Husyas 2:11 - Hanunuu

¹¹ Paapasun yi niku ti tanan ipinasaman mahalaga pag sirang pagsamba pagtupadun niya kada timpu, kada bulan, hanggan kada Sirang Pamahari.

Husyas 2:11 Iomraidhean Croise

1 Hari 12:32

Nagpaumpisa diman siya pista pag-idaus kada 15 pag sirang sa ikawalu pag bulan, parihu sa pista sa Huda. Sa tunda pag sirang, nanhandug siya manga handug sa harandugan para sa manga gintu baka kay ipinabwat ati sa Bitil. Ag ati siya pag nagpili manga manughandug hampay itigana niya sumirbi sa manga simbahan sa abwat pag rugar kay ipinabwat.

Hirimyas 16:9

Dahil aku, ti Panginuun Makamaskihan, ti Diyus Israil, magkumun, ‘Makitan gid ngap nimu sa kanmu kaudasan amparahun niku ti kasulungan ag pagbarayaan sa inda pag rugar, hanggan ti kasulungan bag-u mag-asawa.’

Hirimyas 25:10

Madura ti kasulungan ag kabayaan niyu. Unman diman madnugan ti kabayaan manga bag-u ipinaasawa. Udyi may man-galing tirigu hanggan manulu sulul-an nu yabi.

Hirimyas 7:34

Amparahun yi niku ti kasulungan ag kabayaan sa manga baklayan Hirusalim. Ag udyi madnugan sa manga banwa Huda ti manga masulung pag busis manga bag-u ipinaasawa. Dahil bumaliw mapung-aw inda pag daga.”

Isikil 26:13

Paapasun niku kanyu manga magkarantahan hanggan pagpatunug manga alpa.

Husyas 3:4

Dahil kay ibug sabihun, maduraan hari hanggan takinan ti nasakupan Israil sa kadugayun pag panahun. Maduraan diman manga handug hanggan aramirawan pag batu, katunda diman ti ipud garamitun sa panhula hanggan ti manga diyus-diyusan.

Husyas 5:7

Pinudilan niyu aku dahil kanyu manga anak, anak niyu sa luwas. Nakan taynguna, rurisun niku kamu hanggan kanyu manga daga sa sulud usa lang ka bulan.

Libitiku 26:20

Bumaliw unman may pulus kanyu magpangabudlay, dahil kanyu manga daga udyi magtubas hanggan kanyu manga puun kayu balaw magburak.

Amus 5:21

“Pagkadat-an gid niku kanyu manga kapistahan; unman gid aku magbaya sa kanyu pagbuwatun pag tiripun.

Amus 8:3

Sa tunda pag sirang, ti masulung pag karantahan sa Balay Diyus bumaliw lulumian dahil mayamu manga namatay ti magkarawayak una naan. Bag-u unman yi gid may masaydan iringayan. Aku, ti Panginuun Diyus, ti magsabi inda.”

Amus 8:5

Mag-apura kamu matapus ti Pista Lapus Lati ngatay ti Sirang Pamahari hampay makapabili yi kamu uyas ag makapandaya sa manga manugbili sa panab-anan niyu madaya pag timbangan hanggan takalan.

Nahum 1:10

Parihu kamu sa manga langu masabudan sa dugihan pag halaman. Rurisun gid kamu parihu sa magtutud dayami.