Husyas 12:8 - Hanunuu

⁸ Magpadayaw waya kamu pag manga taga Israil magkun, ‘Nakatipun kami kayamanan, mayaman yi kami. Unman may makasungyaw sa kanmi kuntay nakatipun kami kayamanan sa daut pag paraan, dahil kasalanan inda pag buruwatun.’

Husyas 12:8 Iomraidhean Croise

Kanta 49:6

magsarig ag magpadayaw sa kanda kayamanan.

Kanta 52:7

“Bantayi niyu ti manga tawu balaw magsarig sa Diyus bilang kanda marig-un pag darangpan. Bagkus ngap magsarig sida sa kanda mayamu pag kasiyunan ag nag-amat waya gid kanda kapangyarihan sa panab-anan pagpadamhak sa iba.”

Kanta 62:10

Danga kamu magsarig sa magpanguwarta. Danga kamu magsarig may mab-ul kamu sa panab-anan panakaw. Una magdugang waya kanyu kayamanan, danga inda pagsarigi.

Kabagawan 11:1

Pagkadat-an Panginuun ti manga magdaya sa magkilu, dapat kay pagbayaun ti magkilu sa tama.

Kabagawan 30:12

May manga tawu kanda pamantay sa kanda sadili unman yi gid magsalan, dapat kay tutuu mauring kanda buhi.

Kabagawan 30:20

Kaindaay ti pagbuwatun babayi magpanguragin: Mag-ulid siya sa iba pag lalaki, pagkatapus magkun siya unman siya may nabwat daut.

Hirimyas 2:23

“Kabitay niyu masabi balaw kamu nauringan ag balaw kamu nagsamba sa diyus-diyusan ni Baal? Bantayi niyu nu unu pag kasalanan ti binuwat niyu sa karatagan Hinum. Isipun niyu kanyu binuwat pag kasalanan. Kamu ga babayi kamilyu unman makaagwanta dahil maghanap lalaki.

Hirimyas 2:35

pagsabihun diman niyu, ‘Unman aku may kasalanan. Balaw magkagalit sa kangku ti Panginuun!’ Dapat ungud parusahan gid niku kamu dahil pagsabihun niyu unman kamu may kasalanan.

Hirimyas 5:27

Parihu sa puguan punu manga manuk, ti balay daut pag tawu punu manga kayamanan ginan sa pandaraya. Nakan yinmaman sida ag nagbaliw makapangyarihan.

Isikil 28:5

Sa panab-anan diman nimu kakayahan sa pagnigusyu, nadugangan waya gid kanmu kayamanan, ag dahil sa kanmu kayamanan nagpadayaw-dayaw kawu.

Husyas 13:6

Dapat pagka pinapaladan niku kamu ag pinaabunda, nagmarapadayaw kamu ag kinalimtan yi niyu aku.

Husyas 14:1

Magkun si Husyas, “Manga taga Israil, pagbalik kamu sa Panginuun niyu Diyus; nidamhak kamu dahil sa kanyu manga kasalanan.

Husyas 4:8

Gustu niyu magkasala kang manga nasakupan hampay makakaun kamu kanda manga handug panlumpiyu.

Amus 8:5

Mag-apura kamu matapus ti Pista Lapus Lati ngatay ti Sirang Pamahari hampay makapabili yi kamu uyas ag makapandaya sa manga manugbili sa panab-anan niyu madaya pag timbangan hanggan takalan.

Habakuk 1:16

Ag dahil mayamu kanda nabihag, pagdayawun nida kanda sadili kakayahan parihu sa manug-isda magdayaw sa kay banwit ngatay sa kay lambat sa panab-anan pagsunug kamangyan bilang handug sa inda pag manga bagay. Dahil sa panab-anan niya banwit ngatay lambat nagyaman siya ag nagkaimaw abunda pag karan-unun.

Sakaryas 11:5

Ti manga magbili ag mag-iyaw sa kanda unman pagparusahan. Ti manga magpabili sa kanda magkun, ‘Dayawun ti Panginuun! Mayaman yi aku!’ Una kanda manga manug-alaga unman magkaawa sa kanda.

Malakyas 2:17

Magkun waya gid si Malakyas sa manga Israilita, “Magbugya yi ti Panginuun sa kanyu manga pagbagawun. Dapat magpaingana waya kamu, ‘Hayga, unu kanmi pagbagawun nakan magbugya yi siya?’ Magbagaw kamu ti tanan magbuwat daut mayad sa magbantay Panginuun ag magbaya siya sa kanda. Magpuya waya kamu magkun, ‘Naan yi ti Diyus katadlungan?’ ”

Malakyas 3:13

Magkun waya sa kanda ti Panginuun, “Marasakit kanyu pinamagaw tungkul sa kangku. Dapat magpaingana waya kamu, ‘Unu lugud ti pagsabihun nimi tungkul sa kanmu?’

Lukas 10:29

Balaw may gustu ti manugtudlu Kasuguan mahantup kuntay salan kay paingana nakan magkun siya sa kan Hisus, “Si unu nguna kang kaparihu tawu?”

Lukas 12:19

Bag-u sumabi sa kang sadili bilug, mayamu yi kang kasiyunan kinarinu sa kang butangan, kang-ud sa mayamu pag timpu. Magpahari aku kang bilug, kumaun, uminum, magbaya waya aku.’

Lukas 16:13

“Unman may panawuhun makasirbi sa duwa ka amu, dahil kagalitan niya ti usa ag mahalun kay usa. Masurundun siya sa kay usa ag pabaya-baya siya sa kay usa. Dayu madungan masirbihan niyu ti Diyus hanggan kayamanan.”

Lukas 16:15

Dapat sinabi ni Hisus sa kanda magkun, “Kamu magpabalhinguun lang sa atubangan manga tawu, dapat alam di gid Diyus kanyu manga tagipusuun. Dahil ti pagpahalagahan manga tawu, pagbugyahan sa kay magbantay Diyus.

Diyuturunumiyu 8:17

Barang sumabi kamu sa kanyu sadili, ‘Dahil sa kang sadili kapangyarihan ag kabisugan naapu niku inda tanan pag kasiyunan.’

1 Timutiyu 6:17

Sabihi nimu ti manga mayaman, danga magpalabaw-labaw. Danga sida magsarig sa kanda kayamanan dahil tunda magkadura di. Bagkus ngap pagsarig sida sa Diyus, imaw ti abunda pag manugpakaun tanan bagay sa ikabaya nita.

1 Timutiyu 6:5

ag aratwan manga tawu alangan kay pag-iisip ag unman magkilala sa katutuuhanan, manga maghantup kuntay ti surundanun sa ikayaman lang nida.

Ipinakakit 3:17

Pagsabihun nimu kuntay kawu mayaman, unman may kurang, may kang-ud kawu sa tanan bagay. Dapat unman nimu alam anung anung kaawaawa kawu masyadu, kapugrihan yi, ga lilus yi ag buta waya kawu.