Husyas 2:15 - Hanunuu

¹⁵ Iuli niku sa kanya kay manga tanman ubas, ag buwatun niku ti Karatagan Akur dalan manpaala-ala mayad pag paratabgan. Sagtun niya aku parihu sa kay binwat katpung anak waya siya, katpung sa kay pagluwas niya sa Ihiptu.”

Husyas 2:15 Iomraidhean Croise

1 Hari 16:31

Kurang waya sa kanya ti pagsunud sa manga kasalanan binuwat ni Hirubuam, bin-ul waya niya ag inasawa si Hisibil kay anak ni Hari Itbaal taga Sidun. Tunda ginan, nagsirbi siya ag nagsamba sa diyus-diyusan Baal.

Kanta 106:12

Nakan nagpaniwala sida sa kay manga taratu ag nagkanta sida manga pagdayaw sa kanya.

Kanta 129:1

Manga taga Israil, sabihun niyu nu kabitay ti pagpakuri sa kanyu niyu manga kalaban ginan sa pag-umpisa niyu nasyun.

Isayas 65:10

Papaladan niku sida ti manga magpakarani sa kangku. Ti manga karatagan Sarun hanggan Akur buwatun paraharaban nida manga hayup.

Isayas 65:21

Sa ati katpung pag manga panahun, mamatindug balay kang manga nasakupan ag ulianan nida inda. Mantanum sida manga ubas ag sida diman waydi ti pumakinabang kay manga burak tunda.

Hirimyas 2:1

Magkun sa kangku ti Panginuun,

Hirimyas 2:2

“Pag-ati kawu sa manga taga Hirusalim, sabihun nimu inda sa kanda: ‘Magkatandaan niku kanyu pagkamatinupadun ag pagmahal sa kangku kaybi parihu sa babayi bag-u ipinaasawa. Inusig niyu aku una sa pangawakawaan unman may magtubu manga tanum.

Hirimyas 29:11

Alam niku nu kabitay tupadun kang manga gayak para sa kanyu — gayak para sa kaayadan niyu ag balaw sa kadautan, gayak para pakan-an kamu pag-asa ag mayad pag aratubangun.

Hirimyas 3:4

Taynguna pagsabihun niyu sa kangku, ‘Amang niku, kawu duy ti kaibahan niku ginan kaybi sa anak waya aku.

Hirimyas 32:15

Dahil rumas-ug ti sirang mamililihan maan manga kasiyunan ti manga tawu sa inda pag rugar. Mamililihan sida manga balay, manga tanman, ag manga taranuman ubas. Aku, ti Panginuun Makamaskihan, ti Diyus Israil, ti magsabi inda.”

Karukuan 3:21

Dapat magbalik kang pag-asa nu magkaisipan niku

Isikil 16:22

Sa tanan mayagting nimu pagbuwatun ag pagpanguragin unman gid nimu inisip nu kabitay niku kawu inalagaan katpung kalay-awan waya kawu, katpung uba waya kawu ag magpalisud-lisud sa kanmu dugu.

Isikil 16:60

Dapat tupadun di niku kang binwat kasunduan sa kanmu katpung kalay-awan waya kawu, ag mamwat aku sa kanmu kasunduan pumarargu sa unman may katapusan.

Isikil 16:8

“ ‘Pagka nalakawan maan niku kawu, nakitan niku mahimu yi kawu asawan-un. Nakan itinabun niku kang kulimpay sa kanmu bilug uba, ag nagtaratu aku sa kanmu mahalun kawu niku. Nagbuwat aku kasunduan sa kanmu, ag nagbaliw kangku kawu. Aku, ti Panginuun Diyus, ti magbagaw inda.

Isikil 28:25

Magkun waya gid ti Panginuun Diyus, “Tipunun yi niku ti nasakupan Israil ginan sa manga nasyun nu naan pag nawayak sida. Sa panab-anan niku buwatun sa kanda, maipakakit niku kang kabanalan sa manga nasyun. Mangulian ti manga Israilita sa kanda sadili daga, ti daga ipinakaun niku sa kang suruguun si Hakub.

Isikil 28:26

Mangulian sida ati unman may pagkadalaan. Mamatindug sida manga balay ag mananum manga ubas. Unman yi may man-gulu sa kanda nu parusahan yi niku ti tanan nida kaarani pag manga nasyun magpuya sa kanda. Bag-u maalaman nida aku ti Panginuun nida Diyus.”

Husyas 11:1

Magkun ti Panginuun, “Katpung anak waya ti Israil, pagmahalun niku siya. Tinawag niku siya ginan sa Ihiptu bilang kang anak.

Husyas 12:13

Sa panab-anan ni purupita Muysis, ipinalwas niku kamu pag manga Israilita sa Ihiptu ag inalagaan.

Husyas 12:9

Nakan aku, ti Panginuun niyu Diyus ti nagpalwas sa kanyu sa Ihiptu, pauliun maan niku kamu sa manga payag, parihu sa pagbuwatun niyu sa udas Pista Pagpatindug manga Payag.

Husyas 13:4

“Aku ti Panginuun niyu Diyus ti nagpalwas sa kanyu sa Ihiptu. Unman yi kamu may iba kilalan-un Diyus ag Manugribri nu unman aku lang.

Husyas 2:12

Dautun niku kay manga tanum ubas hanggan manga puun igus kay sabi ibinayad kunu niya manga lalaki sa kanya. Buwatun niku marikut inda ga kapuruan, kay manga burak inda kan-un talun hayup.

Amus 9:14

Ipabalik niku kang nasakupan manga taga Israil sa kanda daga ginan sa pagkabihag. Ipatindug maan nida kanda nagkaradaut pag manga banwa ag ati sida pag mangulian. Mantanum sida ubas ag manginum kay intus inda. Mantanum sida sa kanda manga tanman ag kan-un nida kay burak.

Sakaryas 9:12

Kamu pag manga binihag magsarig mapalpasan, pagbalik yi kamu sa kanyu mapag-un pag manga rugar. Pagsabihun niku sa kanyu taynguna iuli niku sa kanyu dubli ti manga nadura sa kanyu.

Bilang 21:17

Ag ati kinanta manga Israilita inda pag karantahun: “Parargu pumakaun danum inda pag bulbugan! Manganta kita tungkul sa inda pag bulbugan

Huwan 10:9

Aku ti puwirtahan. Una hintay pag tawu nu sumulud lakaw sa kangku, siya maribri. Sumulud siya lumuwas ag makakit siya karan-unun.

Binwat 14:27

Pagka rinmas-ug sida sa Antiyukya, tinipun nida ti iglisya bag-u itinultul nida sa manga patar-ari nu kabitay sida ginamit Diyus sa tanan niya buruwatun ag nu kabitay ti Diyus nagbuwat paraan sa manga balaw Hudiyu hampay sida makasarig sa kan Hisus.

Huswi 7:26

Bag-u tinakbunan nida si Akan manga batu. Asan di inda pag manga batu tugka kainda. Ag ati pag rugar pag-ingarnan Karatagan Akur tugka kainda. Bag-u nadura ti pangagalit Panginuun.

Talaghusay 8:34

Kinalimtan nida ti Panginuun nida Diyus imaw ti nagribri sa kanda laban sa kanda manga kalaban sa sangput.