Husyas 2:2 - Hanunuu

² “Manga anak, sungyawa niyu kanyu ina una balaw yi niku siya asawa, ag balaw yi niya aku asawa. Sungyawa niyu siya kuntay apasi yi niya kay magpanguragin.

Husyas 2:2 Iomraidhean Croise

Isayas 11:12

Ipaabwat Panginuun ti usa ka bandira hampay ipakakit sa manga nasyun pagtipunun yi niya ti nasakupan Israil hanggan Huda ginan sa tuhay-tuhay pag rugar sa buu kalibutan.

Isayas 50:1

Magkun ti Panginuun sa kay manga nasakupan, “Ipinurya aw lugud niku ti Hirusalim parihu sa usa ka lalaki nanayak sa kay asawa? Puruybahan niyu! Ipinabihag yi aw niku kamu parihu sa usa ka tawu ipinabili kay manga anak sa kay inutangan hampay buwatun suruguun bayad sa kay utang? Unman gid! Ipinabili kamu dahil sa kanyu kasalanan. Dinayu ti Hirusalim dahil sa kanyu paglapastangan.

Isayas 58:1

Magkun ti Panginuun, “Paghuyaw kamu ka daka parihu sa budyung! Danga niyu pag-apasi! Sabiha niyu sa kang manga nasakupan manga linahi ni Hakub kanda manga kasalanan hanggan paglabag.

Hirimyas 19:3

Sumabi kawu, ‘Manga hari sa Huda ag nasakupan Hirusalim, patingihi niyu ti tultulanun Panginuun Makamaskihan, ti Diyus Israil. Inda ti pagsabihun niya: Mamadara aku kadamhakan sa inda pag rugar, una si unu ti makadnug inda dalaun gid.

Hirimyas 2:2

“Pag-ati kawu sa manga taga Hirusalim, sabihun nimu inda sa kanda: ‘Magkatandaan niku kanyu pagkamatinupadun ag pagmahal sa kangku kaybi parihu sa babayi bag-u ipinaasawa. Inusig niyu aku una sa pangawakawaan unman may magtubu manga tanum.

Hirimyas 3:1

“Nu ti usa ka babayi tayakan niya asawa, bag-u inda pag babayi utru maan mangasawa, balaw yi siya kailangan bawiun niya un-an asawa, dahil magpauring gid inda sa kanyu daga. Kamu pag manga taga Israil magkabuhi ga usa ka babayi baraydan. Mayamu kanyu pagmahalun pag manga diyus-diyusan. Una katida, tawagun di maan niku kamu pagbalik sa kangku. Aku, ti Panginuun, ti magsabi inda.

Hirimyas 3:13

Akua lang nimu kanmu kasalanan, kuntay naglaban kawu sa kangku, sa Panginuun nimu Diyus, hanggan sa pagsunud nimu sa tuhay pag manga diyus sa panab-anan pagsamba sa kanda sa sirung kada maraybung pag puun kayu. Akua nimu kuntay unman kawu nagsunud sa kangku. Aku, ti Panginuun, ti magsabi inda.’ ”

Hirimyas 3:18

Sa ati pag manga sirang, ti manga nasakupan Huda hanggan ti Israil mirinsanan bumalik ginan sa pagkabihag sa kanaway muli sa daga ipinakaun niku sa kanda manga ginurang bilang maranahun.

Isikil 16:20

“ ‘Bin-ul diman nimu kanmu manga anak lalaki ag babayi kanmu anak sa kangku ag ihinandug nimu bilang karan-unun sa manga diyus-diyusan. Unman aw waya lugud kawu magkasulung sa kanmu magpanguragin?

Isikil 16:25

ag sa manga pagsalakan manga dalan. Ag ati inuringan nimu kanmu karinuan, ag nagpagamit kawu una lang sa kantapu pag lalaki maglawuy ati. Mag-amat di magdugang kanmu pagpanguragin.

Isikil 20:4

“Anak tawu, ta, pihua sida. Sabihan sa kanda ti mayagting pag manga bagay ti binwat nida manga ginurang.

Isikil 23:43

Bag-u magkun aku sa kang sadili, ‘Pagustu sida sa inda pag manga babayi nanggurangun lang sa pagpabili sa kanda bilug.’

Isikil 23:45

Dapat inda pag manga babayi parusahan matadlung pag manga tawu parusa angay sa kanda buwat pagpanguragin ag pagpanmatay.

Husyas 1:2

Inda ti ka bag-u sinabi Panginuun sa kan Husyas: “Pag-asawa kawu babayi magpanguragin, ag kanyu manga anak kilalan-un anak babayi uragin. Dahil inda ti mustara magpanguragin niku nasakupan sa panab-anan nida pagpatlikud sa Panginuun hanggan pagsamba sa manga diyus-diyusan.”

Husyas 2:1

“Nakan tawaga niyu kanyu kaparihu manga Israilita ‘Kang nasakupan’ ag ‘Kinaawaan.’”

Husyas 4:5

Kamu ag ti manga purupita midamhak, sirang man ngatay sa yabi. Ag ipadamhak diman niku kanyu ina, imaw ti nasyun Israil.

Mikas 2:13

Bukasan niku ti puwirtahan banwa imaw ti nagbihag sa kanyu, ag giyahan niku kamu sa kanyu pagluwas. Aku, ti Panginuun kanyu hari, ti gumiya sa kanyu.”

2 Kurintu 5:16

Nakan taynguna kanmi magkilala una sa kantapu bukun yi angay sa pagkatawu lang pag ugali. Nu kaybi angay lang sa pagkatawu diman ngap ngani kanmi magkilala sa kan Kiristu, dapat taynguna udyi.