Husyas 2:7 - Hanunuu

⁷ Lagsun niya kay manga lalaki dapat unman niya sida matakdan. Hanapun niya sida dapat unman niya makitan. Bag-u sumabi siya, ‘Mamalik yi lang aku sa kang un-an pag asawa, dahil mas mayad waya kang kahamtangan kaybi kaysa taynguna.’

Husyas 2:7 Iomraidhean Croise

2 Krunika 28:23

Nagpakaun siya manga handug sa manga diyus manga taga Damasku nagpirdi sa kanya. Dahil magkun siya, “Ti manga hari taga Aram inawatan nida manga diyus. Nakan manhandug diman aku sa inda pag manga diyus hampay awatan diman nida aku.” Dapat imaw inda ti nagpadamhak sa kanya ag sa manga taga Israil.

Kanta 116:7

Kailangan magpakarig-un aku dahil mayad gid ti Panginuun sa kangku,

Isayas 30:16

ag magkun kamu, ‘Makapalagiw kami sa kanmi manga kalaban dahil marabisug kanmi manga kabayu.’ Hu ngani, makapalagiw kamu dapat marabisug man ti manga lumagas sa kanyu.

Hirimyas 14:22

Unman una di usa ka diyus-diyusan manga nasyun ti makapauran ngatay makapaanitay. Una ti langit ngapu unman diman makapauran. Kawu lang, Panginuun kanmi Diyus ti lubus makabuwat inda, nakan sa kanmu duy kami pag magsarig.

Hirimyas 2:2

“Pag-ati kawu sa manga taga Hirusalim, sabihun nimu inda sa kanda: ‘Magkatandaan niku kanyu pagkamatinupadun ag pagmahal sa kangku kaybi parihu sa babayi bag-u ipinaasawa. Inusig niyu aku una sa pangawakawaan unman may magtubu manga tanum.

Hirimyas 2:28

Hayga? Naan yi ti manga diyus binuwat niyu para sa kanyu sadili? Tawagun niyu sida nu kaya nida kamu iribri sa kakurian niyu. Pagkayamu kanyu manga diyus, parihu kay kayamu sa manga banwa sa Huda.

Hirimyas 2:36

“Madali lang sa kanyu ti magpailis-ilis manga kakampi pag nasyun. Dapat pakay-ahun gid kamu manga taga Ihiptu kanyu kakampi, parihu sa pagpakay-a Asirya sa kanyu.

Hirimyas 3:1

“Nu ti usa ka babayi tayakan niya asawa, bag-u inda pag babayi utru maan mangasawa, balaw yi siya kailangan bawiun niya un-an asawa, dahil magpauring gid inda sa kanyu daga. Kamu pag manga taga Israil magkabuhi ga usa ka babayi baraydan. Mayamu kanyu pagmahalun pag manga diyus-diyusan. Una katida, tawagun di maan niku kamu pagbalik sa kangku. Aku, ti Panginuun, ti magsabi inda.

Hirimyas 31:18

Nadnugan niku ti hirinangbitun manga taga Ipraim. Magkun sida, “Panginuun kami duy ga manga ibun baka udwaya anad sa singkaw, dapat tinudluan duy nimu kami magsunud sa kanmu. Kawu ti Panginuun nimi Diyus, nakan ibalik yi nimu duy kami sa sadili nimi daga.

Hirimyas 31:32

Balaw inda parihu sa un-an pag kasunduan kang binuwat sa kanda manga ginurang katpung giniyahan niku sida sa pagluwas sa Ihiptu. Una aku ga kanda asawa, balaw nida tinupad ti un-an nimi pag kasunduan. Aku, ti Panginuun, ti magsabi inda.”

Hirimyas 44:17

Buwatun gid nimi ti tanan nimi pagkaibgan buwatun: Mansunug kami manga kamangyan sa kanmi diyusa, Rayna sa Langit, ag manhandug kami sa kanya manga handug irinmun parihu sa binwat nimi sa manga banwa sa Huda ag baklayan Hirusalim. Inda diman ti binwat nimi manga kaumputan hanggan nimi manga hari ag manga takinan nimi. Mayad ti kahamtangan nimi kaybi; mayamu kami karan-unun, ag unman may daut nangyari sa kanmi.

Isikil 16:18

Pinarutayan nimu inda pag manga diyus-diyusan nimu manga rutay binurdahan, ag ihinandug nimu sa kanda kang lana ag kamangyan.

