Husyas 2:18 - Hanunuu

¹⁸ Sa ati pag sirang, mantaratu aku sa tanan kalasi hayup kuntay danga kamu pagsakti. Duraun niku sa daga Israil ti manga armas sa labanan, ti manga pamana hanggan baladaw. Dahil sa unman yi may kaguluhan, maturug kamu unman may pagkadalaan kadautan.

Husyas 2:18 Iomraidhean Croise

Hub 5:22

Ti kalun-usan ag kadamhakan kanmu lang kasarin-an. Balaw kawu magkadala sa maisug pag hayup,

Hub 5:23

dahil balaw kawu maunu. Ag balaw yi kawu makurian magtanum sa tanman nimu mabatu.

Kanta 148:10

tanan pag hayup: marignuk man ngatay maila, manga hayup magyapang, hanggan manga maglayang.

Kanta 23:2

Parihu aku sa karanidu pagpaharyun nimu sa may abunda pag paraharaban ag pag-ibahan sa malindag pag danum.

Kanta 46:9

Pag-amparahun niya ti manga girahan sa buu kalibutan. Pagpamariun niya ti manga pamana ag manga bangkaw, ag pag-irubun ti manga panangga.

Isayas 2:11

Rumas-ug ti sirang ti Panginuun lang ti dayawun. Ipaababa niya ti palabi-labihun hanggan ti marapadayaw.

Isayas 2:17

Ipakababa ngani niya ti manga marapayabang hanggan ti marapadayaw. Ti Panginuun lang ti maipaabwat sa ati pag sirang.

Isayas 2:4

Sa panab-anan manga kasuguan niya, pagkarausahun niya ti mayamu nasyun. Nakan balaw yi man-girirahan ti manga nasyun, ag balaw yi waydi sida mamaanad kanda sundalu para sa girahan. Buwatun wadi nida sudsud aradu kanda manga baladaw ag sanggut panabas kanda manga bangkaw.

Isayas 26:1

Sa ati katpung pag sirang inda pag kanta kantahun sa Huda: Marig-un yi kanta banwa! Ti manugribri pag Diyus ga alad batu masangputan sa kanta.

Isayas 32:18

Kamu pag manga nasakupan Diyus mangulian sa may kahusayan pag manga ulian, ribri sa kadamhakan. Ag udyi may bumalag sa kanyu.

Isayas 54:5

Dahil aku kanmu manuglalang ga kanmu asawa. Kang ngaran Yawi Makamaskihan sa tanan. Aku ti Banal pag Diyus Israil, kanmu Manugribri. Pag-ingarnan aku ‘Diyus buu kalibutan.’

Isayas 65:25

Sa tunda katpung pag sirang, mirinsanan mangaun ti manga maisug pag simarun ag ti manga karanidu, hanggan ti liyun ag manga baka manharab manga ilamnun. Ti ulay balaw yi mangagat nuud mangaun lang galbuk. Balaw yi may mandaut ngatay may manwayak sa kang banal pag bantud Siun. Aku, ti Panginuun ti magsabi inda.”

Hirimyas 23:6

Inda pag ngaran ti iingaran sa kanya: ‘Ti Panginuun Kanta Katadlungan.’ Sa tunda pag udas maribri ti Huda ag magkaimaw kahusayan sa Israil.

Hirimyas 30:10

“Nakan danga kamu magkadala, ngatay magpanlubay, kamu manga linahi ni Hakub kang manugsirbi. Aku, ti Panginuun, magsabi bul-un niku kamu asan gin sa arayu pag rugar nu naan kamu pag binihag. Sa kanyu pagbalik, mangabuhi yi kamu mahusay, mahim-ung, bag-u udyi may pagkadalaan.

Hirimyas 33:16

Ag tida diman pag udas maribri ti manga taga Huda, ag mangabuhi yi may kahusayan ti manga taga Hirusalim. Ti Hirusalim ingarnan, ‘Ti Panginuun Kanta Katadlungan.’ ”

Isikil 34:25

“Mamwat aku kasunduan sa kanda kuntay mumayad kanda kahamtangan. Palayasun niku ti maisug pag manga hayup sa kanda daga hampay makaulian sida sa pangawakawaan ag makaturug sa katalunan ribri sa kadilikaduhan.

Isikil 39:1

Magkun ti Panginuun sa kangku, “Anak tawu, pagbagaw kawu laban sa kan Gug. Sabihi siya aku, ti Panginuun Diyus, magkun, ‘Kalaban niku kawu, Gug, takinan Misik ag Tubal.

Sakaryas 14:4

Sa tunda pag sirang, tumindug siya sa Bantud manga Ulibu, sa butlakan Hirusalim. Matunga inda pag bantud ginan sa butlakan tugka sa isalpan. Ti katunga bantud maisdug tag sa salatan ag ti katunga waydi maisdug tag sa kanaway, ag bumaliw inda maluang pag luung sa karaw-an.

Sakaryas 14:9

Ti Panginuun ti humari sa buu kalibutan. Siya lang ti kilalan-un Diyus ag udyi may iba waya.

Sakaryas 3:10

Sa tunda pag sirang, mabuhi kamu may kaariwayahan. Ti kada usa sa kanyu ban-awan niyu kanyu manga kamalay hampay manukawan sa sirung niyu manga ubas ag puun igus. Aku, ti Panginuun Makamaskihan, ti may sabi inda.”

Sakaryas 9:10

Duraun niku ti arawayan. Pamul-un niku ti manga kalisa ag manga kabayu pandugma sa Israil ag sa Huda. Bariun niku ti manga paggamitun nida pamana pandugma. Ti rumas-ug pag hari mandara kahusayan sa manga nasyun. Manhari siya ginan sa usa ka dagat tugka gid sa usa ka dagat, ag ginan sa Sapa Iyupratis tugka sa katugkaan daga sa kalibutan.”