Husyas 2:13 - Hanunuu

¹³ Parusahan niku siya dahil may manga udas magtuub siya kamangyan sa manga diyus-diyusan ni Baal. Nansulung siya manga pamarinu ag nanlagas sa kay manga lalaki, ag kinalimtan niya aku. Aku, ti Panginuun, ti magsabi inda.

Husyas 2:13 Iomraidhean Croise

2 Hari 1:2

Pagka sa usa ka sirang, nalagpak si Ahasiyas ginan sa gaha may alawat sa tungud pag sulud-sulud niya balay sa Samarya, ag nabalda siya. Nakan namasugu siya hampay mamaingana sa kan Baal Sibub ti diyus-diyusan taga Ikrun, nu ngatay mahulian waya siya.

2 Hari 10:28

Sa inda pag palakaw, dinura ni Hihu ti pagsamba kan Baal sa Israil.

2 Hari 21:3

Ipinatindug niya utru ti manga simbahan sa abwat pag manga rugar ti ipinadaut kaybi niya ama ni Isikyas. Nagpatindug diman siya manga harandugan para sa kan Baal ag nagpabuwat manga tulduk tanda diyusa si Asira, parihu sa binuwat ni Hari Akab taga Israil. Nagluhud siya ag nagsamba sa tanan pag bagay sa kalangitan.

Hub 8:13

Katida diman ti mangyari sa tanan tawu magpakarayu sa Diyus. Ti tawu balaw maka-diyus maduraan di pagsarig.

Kanta 106:13

Dapat nalimtan rargu nida kay binwat ag unman sida mag-alagad sa kay patigayun.

Kanta 106:21

Nalimtan nida ti Diyus imaw ti nagribri sa kanda ag nagbuwat makadululaw hanggan lilingutan pag buwat ati sa Ihiptu, ti daga manga linahi ni Kam ati sa Marara pag Dagat.

Kanta 78:11

Kinalimtan nida kay makadululaw pag manga buwat kay ipinakakit sa kanda.

Pag-ighit 32:34

Paglakaw yi kawu, giyahi ti manga tawu atag sa pagsabihun niku sa kanmu pag rugar, giyahan kamu niku manga anghil. Dapat rumas-ug ti udas parusahan niku sida sa kanda manga kasalanan.”

Isayas 17:10

Kinalimtan niyu ti Diyus kanyu Manugribri ag batu palalan-iban. Nakan una magtanum kamu manga mararinu pag kalasi tanum, parihu sa ubas ginan sa iba rugar,

Hirimyas 11:13

“Kamu pag manga taga Huda, pagkayamu kanyu manga diyus-diyusan, parihu kay kayamu sa kanyu manga banwa. Ag nu kabitay kayamu ti manga baklayan sa Hirusalim, katida diman kay kayamu ti harandugan ipinatindug niyu hampay sunugan kamangyan para sa mayagting pag diyus-diyusan ni Baal.

Hirimyas 18:15

Dapat kang manga nasakupan magkalimut yi sa kangku. Magsunug sida kamangyan sa manga diyus-diyusan unman may pulus. Nagpatlikud sida sa insaktu ag daan pag dalan, linmakaw sida sa balaw mayad pag dalan nu naan nitalakpa sida.

Hirimyas 2:32

“Malimtan aw usa ka daraga kay manga ugsung aw ngatay ti rutay niya pankasal? Dapat kamu kang manga nasakupan, dugay yi niyu aku kinalimtan.

Hirimyas 7:34

Amparahun yi niku ti kasulungan ag kabayaan sa manga baklayan Hirusalim. Ag udyi madnugan sa manga banwa Huda ti manga masulung pag busis manga bag-u ipinaasawa. Dahil bumaliw mapung-aw inda pag daga.”

Hirimyas 7:9

Kamu mananakaw, manugmatay, magpanguragin, magkastigus sa kapudilan, magtuub kamangyan sa kan Baal, bag-u magsamba sa iba manga diyus balaw niyu magkakilala.

Karukuan 1:4

Ti manga lakawan atabug sa Hirusalim mapanglaw, dahil unman yi may magluwang mansamba sa itinagka pag manga pista. Mapanglaw ti tanan sabian inda. Ti manga manughandug mag-arunghung ag ti manga daraga magpanruku gid. Masyadu maruku ti Hirusalim.

Karukuan 5:14

Ti manga kagurangunan udyi magtukaw sa puwirtahan banwa agud makapaanyu, ti manga kalay-awan lalaki udyi magpatunug manga pamatunug.

Isikil 16:12

Pinasulungan diman niku kawu singsing para sa irung, manga aritus, hanggan kuruna.

Isikil 16:17

Ginamit diman nimu ti manga gintu ag pilak pag manga pamarinu ipinakaun niku sa kanmu sa pagpabuwat manga diyus-diyusan lalaki ag sinamba nimu inda. Parihu lang sa nanguragin kawu!

