Husyas 2:10 - Hanunuu

¹⁰ Ag taynguna ubahan niku siya sa atubangan niya manga lalaki, unman may makaribri sa kanya sa kang kamang.

Husyas 2:10 Iomraidhean Croise

2 Krunika 24:7

(Kay manga anak ni Atalya, ti daut pag babayi, nanbuul manga banal pag kagamitan hampay gamitun sa pagsamba sa kan Baal.)

Kanta 50:22

Patingihi niyu inda, kamu pag manga magkalimut sa Diyus, dahil nu unman, rurisun niku kamu ag unman may rumibri sa kanyu.

Kabagawan 11:21

Pihu gid parusahan ti manga daut pag tawu, dapat ti manga matadlung unman.

Isayas 3:17

Nakan patubuan niku sida manga garis sa kanda manga ulu tugka sa malug-is sida.”

Hirimyas 13:22

Nu paingan-un nimu kanmu sadili nu hayga kawu nipadamhak ga babayi ginitas kay rutay ag ginahus, dahil sa kaadukun nimu kasalanan.

Hirimyas 13:26

Ibulad niku kamu sa kauyaan parihu sa babayi inubahan.

Isikil 16:16

Ginamit nimu ti iba nimu ka manga rutay sa pagparinu sa manga simbahan sa abwat pag manga rugar, nu naan pagbuwatun nimu kanmu kahalayan magpanguragin. Balaw mana inda dapat mangyari.

Isikil 16:19

Isinagda diman nimu sa kanda ti karan-unun ipinakaun niku sa kanmu ginan sa marinu pag kalasi arina, daykut, ag lana ulibu. Isinagda nimu inda bilang handug pamanglu. Hu, imaw gid inda ti nangyari. Aku, ti Panginuun Diyus, ti magbagaw inda.

Isikil 23:29

Parusahan kawu nida sa kanda kahigpitan, ag bul-un nida ti tanan nimu manga pinanbudlayan. Tayakan kawu nida uba, ag makitan manga tawu ti makakaray-a pag kahamtangan nimu dahil sa kanmu mahalay pag buruwatun ti pagpabili sa kanmu bilug.

Husyas 10:1

“Ti manga taga Israil parihu sa tanum ubas malangba ag mayamu kay burak. Mintaras mag-abunda sida magyamu diman kanda pag-ipatindug manga harandugan, ag pagparinuun nida ti aramirawan pag manga batu kanda pagsambahun.

Husyas 13:1

“Kaybi sa kabag-u, nu magbagaw yi ti lahi ni Ipraim pagtakigan sa kadalaan ti iba ka linahi Israil, ag paggalangun nida siya. Dapat nagkasala kay manga nasakupan dahil sa kanda pagsamba sa kan Baal. Nakan ngani nagkaramatay sida.

Husyas 2:3

Dahil nu balaw siya umapas ubahan niku siya ag bumaliw uba siya parihu sa kay pagkalusad. Buwatun niku siya ga pangawakawaan ngatay ga tigangan pag daga, ag mamatay siya sa uwaw.

Husyas 6:9

Kanyu manga manughandug ga gurupu manga tulisan magtanud kanda unu-unuhun. Magmatay sida sa dalan atabug sa Sikim, ag una wadi hintay pag makakaray-a buwat kanda pagbuwatun.

Mikas 5:8

Dapat dumara diman sida kadamhakan sa manga nasyun. Bumaliw sida parihu sa liyun maisug magduksul sa manga hayup sa katalunan ag sa manada manga karanidu sa pasturan. Nu magduksul ti liyun, pagtukbun niya kay magkablay bag-u pagkan-un, ag balaw makaribri sa kanya.

1 Kurintu 4:5

Nakan ngani danga dapu pagpihua una hintay pag tawu nu daut nu mayad hanggan sa ud rumas-ug ti Panginuun. Siya ti pumaburayhaw sa manga ilinihim ga sa madlum. Bulwatun niya aban ti pagkutubun tawu. Ati katpung ti kada tawu dayawun Diyus angay sa kay binwat.