Husyas 2:14 - Hanunuu

¹⁴ “Dapat taynguna, darahun niku siya sa pangawakawaan ag kaibgan maan tugka sa mapaibug niku siya.

Husyas 2:14 Iomraidhean Croise

Gimpuunan 34:3

Dapat naibug kay tagipusuun sa kan Dina ag kay yi pagkaibgan inda, nakan kay sinuyu ti daraga.

Hub 36:16

“Pag-ipakarayu kawu Diyus sa mahawag ag pagpakan-an kaariwayahan ag kaabundahan. Ag punu masarap pag karan-unun kanmu lamisa.

Kanta ni Sulumun 1:4

Tabana aku, mandaldali kita lakaw. Kawu kang hari. Daran-a aku sa kanmu sulud-sulud. Magbaya gid kami sa kanmu! Mas pagkaibgan nimi kanmu pagmahal kaysa intus. Hustu lang maibug sida sa kanmu!

Isayas 30:18

Dapat mag-alagad ti Panginuun kamu pumakarani sa kanya hampay kaawaan niya. Alistu di siya iparanas sa kanyu kay pasunaid. Dahil ti Panginuun imaw ti Diyus matadlung, mapalad ti magsarig sa kanya.

Isayas 5:5

“Sabihun niku sa kanyu ti buwatun niku sa kang ubasan. Bul-un niku ti manga halaman sa kay sangput magsirbi alad sa ubasan ag dautun niku kay alad batu hampay kan-un ag tatatataan manga hayup ti manga tanum ubas.

Hirimyas 16:14

“Rumas-ug ti sirang balaw yi manumpa ti manga tawu kaindaay, ‘Magsumpa aku sa ngaran buhi pag Panginuun ti nagpalpas sa manga taga Israil ginan sa Ihiptu!’

Hirimyas 2:2

“Pag-ati kawu sa manga taga Hirusalim, sabihun nimu inda sa kanda: ‘Magkatandaan niku kanyu pagkamatinupadun ag pagmahal sa kangku kaybi parihu sa babayi bag-u ipinaasawa. Inusig niyu aku una sa pangawakawaan unman may magtubu manga tanum.

Hirimyas 45:4

“Baruk, inda waya ti sinabi Panginuun ‘Wasakun niku inda pag nasyun kang ipinatindug. Ayitun niku kang itinanum. Ag buwatun niku inda sa buu daga.

Isikil 20:10

Nakan ipinalwas niku sida sa Ihiptu ag dinara sa pangawakawaan.

Isikil 20:33

Aku, ti Panginuun Diyus buhi, magsumpa pamahalaan niku kamu sa panab-anan niku kamaskihan ag pangagalit.

Husyas 2:3

Dahil nu balaw siya umapas ubahan niku siya ag bumaliw uba siya parihu sa kay pagkalusad. Buwatun niku siya ga pangawakawaan ngatay ga tigangan pag daga, ag mamatay siya sa uwaw.

Mikas 1:7

Magkararunut ti tanan histuda diyus-diyusan manga taga Samarya, ag magkarairub ti tanan ibinayad manga lalaki sa kanda naggamit manga babayi baraydan sa balay nida diyus. Nakatipun ti Samarya manga histuda diyus-diyusan sa panab-anan nida manga ibinayad sa manga babayi baraydan sa kanda balay diyus, nakan bul-un nida manga kalaban ti pilak hanggan ti gintu ipinahaklup sa manga diyus-diyusan hampay gamitun waydi nida manga kalaban pamayad sa manga babayi baraydan sa kanda balay diyus.”

Huwan 12:32

Nu ipaabwat yi aku ginan sa daga, butungun niku ti tanan tawu hampay sida pumakarani sa kangku.”

Huwan 6:44

Unman may tawu makapasakup sa kangku purya lang nu siya butungun niku Ama, imaw ti nagsugu sa kangku. Bag-u buhiun niku siya uman sa katapusan panahun aban.

Ipinakakit 12:14

Dapat ti babayi pinakan-an manga pakpak agila daka hampay makalayang siya tabug sa pangawakawaan. Ati siya pag alagaan sa sulud tulu ka timpu may tunga arayu ginan sa ulay.

Ipinakakit 12:6

Dapat ti babayi linmayas atag sa pangawakawaan sa usa ka rugar inalistu Diyus para sa kanya hampay maalagaan siya ati sa sulud usa ka libu may duwa ka gatus may unumpulu ka sirang.

Talaghusay 19:3

nagpasya ti Libita sulangun niya kay asawa ag sabihan pagkuyug yi siya sa kanya. Nakan naglakaw siya kaibahan kay usa ka suruguun ag duwa ka asnu. Pagras-ug niya ati, pinasaka siya babayi. Pagka nakitan siya niya manugang lalaki, masulung gid siya pinadayun.