Isikil 22:12

Ti iba magtanggap suhul hampay manmatay tawu, ti iba magpatubu labis-labis, hanggan magyaman dahil sa maramuun sa kuwarta. Nalimtan yi gid nida aku. Aku, ti Panginuun Diyus, ti magbagaw inda.

Isikil 23:35

Ag dahil kinalimtan nimu aku ag pinatlikudan, aku, ti Panginuun Diyus, magbagaw mangagwanta gid kawu dahil sa kanmu mahalay pag buruwatun ti pagpabili sa kanmu bilug.”

Husyas 11:2

Dapat taynguna, una sigi kang tawag sa kanda pag manga taga Israil, lalu di gid sida magpakarayu sa kangku. Magsagda sida ag magtuub manga kamangyan sa manga diyus-diyusan Baal.

Husyas 13:1

“Kaybi sa kabag-u, nu magbagaw yi ti lahi ni Ipraim pagtakigan sa kadalaan ti iba ka linahi Israil, ag paggalangun nida siya. Dapat nagkasala kay manga nasakupan dahil sa kanda pagsamba sa kan Baal. Nakan ngani nagkaramatay sida.

Husyas 13:6

Dapat pagka pinapaladan niku kamu ag pinaabunda, nagmarapadayaw kamu ag kinalimtan yi niyu aku.

Husyas 2:7

Lagsun niya kay manga lalaki dapat unman niya sida matakdan. Hanapun niya sida dapat unman niya makitan. Bag-u sumabi siya, ‘Mamalik yi lang aku sa kang un-an pag asawa, dahil mas mayad waya kang kahamtangan kaybi kaysa taynguna.’

Husyas 4:13

Magsagda kamu ag magtuub manga kamangyan sa katayungtungan manga bantud hanggan tagudtud, ag sa manga sirung arabwat, sa maraybung pag manga kayu dahil mayad parasirngan. Nakan kanyu manga anak daraga mag-ulid sa manga lalaki ag kanyu manga umagad babayi magpanguragin.

Husyas 4:6

“Nag-iridamhak kang manga nasakupan dahil kurang sida sa kaalaman. Dahil kamu gid ngap dinayu niyu ti kaalaman tungkul sa kangku, nakan dayuun diman niku kamu bilang manga manughandug niku. Kinalimtan niyu kang Kasuguan, nakan kalimtan diman niku kanyu manga anak.

Husyas 8:14

Kinalimtan manga taga Israil ti naglalang sa kanda. Sida ag ti manga taga Huda nagpatindug manga balay hari hanggan mayamu banwa sangput alad batu. Dapat sunugun niku kanda manga banwa hanggan ti mapag-un pag manga rugar.”

Husyas 9:7

“Manga taga Israil, rinmas-ug yi ti sirang parusahan kamu, sirang pagbalus sa kanyu manga binwat. Ag maalaman gid niyu rinmas-ug yi ngani inda. Sumabi kamu tungkul sa kangku, ‘Tunda pag purupita buang-buang! Paggiyahan siya ispiritu daut!’ Imaw inda kanyu pagsabihun sa kangku dahil mayamu yi kanyu kasalanan ag magkagalit gid kamu sa kangku.

Amus 8:10

Buwatun niku lulumian kanyu kabayaan sa pista, ag kanyu magkarantahan buwatun niku hirinangbitun. Parutayan niku kamu saku ag suguun pagpakalbu sa pagpakakit kanyu karukuan, parihu sa manga gurang maglumi sa pagkamatay nida bugtung pag anak. Dapat mas mahigpit waya gid ti uryan pag parusa.”

Diyuturunumiyu 32:18

Linimtan nida ti Diyus ti palalan-iban nida pag batu imaw ti naglalang sa kanda.

Diyuturunumiyu 6:12

pihua niyu unman niyu malimtan ti Panginuun, ti nagpalwas sa kanyu sa Ihiptu nu naan kamu binwat panawuhun.

Talaghusay 10:6

Nagbuwat maan kadautan ti manga Israilita sa magbantay Panginuun. Nagpatlikud sida sa Panginuun ag nagsamba sa manga tawu-tawu Baal hanggan Astarut, ag sa manga diyus-diyusan Aram, Sidun, Muab, Amun, ag Pilistiya.

Talaghusay 3:7

Nagbuwat daut ti manga Israilita sa magbantay Panginuun dahil kinalimtan nida ti Panginuun nida Diyus ag nagsamba sa manga tawu-tawu Baal hanggan Asira.

1 Samwil 12:9

Dapat kinalimtan nida ti Panginuun nida Diyus, nakan ngani pagka ti manga Israilita linabanan ni Sisara, imaw ti kumandir manga sundalu Hasur, hanggan manga Pilistiyu ag hari Muab, pinabay-anan sida Panginuun. Tinalu lang ti manga Israilita.