Husyas 2:12 - Hanunuu

¹² Dautun niku kay manga tanum ubas hanggan manga puun igus kay sabi ibinayad kunu niya manga lalaki sa kanya. Buwatun niku marikut inda ga kapuruan, kay manga burak inda kan-un talun hayup.

Husyas 2:12 Iomraidhean Croise

Kanta 80:12

Diyus, dapat hayga dinaut nimu kay manga alad batu sa tunda pag ubasan? Nakan pagtakawun tanan lumalawuy inda kay manga burak.

Isayas 29:17

Balaw dumugay, ti katalunan Libanun bumaliw abunda pag daga, ag ti abunda pag daga bumaliw kapuruan.

Isayas 5:5

“Sabihun niku sa kanyu ti buwatun niku sa kang ubasan. Bul-un niku ti manga halaman sa kay sangput magsirbi alad sa ubasan ag dautun niku kay alad batu hampay kan-un ag tatatataan manga hayup ti manga tanum ubas.

Isayas 7:23

Sa ati diman pag udas, ti ubasan may 1,000 puun, kay halaga 1,000 pulud pilak bumaliw marikut ag mapnu tanum madugi.

Hirimyas 13:26

Ibulad niku kamu sa kauyaan parihu sa babayi inubahan.

Hirimyas 26:18

“Katpung si Isikyas ti hari sa Huda, nagbagaw si Mikas taga Murisit tungkul sa pag-ipasabi Panginuun sa tanan taga Huda. Magkun siya, ‘Magkun ti Panginuun Makamaskihan wayakun niya ti Siun, ti banwa Hirusalim. Inda miparihu sa inaradu pag tanman, tap-ukan manga nagkaragba daraka balay ag bumaliw katalunan ti bantud nagpatindugan Balay Diyus.’

Hirimyas 5:17

Tabuhun nida kanyu manga ani, manga karan-unun, hanggan manga ubas ag manga igus. Matyun nida kanyu manga hayup hanggan kanyu manga anak. Dautun nida ti manga may alad batu pag banwa, imaw mana kanyu pagsarigan.

Hirimyas 8:13

Lubus niku sida rurisun ag dautun ti manga burak nida ubas hanggan igus; una kay manga labung magkararubay. Kang manga ipinakaun sa kanda magkaradura.

Husyas 5:14

Dahil girahun niku ti Israil hanggan ti Huda ga liyun maggus-ab sa kay bulay. Aku gid ngap ti rumuris sa kanda. Darahun niku sida sa iba nasyun, ag unman may manribri sa kanda.

Husyas 9:1

Magkun si Husyas, “Kamu pag manga taga Israil, apasi yi niyu kanyu kasayahan parihu sa pagbuwatun iba manga nasyun. Dahil magsamba kamu sa manga diyus-diyusan ag magpakarayu sa kanyu Diyus. Una naan pag giriukan maghandaan kamu kanyu manga ani pag-isipun niyu bayad manga diyus-diyusan dahil sa kanyu pagsamba sa kanda.

Mikas 3:12

Nakan dahil sa kanyu dautun ti Siun, ti banwa Hirusalim. Bumaliw parihu sa inaradu tanman, ag bumaliw tumpuk manga nagkarapugdak batu. Ag bumaliw kapuruan ti bantud nabungsudan Balay Diyus.”