Husyas 13:6 - Hanunuu

⁶ Dapat pagka pinapaladan niku kamu ag pinaabunda, nagmarapadayaw kamu ag kinalimtan yi niyu aku.

Husyas 13:6 Iomraidhean Croise

Nihimyas 9:35

Una may imaw sida sadili pag kaharian, ag nakalakaw masyadu pag kaayadan, una pinakan-an nimu sida maluang ag abunda pag daga, unman diman sida magsirbi sa kanmu ag unman magpatlikud sa kanda daut pag manga kaugalian.

Kanta 10:4

Dahil sa kayabangan manga daut pag tawu, unman sida magdangup sa kanmu. Unman gid sida mag-isip tungkul sa kanmu.

Kabagawan 30:9

Dahil nu yumaman aku, barang itanggi niku kawu, ag sabihun niku, “Si unu lugud ti Panginuun?” Ag nu pugri aku, barang manakaw aku ag mapakay-a niku kawu.

Isayas 17:10

Kinalimtan niyu ti Diyus kanyu Manugribri ag batu palalan-iban. Nakan una magtanum kamu manga mararinu pag kalasi tanum, parihu sa ubas ginan sa iba rugar,

Hirimyas 5:7

Magkun sa kanda ti Panginuun, “Hayga patawadun niku kamu? Una kanyu manga anak nagbugya sa kangku ag nagsumpa sa ngaran balaw tutuu pag diyus. Ipinakaun niku ti manga pangailangan nida, dapat nabwat waya nida ti panguragin hanggan ti pagdurutdutan sa balay manga babayi baraydan.

Isikil 23:35

Ag dahil kinalimtan nimu aku ag pinatlikudan, aku, ti Panginuun Diyus, magbagaw mangagwanta gid kawu dahil sa kanmu mahalay pag buruwatun ti pagpabili sa kanmu bilug.”

Isikil 28:5

Sa panab-anan diman nimu kakayahan sa pagnigusyu, nadugangan waya gid kanmu kayamanan, ag dahil sa kanmu kayamanan nagpadayaw-dayaw kawu.

Husyas 10:1

“Ti manga taga Israil parihu sa tanum ubas malangba ag mayamu kay burak. Mintaras mag-abunda sida magyamu diman kanda pag-ipatindug manga harandugan, ag pagparinuun nida ti aramirawan pag manga batu kanda pagsambahun.

Husyas 12:8

Magpadayaw waya kamu pag manga taga Israil magkun, ‘Nakatipun kami kayamanan, mayaman yi kami. Unman may makasungyaw sa kanmi kuntay nakatipun kami kayamanan sa daut pag paraan, dahil kasalanan inda pag buruwatun.’

Husyas 2:13

Parusahan niku siya dahil may manga udas magtuub siya kamangyan sa manga diyus-diyusan ni Baal. Nansulung siya manga pamarinu ag nanlagas sa kay manga lalaki, ag kinalimtan niya aku. Aku, ti Panginuun, ti magsabi inda.

Husyas 2:7

Lagsun niya kay manga lalaki dapat unman niya sida matakdan. Hanapun niya sida dapat unman niya makitan. Bag-u sumabi siya, ‘Mamalik yi lang aku sa kang un-an pag asawa, dahil mas mayad waya kang kahamtangan kaybi kaysa taynguna.’

Husyas 4:6

“Nag-iridamhak kang manga nasakupan dahil kurang sida sa kaalaman. Dahil kamu gid ngap dinayu niyu ti kaalaman tungkul sa kangku, nakan dayuun diman niku kamu bilang manga manughandug niku. Kinalimtan niyu kang Kasuguan, nakan kalimtan diman niku kanyu manga anak.

Husyas 4:7

Mintaras magyamu kamu pag manga manughandug, magyamu diman waydi kanyu kasalanan sa kangku. Nakan buwatun niku makakaray-a kanyu pag-ipadayaw.

Husyas 5:14

Dahil girahun niku ti Israil hanggan ti Huda ga liyun maggus-ab sa kay bulay. Aku gid ngap ti rumuris sa kanda. Darahun niku sida sa iba nasyun, ag unman may manribri sa kanda.

Husyas 7:14

Balaw tutuu kanda magtawag sa kangku. Maglumi sida sa kanda manga igyaan, pagbiyagan nida kanda bilug mintaras maghagad manga ani hanggan irinmun ubas sa kanda manga diyus-diyusan. Magpakarayu sida sa kangku.

Husyas 8:14

Kinalimtan manga taga Israil ti naglalang sa kanda. Sida ag ti manga taga Huda nagpatindug manga balay hari hanggan mayamu banwa sangput alad batu. Dapat sunugun niku kanda manga banwa hanggan ti mapag-un pag manga rugar.”

Husyas 8:4

Nagpili sida manga hari hanggan manga manugpamahala balaw niku pinili. Nagbuwat sida manga diyus-diyusan ginan sa kanda manga pilak ag gintu. Ag inda pag manga diyus-diyusan imaw ti nagdara kadamhakan sa kanda.

Diyuturunumiyu 32:18

Linimtan nida ti Diyus ti palalan-iban nida pag batu imaw ti naglalang sa kanda.