Husyas 2:8 - Hanunuu

⁸ “Balaw niya pag-isipun aku ti nagpakaun sa kanya manga ani, irinmun ubas, lana ulibu, hanggan mayamu pag pilak ag gintu binwat nida larawan ni Baal.

Husyas 2:8 Iomraidhean Croise

1 Krunika 29:16

“Panginuun kanmi Diyus, inda tanan pag ipinakaun nimi sa pagpatindug sa Balay Diyus para sa kadayawan nimu banal pag ngaran ginan diman sa kanmu. Kanmu inda tanan!

Hub 19:8

Hinarangan Diyus kang lakawan agud unman aku makalawuy. Pinatakipan niya madulum kang lakawan.

Isayas 1:3

Ti manga baka magkilala sa kanda manug-alaga, hanggan ti manga asnu alam nu naan pag paraharaban sida pag ipaharab nida manug-alaga, dapat ti manga nasakupan niku Israilita unman magkilala sa kangku.”

Isayas 46:6

Ti iba pag manga tawu magbulwat kay manga gintu ngatay pilak pagbayadan nida ti panday-pilak hampay buwatun tunda tawu-tawu bag-u kanda luhudan ag sambahun.

Hirimyas 7:18

Ti manga anak magkayu, ti manga ama magpamakut apuy, ti manga babayi magkamas arina hampay buwatun tinapay para sa Rayna Langit. Magsagda diman sida manga irinmun sa iba diyus hampay galitun aku.

Isikil 23:41

Tinmukaw sida sa marinu pag tukawan, sa sarangwan lamisa. May ipinauli sida ati sa lamisa kamangyan hanggan lana ihandug mana sa kangku.

Danyil 3:1

Bag-u nagpabuwat si Hari Nabukudunusur tinawu-tawu gintu. 60 ka luk-an siku kay abwat ag 6 ka luk-an siku waydi kay lapad inda. Ipinatindug niya inda sa ratag Dura ati sa banwa Babilunya.

Danyil 5:23

Bagkus ngap binwat nimu kanmu sadili abwat man sa Panginuun sa langit. Ipinab-ul nimu ti manga irinman ginan sa Balay Diyus ag ininman niyu inda kaibahan kanmu matinudukun pag manga bisita, manga asawa, ag iba waya asawa panawuhun. Bukud waya siyun, sinamba nimu ti manga diyus buwat sa pilak, gintu, galang, baul, kayu, ag batu — manga unman maghiling pag diyus, unman magdungug, ag unman makaintindi. Dapat unman nimu dinayaw ti Diyus, ti maghiyaput kanmu buhi ag magpapalad sa tanan nimu pagbuwatun.

Husyas 10:1

“Ti manga taga Israil parihu sa tanum ubas malangba ag mayamu kay burak. Mintaras mag-abunda sida magyamu diman kanda pag-ipatindug manga harandugan, ag pagparinuun nida ti aramirawan pag manga batu kanda pagsambahun.

Husyas 13:1

“Kaybi sa kabag-u, nu magbagaw yi ti lahi ni Ipraim pagtakigan sa kadalaan ti iba ka linahi Israil, ag paggalangun nida siya. Dapat nagkasala kay manga nasakupan dahil sa kanda pagsamba sa kan Baal. Nakan ngani nagkaramatay sida.

Husyas 13:2

Taynguna tugka, kamu pag manga taga Ipraim parargu magbuwat kadautan. Dahil magbuwat kamu manga histuda manga diyus-diyusan ginan sa kanyu manga pilak hampay kanyu sambahun. Dapat inda tanan buwat lang waydi tawu ag angay lang sa kanyu naisipan. Magkun waya kamu manhandug tawu sa inda pag manga diyus-diyusan baka ag mangaruk sa kanda.

Husyas 4:11

agud sambahun ti manga diyus-diyusan. “Manga nasakupan niku, ti bag-u ag ti daan pag intus magdaut kanyu mayad pag pan-unawa.

Husyas 8:4

Nagpili sida manga hari hanggan manga manugpamahala balaw niku pinili. Nagbuwat sida manga diyus-diyusan ginan sa kanda manga pilak ag gintu. Ag inda pag manga diyus-diyusan imaw ti nagdara kadamhakan sa kanda.

Habakuk 1:16

Ag dahil mayamu kanda nabihag, pagdayawun nida kanda sadili kakayahan parihu sa manug-isda magdayaw sa kay banwit ngatay sa kay lambat sa panab-anan pagsunug kamangyan bilang handug sa inda pag manga bagay. Dahil sa panab-anan niya banwit ngatay lambat nagyaman siya ag nagkaimaw abunda pag karan-unun.

Lukas 15:13

“Balaw yi dinmugay, tunda pag anak kap-usan nagpabili kay daga bag-u tinabu dinara kay kayamanan, rargu yi naglakaw tag sa arayu pag daga. Pagka ati ginastus lang niya kay kuwarta sa unman may kabuluhan.

Ruma 1:28

Unman inisip nida mahalaga ti pagkilala sa Diyus, nakan pinasibut-an sida Diyus sa kanda daut pag-iisip hampay balaw yi maangay kanda ugali.

Diyuturunumiyu 8:18

Dapat alalahanun gid niyu ti Panginuun niyu Diyus imaw ti nagpakaun sa kanyu kakayahan yumaman kamu, ag binuwat niya inda hampay matupad niya ti kasunduan niya sa kanyu manga ginurang, parihu sa kay binwat taynguna.

Talaghusay 9:27

Katpung udas tig bururak ubas, nagbuwat ti manga tawu intus ginan sa inda pag manga ubas. Ag nagdaus sida pista sa balay diyus nida. Habang magkaun sida ati ag mag-irinuman, paglibakun nida si Abimilik.