Isikil 16:8

“ ‘Pagka nalakawan maan niku kawu, nakitan niku mahimu yi kawu asawan-un. Nakan itinabun niku kang kulimpay sa kanmu bilug uba, ag nagtaratu aku sa kanmu mahalun kawu niku. Nagbuwat aku kasunduan sa kanmu, ag nagbaliw kangku kawu. Aku, ti Panginuun Diyus, ti magbagaw inda.

Isikil 20:32

“ ‘Balaw gid mangyari kanyu pag-isipun nasakupan bumaliw parihu sa iba manga nasyun kanda nasakupan magsamba sa manga diyus-diyusan buwat sa batu ag kayu.

Isikil 23:12

Naglagas diman siya sa manga taga Asirya pag manga marinu ag kalay-awan pag manga lalaki. Inda sida manga kapitan ag manga kumandir sundalu may marinu pag rutay pansundalu, ag manga manugkabayu waya.

Isikil 23:22

“Nakan aku, ti Panginuun Diyus, magbagaw sa kanmu, Uhuliba, ipagira niku kawu una naan katpung baliwa sa kanmu manga katagbu kanmu tinayakan ag dinayu yi pagka magkasawaan yi kawu sa kanda.

Isikil 23:4

Kay ngaran panganay si Uhula, ag kay arian si Uhuliba. Inasawa niku sida duwa ag may manga anak kami. Si Uhula ti Samarya, ag si Uhuliba ti Hirusalim.

Danyil 4:17

Imaw inda ti parusa ipinasandam anghil hampay maalaman tanan ti Kaabwat-abwatan pag Diyus imaw ti may kamaskihan sa kaharian manga tawu. Ag mahimu niya sida ipasakup una sa kantapu nu gustu niya, una waya sa pinakapugri pag tawu.

Danyil 4:25

Palayasun kawu pakarayu sa manga tawu ag mangulian kawu kaibahan manga hayup sa talun. Manharab kawu ilamnun parihu sa baka ag mabasa pirmi kawu tun-ug. Pagkalawuy pitu ka timpu, kilalan-un nimu ti Kaabwat-abwatan pag Diyus imaw ti may kamaskihan sa kaharian manga tawu ag mahimu niya sida ipasirung una sa kantapu nu gustu niya.

Danyil 4:32

Palayasun kawu pakarayu sa manga tawu ag mangulian kawu kaibahan manga hayup sa talun. Manharab kawu ilamnun parihu sa baka. Pagkalawuy pitu ka timpu, kilalan-un nimu ti Kaabwat-abwatan pag Diyus imaw ti may kamaskihan sa kaharian manga tawu ag mahimu niya sida ipasirung una sa kantapu nu gustu niya.”

Danyil 5:21

ag pinalayas tabug sa arayu sa manga tawu. Ag nagbaliw parihu sa hayup kay kaisipan. Nangulian siya kaibahan sa manga simarun-asnu sa talun ag nanharab ilamnun parihu ga baka. Ag pirmi nabasa tun-ug kay bilug. Imaw tida kay kahamtangan hanggan sa ud kinilala niya ti Kaabwat-abwatan pag Diyus ti may kamaskihan sa kaharian manga tawu ag mahimu niya sida ipasirung una sa kantapu nu gustu niya.

Husyas 1:2

Inda ti ka bag-u sinabi Panginuun sa kan Husyas: “Pag-asawa kawu babayi magpanguragin, ag kanyu manga anak kilalan-un anak babayi uragin. Dahil inda ti mustara magpanguragin niku nasakupan sa panab-anan nida pagpatlikud sa Panginuun hanggan pagsamba sa manga diyus-diyusan.”

Husyas 13:6

Dapat pagka pinapaladan niku kamu ag pinaabunda, nagmarapadayaw kamu ag kinalimtan yi niyu aku.

Husyas 14:1

Magkun si Husyas, “Manga taga Israil, pagbalik kamu sa Panginuun niyu Diyus; nidamhak kamu dahil sa kanyu manga kasalanan.

Husyas 2:16

Magkun ti Panginuun sa manga Israilita, “Sa ati pag sirang niyu pagbalik sa kangku, tawagun niyu aku ‘Kang Asawa’ ag balaw yi niyu aku tawagun ‘Kang Baal.’

Husyas 5:13

“Pagka nakitan Israil hanggan Huda kanda kahamtangan balaw mayad, nanhagad awat ti Israil sa makapangyarihan pag hari Asirya. Dapat unman siya makaawat sa kanda.

Husyas 5:15

Pagkatapus, bumalik aku sa kang rugar tugka sa akuun nida kanda manga kasalanan. Ag mandangup gid sida sa kangku sa kanda kakurian.”