Husyas 14:1 - Hanunuu

¹ Magkun si Husyas, “Manga taga Israil, pagbalik kamu sa Panginuun niyu Diyus; nidamhak kamu dahil sa kanyu manga kasalanan.

Husyas 14:1 Iomraidhean Croise

2 Hari 8:12

Pinaingana siya ni Hasail, “Duy, hayga nanlumi kawu?” Sinmagut siya, “Dahil alam niku ti daut buwatun nimu sa manga taga Israil. Sunugun nimu kanda alad batu manga banwa, panmatyun nimu kanda kalay-awan lalaki, ipanlapdus nimu kanda dariit pag manga anak, ag buk-un nimu ti tiyan manga magbuduy pag manga babayi.”

Isayas 19:22

Parusahan Panginuun sarut ti manga taga Ihiptu, dapat paayadun di waydi niya. Mamakarani sida sa Panginuun, ag dungugun niya kanda manga darangin bag-u paayadun sida.

Hirimyas 2:19

Parusahan niku kamu dahil sa kadautan ag pagdayu niyu sa kangku. Isipun niyu nu kabitay ka daut ag kapait ti binuwat niyu pagdayu ag paglapastangan sa kangku, sa Panginuun niyu Diyus. Aku, ti Panginuun Diyus, ti magsabi inda.

Hirimyas 4:1

Magkun ti Panginuun, “Israil, nu ungud gustu nimu bumalik sa kangku, pagbalik yi kawu. Dayuun nimu ti mayagting pag manga diyus-diyusan bag-u balaw yi kawu pablag sa kangku,

Karukuan 5:16

Udyi kanmi kadayawan. Kaawaawa kami, dahil nagsalan kami.

Isikil 16:46

Ti aka nimu babayi imaw ti Samarya ati pag mag-uli sa salatan kaibahan kay manga anak babayi. Kanmu arian babayi imaw ti Suduma, ati mag-uli sa kanaway kaibahan kay manga anak babayi.

Isikil 33:11

Taynguna sabihi sida, ‘Aku ti Panginuun Diyus buhi, magsumpa kuntay unman aku magbaya nu may mamatay daut pag tawu. Kang gustu pag-aman sida sa kanda daut ugali hampay mabuhi sida. Nakan kamu pag nasakupan Israil, pag-aman yi kamu sa kanyu daut ugali. Gustu aw lugud niyu mamatay?’

Isikil 33:14

Bag-u nu sumabi aku sa daut pag tawu pihu mamatay siya, dapat sa uryan nagpatlikud siya sa kay daut manga buwat ag nagbuwat sa hustu ag matadlung —

Husyas 10:12

Sinabi niku sa kanyu, ‘Palug-uda kanyu tagipusuun parihu sa daga inaradu. Pagtanum kamu katadlungan ag pag-ani pagmahal. Dahil udas yi inda hampay dumangup kamu sa kangku tugka sa kang pagras-ug, bag-u padarahan niku kamu karibrihan parihu sa uran.’

Husyas 12:6

“Nakan kamu pag manga linahi ni Hakub, pagbalik yi sa kanyu Diyus, ag ipakakit niyu ti pagmahal hanggan ti katadlungan. Bag-u parargu kamu sumarig sa kanyu Diyus.”

Husyas 12:8

Magpadayaw waya kamu pag manga taga Israil magkun, ‘Nakatipun kami kayamanan, mayaman yi kami. Unman may makasungyaw sa kanmi kuntay nakatipun kami kayamanan sa daut pag paraan, dahil kasalanan inda pag buruwatun.’

Husyas 13:9

Rurisun niku kamu pag manga taga Israil, dahil pagkalabanun niyu aku kanyu manug-awat.

Husyas 4:8

Gustu niyu magkasala kang manga nasakupan hampay makakaun kamu kanda manga handug panlumpiyu.

Husyas 5:5

Kanyu marapadayaw-dayaw magpatutuu kuntay dapat kamu parusahan. Ag dahil sa kanyu manga kasalanan midamhak kamu pag manga taga Israil kaibahan ti manga taga Huda.

Husyas 6:1

Nagharampangan ti manga Israilita. Magkun sida, “Abala, bumalik yi kita sa Panginuun. Siya ti nagpadamhak sa kanta ag siya diman ti mangawat sa kanta.

Husyas 9:13

“Kang pamantay kaybi sa kanyu parihu sa manga kayu palma matanuman sa mayad pag daga. Dapat taynguna kailangan tabanun niyu kanyu manga anak sa labanan hampay magkaramatay.”

Husyas 9:7

“Manga taga Israil, rinmas-ug yi ti sirang parusahan kamu, sirang pagbalus sa kanyu manga binwat. Ag maalaman gid niyu rinmas-ug yi ngani inda. Sumabi kamu tungkul sa kangku, ‘Tunda pag purupita buang-buang! Paggiyahan siya ispiritu daut!’ Imaw inda kanyu pagsabihun sa kangku dahil mayamu yi kanyu kasalanan ag magkagalit gid kamu sa kangku.

Amus 1:13

Inda ti pagsabihun Panginuun tungkul sa Amun: “Dahil sa parargu pagbuwat kasalanan manga taga Amun, parusahan gid niku sida. Dahil rinirian nida ti tiyan manga babayi magburuduy sa Gilyad, agud lang dumaka kanda sakup pag daga.