Husyas 2:3 - Hanunuu

³ Dahil nu balaw siya umapas ubahan niku siya ag bumaliw uba siya parihu sa kay pagkalusad. Buwatun niku siya ga pangawakawaan ngatay ga tigangan pag daga, ag mamatay siya sa uwaw.

Husyas 2:3 Iomraidhean Croise

Pag-ighit 17:3

Dapat magkauwaw yi ti manga tawu ati, nakan parargu ti riklamu nida sa kan Muysis. Magkun sida, “Hayga kanmu waya kami ipinalwas sa Ihiptu? Mamatay lang waydi maaw kami sitay sa uwaw hanggan kanmi manga anak ag manga hayup.”

Isayas 33:9

Kaawaawa ti daga Israil. Magkarubay ti manga kayu sa Libanun, ag magkay-a. Nagbaliw pangawakawaan ti karatagan Sarun. Magkararagdag ti manga labung manga puun kayu sa Basan hanggan sa Karmilu.

Isayas 47:3

Makitan kawu uba-uba ag mangay-a kawu. Bumalus aku sa kanmu, balaw niku kawu kaawaan.”

Isayas 64:10

Ti manga banal pag banwa nimu hanggan ti Hirusalim nagbaliw ga pangawakawaan unman may mag-ulian.

Hirimyas 12:10

Dautun kayamuan takinan kang ubasan, hanggan kang tanman kanda tatatataan. Bumaliw pangawakawaan ti marinu niku pag daga.

Hirimyas 13:22

Nu paingan-un nimu kanmu sadili nu hayga kawu nipadamhak ga babayi ginitas kay rutay ag ginahus, dahil sa kaadukun nimu kasalanan.

Hirimyas 13:26

Ibulad niku kamu sa kauyaan parihu sa babayi inubahan.

Hirimyas 14:3

Sinugu manga mayaman kanda manga panawuhun kuntay pagtaas danum. Nag-atag ngani sida sa manga bubun dapat ay unman may danum ati. Nakan nagbalik sida unman may sukad kanda manga sukadan, ag pinatumungan nida kanda ulu dahil sa masyadu pag kay-a.

Hirimyas 17:6

Miparihu siya sa usa ka diit pag puun kayu sa tigangan pag daga, unman may marinu patabgan. Mangulian siya sa mamara ag maasin pag daga unman may iba mag-uli.

Hirimyas 2:31

“Kamu pag manga nasakupan sa inda pag sinulput, patingihi niyu ti pagsabihun niku. Aku aw ga usa ka pangawakawaan para sa kanyu manga taga Israil, aw ngatay ga usa ka rugar masyadu madulum? Hayga pagsabihun niyu kuntay, ‘Bahala yi kami sa gustu nimi buwatun. Dayi kami pakarani sa Diyus.’

Hirimyas 2:6

Udyi nida aku hinanap una aku yi ti nagpalwas sa kanda sa Ihiptu hanggan ti nag-una sa kanda sa pangawakawaan unman may tanum — tigangan pag daga, may manga tuyungan, mahawag ag unman may mag-uli ngatay maglakaw.

Hirimyas 22:6

Inda ti pagsabihun Panginuun tungkul sa balay hari sa Huda: “Para sa kangku, kanmu karinuan parihu sa Gilyad ngatay sa katayungtungan bantud Libanun. Dapat buwatun niku kawu ga pangawakawaan, parihu sa usa ka banwa unman may mag-uli.

Hirimyas 4:26

Nakitan niku ti abunda pag tanman nagbaliw pangawakawaan. Nawasak ti tanan banwa dahil sa masyadu pag pangagalit Panginuun.

Hirimyas 51:43

Bumaliw maruku ti manga banwa niya ga pangawakawaan yi unman may mag-uli ngatay udyi may lumawuy siyun.

Hirimyas 51:5

Dahil aku, ti Panginuun Diyus Makamaskihan, ti Banal pag Diyus sa Israil, balaw dinayu ti Israil ag Huda una waya punu kadautan kanda daga.

Isikil 16:22

Sa tanan mayagting nimu pagbuwatun ag pagpanguragin unman gid nimu inisip nu kabitay niku kawu inalagaan katpung kalay-awan waya kawu, katpung uba waya kawu ag magpalisud-lisud sa kanmu dugu.

Isikil 19:13

Taynguna itinanum maan inda sa pangawakawaan, sa rugar mamara ag unman may danum.

Husyas 13:15

Una waya abunda kamu kaysa kanyu manga katawuhan, rurisun niku kamu. Ipadara niku ti mainit pag durus ginan sa pangawakawaan sa butlakan bag-u magkarak-at kanyu manga bulbugan hanggan manga bubun. Ag agawun kanyu mahalaga pag manga kasiyunan.

Husyas 2:10

Ag taynguna ubahan niku siya sa atubangan niya manga lalaki, unman may makaribri sa kanya sa kang kamang.

Ipinakakit 17:16

Ti sampulu ka sungay kanmu nakitan hanggan ti hayup malangas magalit aban sa bantug pag babayi uragin. Agawun nida ti tanan kasiyunan niya bag-u lukasun nida kay rutay. Kan-un nida kay nayi bag-u sunugun nida siya sa apuy.

Talaghusay 15:18

Inuwaw gid si Samsun. Nakan nagtawag siya sa Panginuun. Magkun siya, “Pinanalu nimu aku, dapat kainda ga mamatay aku sa uwaw ag mabihag manga Pilistiyu balaw magkilala sa kanmu.”