Biblia Todo Logo
Bìoball air-loidhne

- Sanasan -




Husyas 14:2 - Hanunuu

2 Pagbalik kamu sa Panginuun ag pagsabi sa kanya kuntay, ‘Panginuun, patawada duy kami sa tanan nimi manga kasalanan, tanggapa kami angay sa kanmu kaayadan hampay makahandug kami manga pagdayaw sa kanmu.

Faic an caibideil Dèan lethbhreac




Husyas 14:2
39 Iomraidhean Croise  

Magkun si Dabid sa kan Natan, “Nagkasala aku sa Panginuun.” Nagsagut si Natan, “Pinatawad yi kawu Panginuun ag balaw kawu mamatay.


Nagruku si Dabid igu naipasinsus niya ti manga tawu. Nakan magkun siya sa Panginuun, “Nagkasala duy aku dahil sa kang binwat. Nakan magpakihampang aku sa kanmu, Panginuun, patawada duy aku, kanmu suruguun sa kang kasalanan, dahil unman may pulus kang binwat.”


Nu nagsalan gid aku sa kanmu, hayga balaw yi lang nimu aku patawadun? Udyi dumugay mighit yi aku. Una aku hanapun nimu, unman yi makitan.”


Tanggapa, Panginuun, kang buluntad pagdayaw sa kanmu, ag tudlui aku kanmu manga sugu.


Ti kailangan niku pag handug kanyu pasalamat, ag ti pagtupad sa manga taratu niyu sa kangku, ti Kaabwat-abwatan pag Diyus.


Unman kawu magkaibug sa manga handug. Una manhandug aku sa kanmu handug pagsunugun, unman kawu makabaya.


Diyus, ti handug makapasulung sa kanmu, imaw ti buhi mapinakumbabaun ag mag-ampu sa kay manga kasalanan. Inda pag kalasi handug balaw nimu pagbugyahan.


Kanmu manga kasalanan kang yi dinura ga rurum ngatay anitay. Pagbalik kawu sa kangku, hampay mairibri niku kawu.”


Ipinad-ut niya ti baga sa kang bibig ag magkun, “Hinikap yi kanmu bibig, udyi kawu may kasalanan dahil pinatawad yi kawu.”


Paglakaw kawu taynguna bag-u sabihun nimu inda sa Israil, ‘Aku, ti Panginuun, magsabi: Israil maradaya, pagbalik kawu, dahil maawaun aku. Balaw yi aku magalit sa kanmu hanggan aban.


Magkun ti Panginuun, “Maradaya kanyu manga manugnigusyu; maggamit sida balaw insaktu pag kiluhan.


Kanyu marapadayaw-dayaw magpatutuu kuntay dapat kamu parusahan. Ag dahil sa kanyu manga kasalanan midamhak kamu pag manga taga Israil kaibahan ti manga taga Huda.


Dahil balaw kanyu manga handug kang pagkaibgan nu unman kanyu pagmahal. Mas gustu waya niku kilalan-un niyu aku kaysa manhandug kamu manga handug pagsunugun.


Ti manga manughandug magsirbi sa Panginuun paglumi sa karaw-an harandugan hanggan sa sarakahan Balay Diyus, ag pandarangin sida kaindaay: ‘Panginuun, pagkaawa kawu sa manga tawu kanmu nasakupan. Danga nimu pahintulutan pakay-ahun sida ag aringun iba nasyun magkumun, “Naan yi kanyu Diyus?” ’ ”


Dapat aku manhandug sa kanmu may tapil kanta pasalamat. Tupadun niku kang taratu manhandug sa kanmu. Kawu, Panginuun, ti magribri!”


Nakan magkun ti anghil sa kay iba manga anghil matindugan sa atubangan niya, “Lukasa niyu kay rutay mauring.” Bag-u magkun siya sa kan Huswi, “Bin-ul yi niku kanmu manga kasalanan. Ag taynguna, pasulungan yi kawu bag-u pag rutay.”


Madi kamu manga makasalanan, madunung diman kamu magpakaun mayad pag pakaun sa kanyu manga anak, lalu waya kanyu Ama sa langit madunung gid. Ipakaun gid niya ti manga marinu pag pakaun sa manga maghagad sa kanya.


Madi kamu manga makasalanan, madunung diman kamu magpakaun mayad pag pakaun sa kanyu manga anak. Lalu ipakaun niyu Ama sa langit ti Ispiritu Banal sa tawu nu maghagad sa kanya.”


“Dapat ti manunukut buhis matindugan sa arayu. Unman siya nagpanghas nagtangda sa langit, tinaptap niya kay dubdub sa kay karukuan, magkun siya, ‘Kaawai duy aku, Diyus, dahil aku usa ka makasalanan.’ ”


Pagka surip, nakitan ni Huwan si Hisus magpakarani sa kanya. Sinabi ni Huwan magkun, “Tunda yi ti Anak Karanidu kay ihinanda Diyus hampay mapatawad ti kasalanan kalibutan.


Inda aban kang taratu sa kanda nu bin-ul yi niku kanda manga kasalanan.”


Diyus ti nagribri ag nagpili sa kanta hampay kita kanya yi. Balaw dahil sa kanta sadili buwat nu unman angay ngap sa kay turunu ag pangaawa. Pagka udwaya linalang ti kalibutan daan di itinigana niya kay mayad nabubut-un sa kanta sa panab-anan ni Kiristu Hisus.


Ipinakaun niya kay sadili hampay lukatun niya kita sa tanan nita kasalanan, agud kita kay yi nasakupan, malumpiyu ag magkaibug magbuwat mayad.


Dahil ti dugu manga tudu baka manga kambing dayu gid makab-ul sa kasalanan manga tawu.


Magdayaw kita pirmi sa Diyus bilang kanta handug sa kanya. Mabuwat nita inda sa pagpahayag kuntay kilala nita si Hisus.


Bilang ga manga batu may buhi waydi pagga manga kalap kamu Balay Diyus hampay ulian Ispiritu. Bag-u bilang ga manga manughandug ibinukud para sa Diyus, pagpakaun kamu sa Diyus manga pakaun angay sa Ispiritu, kay pagbayaun Diyus dahil sa kan Hisu-Kiristu.


Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.


Dapat nu kita maglakaw sa marayaw ga kanya waydi sa marayaw, magpakiusa gid kita sa usa kag sa usa, ag kay dugu ni Hisus kay Anak Diyus ti maglumpiyu sa tanan nita manga kasalanan.


Alam niyu nakan si Kiristu nagsitay hampay bul-un niya kanta manga kasalanan. Siya bay unman may kasalanan.


Lean sinn:

Sanasan


Sanasan