Husyas 14:3 - Hanunuu

³ Balaw yi kami manhagad awat sa Asirya, balaw yi kami manarig sa manga kabayu pan-gira. Balaw yi nimi tawagun Diyus kanmi binwat manga diyus-diyusan. Dahil pagkaawaan nimu kami parihu sa manga ilu.’ ”

Husyas 14:3 Iomraidhean Croise

2 Krunika 16:7

Pagka sa tunda pag panahun, nag-atag si Purupita Hanani kan Hari Asa sa Huda ag magkun sa kanya, “Dahil nagsarig kawu sa hari taga Aram ag balaw sa Panginuun nimu Diyus, naduraan yi kamu udas kuntay maruris ti manga sundalu hari taga Aram.

Kanta 10:14

Dapat nakitan nimu ti manga mag-agwanta hanggan ti manga magkakurian, ag alistu kawu umawat sa kanda. Magpakarani sa kanmu ti manga kaawaawa parihu sa manga ulila, ag pag-awatan nimu sida.

Kanta 146:3

Danga kamu magsarig sa makapangyarihan pag manga tawu ag sa una sa kantapu, dahil unman sida rumibri sa kanyu.

Kanta 146:9

pag-alagaan niya ti manga day-uhan, pag-awatan niya ti manga ulila ag manga buranday pag babayi, dapat pag-amparahun niya ti manga kagustuhan manga magbuwat daut.

Kanta 33:17

Ti manga kabayu balaw masarigan pumanalu sa gira. Kanda masyadu pag kabisugan balaw rumibri.

Kanta 68:5

Ti Diyus, mag-uli sa kay banal pag Balay, mag-alaga sa manga ulila ag manug-apin sa manga buranday babayi.

Isayas 1:29

Mangay-a kamu manga taga Hirusalim dahil sa kanyu magsamba sa manga puun kayu insina hanggan sa manga banal pag halamanan.

Isayas 2:20

Sa ati pag sirang, ipanyamut nida tag sa manga angbu hanggan banug ti manga tawu-tawu pilak ag gintu kanda binwat hampay sambahun.

Isayas 27:9

Patawadun lang sida nu dautun nida kanda manga harandugan batu ag nu runutun ka pinu ag iyamut ti manga tulduk tanda diyusa si Asira, hanggan ti manga harandugan pagsunugan nida kamangyan.

Isayas 30:16

ag magkun kamu, ‘Makapalagiw kami sa kanmi manga kalaban dahil marabisug kanmi manga kabayu.’ Hu ngani, makapalagiw kamu dapat marabisug man ti manga lumagas sa kanyu.

Isayas 30:2

Nag-atag sida sa Ihiptu hampay manhagad panagang sa hari, unman yi nagpaingana sa kangku.

Isayas 31:1

Kaawaawa kamu pag manga maghagad awat sa Ihiptu. Magsarig kamu sa kanda manga marabisug pag kabayu, sa mayamu nida kalisa, ag sa manga marabisug pag sundalu manugkabayu. Dapat unman kamu magpaniwala sa Panginuun, sa Banal pag Diyus Israil, balaw kamu maghagad awat sa kanya.

Isayas 31:3

Ti manga taga Ihiptu tawu diman waydi, bukun Diyus. Kanda manga kabayu bukun manga ispiritu, nu unman parihu diman sa iba manga kabayu. Nu pumarusa yi ti Panginuun, mawayak ti Ihiptu hanggan ti pag-awatan niya pag nasyun. Dapat pararihu sida mawayak.

Isayas 36:8

Magkun waya ti kumandir, “Taynguna, pagsabihan kawu niku amu imaw ti hari Asirya. Pakan-an nimi kawu 2,000 kabayu nu may 2,000 diman waydi kawu ka manugkabayu.

Hirimyas 49:11

Dapat matayak sa kangku ti manga ilu niyu dahil aku ti mangalaga sa kanda. Ag ti manga naburanday niyu makasarig gid sa kangku.”

Isikil 36:25

Widwisikan niku kamu malumpiyu pag danum hampay lumumpiyu kamu sa tanan niyu uring, hanggan balaw yi kamu magsamba sa manga diyus-diyusan.

Isikil 37:23

Unman yi nida uringan kanda sadili sa panab-anan pagsamba sa kanda mayagting manga diyus-diyusan ngatay sa pagbuwat sa una hintay pag kasalanan. Dahil iribri niku sida sa tanan nida binwat kasalanan ag lumpiyuhun niku sida. Bumaliw nasakupan niku sida, ag aku kanda Diyus.

Husyas 12:1

“Ti manga taga Israil magsarig sa manga bagay unman may pulus. Ti paglagsun nida sa buu sirang imaw ti manga bagay makapadamhak sa kanda. Mag-amat kanda pamudil hanggan pamuya. Magbuwat sida kasunduan sa Asirya hanggan sa Ihiptu, nakan ngani magdara sida lana ulibu sa Ihiptu bilang pamakaun.”

Husyas 13:2

Taynguna tugka, kamu pag manga taga Ipraim parargu magbuwat kadautan. Dahil magbuwat kamu manga histuda manga diyus-diyusan ginan sa kanyu manga pilak hampay kanyu sambahun. Dapat inda tanan buwat lang waydi tawu ag angay lang sa kanyu naisipan. Magkun waya kamu manhandug tawu sa inda pag manga diyus-diyusan baka ag mangaruk sa kanda.

Husyas 14:8

“Manga taga Israil, danga yi kamu magdangup sa manga diyus-diyusan. Aku ti sumagut kanyu manga darangin hanggan ti mangalaga sa kanyu. Alagaan niku kamu; parihu aku sa malangba pag kayu sipris, magpakaun hamuy. Aku ti magpadaka sa kanyu.”

Husyas 2:17

Balaw yi gid niku kamu pabanggitun manga ngaran ni Baal.

Husyas 4:12

Maghagad kamu paanyu sa kanyu diyus-diyusan kayu. Ag angay sa kanyu, magsagut inda. Pag-ipatalang kamu ispiritu magganyat sa kanyu hampay sumamba sa manga diyus-diyusan, nakan pinatlikudan niyu aku ga babayi nanguragin.

Husyas 5:13

“Pagka nakitan Israil hanggan Huda kanda kahamtangan balaw mayad, nanhagad awat ti Israil sa makapangyarihan pag hari Asirya. Dapat unman siya makaawat sa kanda.

Husyas 7:11

Parihu sida sa kalampati; madali lang lukuhun ag unman may pan-intindi. Maghagad sida awat sa Ihiptu, nu kas-a sa Asirya.

Husyas 8:6

Ti diyus-diyusan baka manga taga Samarya buwat lang waydi manga taga Israil. Balaw tida Diyus! Pihu gid inda runutun.

Husyas 8:9

Parihu siya sa talun asnu usa-usa, magtalang. Nanhagad awat siya sa Asirya; binayadan niya ti iba ka manga nasyun hampay awatan siya.

Hunas 2:10

Nakan sinugu Panginuun ti isda luwaan si Hunas. Nakan ilinwa ngani isda si Hunas sa baybay.

Huwan 14:18

“Balaw niku kamu pabay-anan usa-usa. Bumalik maan aku sa kanyu.

Diyuturunumiyu 17:16

Kanyu hari balaw mahimu manipun mayamu pag manga kabayu, ag balaw niya ipaatag kay manga tawu sa Ihiptu hampay mamili manga kabayu, dahil ti Panginuun niyu Diyus nagsabi sa kanyu danga yi gid kamu magbalik atabug.