Husyas 2:21 - Hanunuu

²¹ Aku, ti Panginuun, magsabi sa ati pag sirang sagutun niku kanyu darangin. Pauranun niku hampay tumubu sa daga

Husyas 2:21 Iomraidhean Croise

Isayas 55:10

Ti uran hanggan ti snow ginan sa tungud, balaw yi magbalik atitag tugka sa unman makapakaun danum sa daga ag makapalangba sa manga halaman hampay makapakaun binhi hanggan karan-unun sa nagtanum hanggan sa manga tawu.

Isayas 62:4

Balaw yi kawu ingarnan, “Binugyahan” ngatay “Pinabay-anan”. Ingarnan kawu, “Kabayaan Diyus” ngatay “Ipinaasawa sa Diyus”, dahil magbaya ti Diyus sa kanmu ag bilang kawu ga ipaasawa sa kanya.

Isayas 62:5

Siya ti naglalang sa kanmu mangasawa sa kanmu bilang ga usa ka kan-akan ipaasawa sa usa ka tugnaw pag daraga. Ag nu abitay ti aguman lalaki magbaya sa kay aguman babayi, ti Diyus magbaya diman sa kanmu.

Isayas 65:24

Bag-u di sida mandarangin ngatay sa udas di waya magdarangin, sagtun yi niku sida.

Isikil 36:29

Lumpiyuhun niku kamu sa tanan niyu uring. Pakan-an niku kamu abunda pag ani, ag balaw yi kamu mangagwanta sa lun-us.

Husyas 14:7

Bag-u mangulian maan sida sa kanda daga sa sirung niku pangalaga. Umabunda sida parihu sa uhay maglangba ngatay sa manga ubas magbusang. Bumaliw bantug sida parihu sa intus Libanun.

Huwil 2:19

Bilang sagut sa kanda darangin sabihun niya sa kanda, “Pakan-an niku kamu manga ani, manga irinmun ubas, hanggan manga lana ulibu, ag mabsug yi kamu. Udyi niku pasnuan pakay-ahun kamu iba nasyun.

Sakaryas 13:9

Ag ti ikatlu pag bahagi masawad lumpiyuhun niku parihu sa pilak pag-ipalakaw sa apuy. Subukun niku sida parihu sa gintu pag-ipalakaw sa apuy nu lunsay ngatay unman. Mandarangin sida sa kangku ag sagtun niku sida. Sabihun niku, ‘Sida kang nasakupan.’ Ag sabihun diman nida, ‘Ti Panginuun kanmi Diyus.’ ”

Sakaryas 8:12

Makapananum kamu may kahusayan. Mamurakan ti manga ubas, manpatubas ti daga, ag magkaimaw maan tun-ug. Ipakaun niku inda tanan sa kanyu sa manga nasawad, ag pihu matanggap niyu inda.

Sakaryas 8:8

Daran-un maan niku sida pabalik sa Hirusalim ag ati sida pauliun. Ag kas-a waya bumaliw sida kang nasakupan ag aku bumaliw kanda matapat ag matadlung pag Diyus.”

Malakyas 3:10

Kainda, subuki niyu aku, ti Panginuun Makamaskihan. Daran-a ti buu ikasampulu niyu atag sa balay haramnuan hampay may karan-unun sa kang Balay. Nu tupadun niyu inda, padaran-an niku kamu uran hanggan pakan-an niku kamu mayamu pag papalad.

Malakyas 3:11

Balaw niku pahintulutan kan-un manga iyay kanyu manga pananum. Hanggan kanyu manga ubas balaw marabak.

Matiyu 6:33

Dapat una sa tanan hugudan niyu hampay kamu harian Diyus ag hampay mag-ugali angay sa kay kagustuhan bag-u ipakaun niya sa kanyu ti tanan niyu pangangailangan.

Ruma 8:32

Unman inirangan niya kay sadili Anak, bagkus ipinakaun ngap niya para sa kanta tanan. Nu kay ipinakaun kay sadili Anak sa kanta, unman aw lugud ipakaun niya sa kanta ti tanan manga bagay minsan sa kay Anak?