Husyas 12:7 - Hanunuu

⁷ Magkun ti Panginuun, “Maradaya kanyu manga manugnigusyu; maggamit sida balaw insaktu pag kiluhan.

Husyas 12:7 Iomraidhean Croise

Gimpuunan 49:18

Pagkatapus, magkun si Hakub, “Panginuun, mag-alagad duy aku sa kanmu pagribri.”

Kabagawan 11:1

Pagkadat-an Panginuun ti manga magdaya sa magkilu, dapat kay pagbayaun ti magkilu sa tama.

Kabagawan 16:11

Pagbayaun Panginuun ti balaw madaya pag manugnigusyu.

Isayas 3:5

Apihun kada usa kay kaparihu. Labanan manga anak ti manga gurangun, ag labanan manga makuri ti garalangun pag manga tawu.

Isayas 56:1

Inda ti pagsabihun Panginuun: “Ugalia niyu ti katadlungan ag ti katuwiran dahil arani yi niku iribri kamu.

Isikil 16:3

Sabihi siya aku, ti Panginuun Diyus, magbagaw sa kanya: ‘Usa kawu ka Kananiyu! Kanmu ama usa ka Amuriyu, ag kanmu ina usa ka Hitiyu.

Isikil 22:29

Ti manga tawu maramuun sa kuwarta ag magtakaw. Pag-apihun nida ti manga pugri ag ti manga balaw Israilita mag-uli kaibahan nida. Unman nida sida pagpakan-an katadlungan.

Isikil 28:5

Sa panab-anan diman nimu kakayahan sa pagnigusyu, nadugangan waya gid kanmu kayamanan, ag dahil sa kanmu kayamanan nagpadayaw-dayaw kawu.

Husyas 14:2

Pagbalik kamu sa Panginuun ag pagsabi sa kanya kuntay, ‘Panginuun, patawada duy kami sa tanan nimi manga kasalanan, tanggapa kami angay sa kanmu kaayadan hampay makahandug kami manga pagdayaw sa kanmu.

Huwil 2:12

Magkun ti Panginuun, “Pagbalik kamu sa kangku sa buu niyu tagipusuun, danga maghandum karan-unun, paglumi ag pagpanrukuan.

Amus 2:7

Pag-apihun nida ti manga pugri ag balaw nida pagpakan-an katadlungan. May imaw sa kanda ti magtal-ama mag-ulid sa usa lang ka babayi. Dahil siyun pagpakay-ahun nida kang banal pag ngaran.

Amus 3:9

Sabihun niyu sa manga takinan mag-ulian sa mapag-un pag bahagi Asdud hanggan Ihiptu kuntay pagtipun sida sa manga tagudtud sa palibut Samarya, bag-u bantayi nida ti magpangyari kaguluhan sa inda pag banwa hanggan ti pag-unuunu sa kay manga nasakupan.

Amus 4:1

Kamu pag manga bantug pag babayi sa Samarya, parihu kamu sa manga baka sa Basan pag-alagaun mayad. Pag-api-apihun niyu ag pag-unuunuhun ti manga pugri, bag-u pagsuguun waya niyu kanyu manga asawa kuntay daran-i kamu irinmun ag manginuman kamu. Nakan patingihi niyu inda

Amus 5:11

Pag-ihid-ihidun niyu ti manga pugri ag pagpilitun pumakaun sa kanyu kanda patubas. Nakan unman kamu makaulian sa ipinatindug niyu pag manga balay buwat sa batu, ag unman kamu makainum intus ginan sa itinanum niyu pag manga ubas.

Mikas 2:1

Kaawaawa kamu pag manga magpuyat para lang gumayak daut. Pagka surip pagbuwatun niyu kanyu gayak daut dahil may kakayahan kamu bumuwat tunda.

Mikas 7:2

Ti ibug niku sabihun, unman yi aku may nakitan tawu sa Israil matinupadun sa Diyus. Udyi may nasawad tawu matadlung. Ti kada usa maghanap paraan hampay matyun kay kasimanwa, ga tawu mag-alistu suduk sa bulayun niya pag hayup.

Sakaryas 14:21

Ag ti kada taramaan sa Hirusalim ag Huda bumaliw banal para sa Panginuun Makapangyarihan. Gamitun inda manga manughandug hampay tamaan nida manga pag-isagda. Ag sa tunda pag sirang, udyi may manga manugnigusyu sa Balay Diyus Panginuun Makamaskihan.

Sakaryas 5:8

Magkun ti anghil, “Tunda pag babayi tanda kadautan.” Itinukmud niya ti babayi pabalik sa sulud balulang ag rargu tinakluban.

Sakaryas 7:9

“Inda ti sinabi niku sa kang manga nasakupan: ‘Paghusay kamu mayad. Ipakakit niyu kanyu kaayadan ag pangaawa sa usa kag sa usa.

Malakyas 3:5

Magkun ti Panginuun Makamaskihan sa manga Israilita, “Rumas-ug aku hampay parusahan kamu. Kumastigus rargu aku sa manga manugsalumangka, sa manga magpanguragin, sa manga magkastigus sa pudil, sa manga maglugi sa mag-upa sa kanda manga manugtarabahu, sa manga mag-api sa buranday babayi ag sa manga ilu, hanggan sa manga magbaliwala sa karampatan manga balaw Israilita mag-ulian kaibahan niyu. Buwatun niku inda sa kanyu sa manga unman magsunud sa kangku.”

Huwan 2:16

Sinabihan niya ti manga magpabili kalampati magkun, “Bul-a niyu tunda atay ginan. Danga yi niyu pagbuwata palingkihan ti balay niku Ama.”

Santiyagu 5:4

Magtawag magpatutuu laban sa kanyu ti patabig unman ipinakaun niyu sa manga manug-ani sa kanyu tanman. Kay dangup manga manug-ani kanyu inapi aput yi sa langit, nadnugan yi Panginuun Makamaskihan sa tanan.

1 Samwil 12:3

Atay aku taynguna sa kanyu atubangan. Nu may nabwat aku daut sa kanyu, sabiha lang niyu sa kangku sa atubangan Panginuun hanggan sa kay pinili pag hari. May inapu aw aku baka ngatay asnu? May dinaya aw aku ngatay ginipit? Nagtanggap aw aku suhul hampay bul-an halaga ti kasalanan nabwat usa ka tawu? Nu mapatutuuhanan niyu nabwat niku inda pag manga bagay, iuli di niku inda.”