husyas 7:5

Pagka sa kaarawan nida hari, linangu nida kay manga manugpamahala. Hanggan ti hari nakiinum diman waydi sa manga marapuya niya pag manga manugpamahala.

Amus 2:8

Magkaturug sida sa manga rugar nida pagsambahan sulung ti rutay isinangla manga pugri sa kanda. Bag-u sa kang Balay mag-inuman sida intus kanda ibinili ginan sa ibinayad manga pugri may utang sa kanda.

Amus 6:6

Kaawaawa kamu pag manga mabaskug mag-inum intus hanggan maggamit mahalaga pag manga pamanglu, dapat unman magpanrukuan sa pararas-ugun kadamhakan niyu nasyun.

Mikas 7:7

“Dapat aku sumarig di sa Panginuun niku Diyus. Mag-alagad aku sa kanya hampay iribri niya aku. Ag pihu patingihan niya kang darangin.”

Sakaryas 1:16

Nakan mamalik aku may pangaawa sa Hirusalim, ag ipatindug maan niku ti Hirusalim hanggan kang Balay Diyus. Aku, ti Panginuun Makamaskihan, ti magsabi inda.”

Matiyu 26:50

Sinabi ni Hisus sa kanya, “Duy, kainda yi buwata kanmu gayak.” Bag-u hiniyaptan manga tawu si Hisus, kanda yi dinakup.

1 Kurintu 10:21

Dayu mahimu mainman niyu ti ungut Panginuun hanggan ti ungut gamit sa panagdahan sa manga labang. Dayu mahimu kamu magsaru sa lamak Panginuun hanggan sa lamak panagdahan.

1 Kurintu 10:7

Danga diman waydi kamu magsamba sa manga diyus-diyusan, balaw parihu sa kanda, ti iba nagsamba sa manga diyus-diyusan. Ibinugtang diman waydi sa Banal Kasuratan magkun, “Ti usa ka nasyun Israil nagtukaw hampay magkaun mag-inum bag-u nagtirindug hampay manaruk.”

1 Pidru 4:3

Kang-ud yi ti manga nakalawuy pag sirang kanyu inuyang sa kanyu manga binwat angay sa ugali manga balaw napasakup sa kan Kiristu, manga mahalay, manga daut kagustuhan naisipan, manga maglangu, manga subra yi pag kasayahan, manga mag-inuman, manga magsamba sa diyus-diyusan balaw angay sa atubangan Diyus.

Talaghusay 10:16

Bag-u dinayu nida kanda diyus-diyusan ag nagsamba sa Panginuun. Sa kadugayun unman yi mabata Panginuun makitan sida magkakurian.

Talaghusay 9:27

Katpung udas tig bururak ubas, nagbuwat ti manga tawu intus ginan sa inda pag manga ubas. Ag nagdaus sida pista sa balay diyus nida. Habang magkaun sida ati ag mag-irinuman, paglibakun nida si Abimilik.