Husyas 2:19 - Hanunuu

¹⁹ “Kilalan-un niku kamu kang asawa tugka aban. Buwatun niku sa kanyu ti matadlung ag kang-ud. Mahalun niku kamu ag kaawaan,

Husyas 2:19 Iomraidhean Croise

Kanta 85:10

Ti pagmahal ag ti katapatan magkaraminsan, katunda diman ti katadlungan ag ti kahusayan.

Isayas 1:27

Sa panab-anan matadlung pag pagsintinsiya Diyus, iribri niya ti Hirusalim hanggan kay mag-ampu pag manga nasakupan.

Isayas 54:14

Bumaliw marig-un kawu dahil mamuhi matadlung kanmu manga nasakupan. Malagiw kanmu manga kalaban, nakan unman kawu may kadalaan. Udyi makapakarani sa kanmu ti manga kalaban nimu hampay padalaun kawu.

Isayas 54:5

Dahil aku kanmu manuglalang ga kanmu asawa. Kang ngaran Yawi Makamaskihan sa tanan. Aku ti Banal pag Diyus Israil, kanmu Manugribri. Pag-ingarnan aku ‘Diyus buu kalibutan.’

Isayas 54:6

“Hirusalim, parihu kawu sa usa ka kalay-awan babayi nangasawa ag magkaruku dahil tinayakan siya niya asawa. Dapat taynguna, pagtawagan kawu niku hampay utru makaibahan.

Hirimyas 4:2

ag nu manumpa kawu sa pangaran lang niku mangabuhi kawu matinupadun, matadlung ag kang-ud, bumaliw papalad kawu sa manga nasyun bag-u dayawun nida aku.”

Isikil 16:8

“ ‘Pagka nalakawan maan niku kawu, nakitan niku mahimu yi kawu asawan-un. Nakan itinabun niku kang kulimpay sa kanmu bilug uba, ag nagtaratu aku sa kanmu mahalun kawu niku. Nagbuwat aku kasunduan sa kanmu, ag nagbaliw kangku kawu. Aku, ti Panginuun Diyus, ti magbagaw inda.

Isikil 39:29

Balaw yi gid niku sida pabay-anan dahil ipadara niku kang Ispiritu sa kanda. Aku, ti Panginuun Diyus, ti magsabi inda.”

Husyas 14:4

Magkun ti Panginuun, “Paayadun niku kang nasakupan sa kanda pagkamalinabagun, ag buluntad sa kang tagipusuun mahalun niku sida. Dahil nadura yi kang galit sa kanda.

Huwil 3:20

Dapat ti Huda hanggan ti Hirusalim ulianan hanggan waya aban.

Huwan 3:29

Ti babayi ipasaru sa kay lalaki arasawan-un. Ti iribahun mag-alagad sa lalaki ipasaru. Nakabaya ti manug-iba nu makad-nug siya sa kay magbagaw lalaki ipasaru. Katunda diman ungud kang magbaya taynguna.

Ruma 7:4

Katunda diman manga patar-ari, nu para sa Kasuguan ni Muysis kamu namatay yi dahil kamu nakapaminsan yi sa kay bilug ni Kiristu hampay kamu ribri yi sa Kasuguan ag makapaminsan waydi sa kan Kiristu sa kay pagkabuhi uman hampay magamit kita Diyus kay yi manga suruguun.

2 Kurintu 11:2

Aku hanggan ga sa Diyus kang mag-irang sa kanyu tabug sa kasalanan. Parihu kamu ga usa ka daraga mabuut, kang itinaratu sa usa ka lalaki, sa kan Kiristu ngani hampay siya ga kanyu asawa.

Ipinakakit 21:2

Nakitan niku ti Banal pag Banwa, imaw ti bag-u pag Hirusalim, magpakababa ginan sa langit, ginan sa Diyus, parihu ga babayi kalasalun, lubus alistu magsulang sa kay arasawan-un pag lalaki.