Husyas 12:10 - Hanunuu

¹⁰ “Naghampang aku sa manga purupita ag pinakan-an niku sida mayamu pag manga pangakakitun. Sa panab-anan nida, pinasandaman niku kamu midamhak.

Husyas 12:10 Iomraidhean Croise

1 Hari 13:1

Sinugu Panginuun ti usa ka suruguun niya taga Huda kuntay pag-atag sa Bitil. Pagras-ug niya ati, matindugan si Hirubuam sa arani harandugan hampay manhandug.

1 Hari 17:1

May usa ka purupita kay ngaran si Ilyas. Mag-uli siya sa Tisbi sakup Gilyad. Magkun siya sa kan Akab, “Pagsiguraduhun niku sa kanmu, sa nabubut-un buhi pag Panginuun, ti Diyus Israil kang pagsirbihan, kuntay unman may tun-ug ngatay uran rumas-ug sa sulud pira ka timpu tugka sa unman niku sabihun kuntay pag-uran ngatay pagtun-ug.”

1 Hari 19:10

Sinmagut si Ilyas, “Panginuun, Diyus Makamaskihan, matinupadun duy aku magsirbi sa kanmu. Dapat dinayu manga Israilita ti kasunduan nida sa kanmu, winayak nida kanmu manga harandugan ag pinanmatay kanmu manga purupita. Aku wadi duy ti nasawad, ag paghingabtun diman nida aku matyun.”

2 Hari 17:13

Pagpasandaman pirmi Panginuun ti Israil ag Huda sa panab-anan manga purupita ag manughula: “Pagpatlikud yi kamu sa kanyu daut pag manga ugali. Tupada niyu kang manga sugu hanggan ti manga surundanun sa tanan Kasuguan ti pag-ipatupad niku sa kanyu manga ginurang, ag ipinakaun niku sa kanyu sa panab-anan niku manga manugsirbi pag manga purupita.”

Nihimyas 9:30

Sa kayamuun pag timpu, inagwanta nimu sida, bag-u pinasandaman sida Ispiritu nimu sa panab-anan manga purupita. Dapat unman nida inda binati, nakan ipinabahala nimu sida sa manga nasakupan sa palibut nida.

Pag-ighit 20:2

“Aku ti Panginuun niyu Diyus ti nagpalwas sa kanyu sa Ihiptu nu naan kamu pag binwat panawuhun.

Hirimyas 19:1

Magkun ti Panginuun sa kangku, “Pagbili kawu tapayan sa manugpanday anglit. Bag-u ibahun nimu ti manga paggurangunun banwa hanggan ti paggurangunun manga manughandug,

Hirimyas 19:10

Bag-u magkun sa kangku ti Panginuun, “Basaga nimu ti tapayan sa atubangan manga tawu nagkuyug sa kanmu.

Hirimyas 25:4

Una parargu waya mamadara tag sa kanyu ti Panginuun kay manga manugsirbi purupita, unman diman niyu pagbatiun ag balaw kamu magpatingi.

Hirimyas 7:25

Ginan sa pag-ighit manga ginurang niyu sa Ihiptu taynguna tugka, parargu aku magpadara sa kanyu manga manugsirbi pag manga purupita niku.

Isikil 17:2

“Anak tawu, tultulan inda pag pahalimbawa sa nasakupan Israil,

Isikil 20:49

Bag-u magkun aku, “Panginuun Diyus, magkun ti manga tawu magbagaw lang aku manga pahalimbawa balaw nida magkasalman.”

Husyas 13:4

“Aku ti Panginuun niyu Diyus ti nagpalwas sa kanyu sa Ihiptu. Unman yi kamu may iba kilalan-un Diyus ag Manugribri nu unman aku lang.

Husyas 3:1

Magkun ti Panginuun sa kangku, “Paglakaw yi, pakakitan maan kanmu pagmahal sa kanmu asawa una waya nanguragin siya. Mahala siya parihu sa kang pagmahal sa nasakupan Israil una ngani nagsamba sida sa tuhay pag manga diyus sa panab-anan pagsagda manga pinauga ubas.”

Huwil 2:28

“Bag-u ipakaun niku kang Ispiritu sa tanan tawu. Kanyu manga anak lalaki hanggan babayi manpadakit kang manga bagaw. Kanyu manga gurangun lalaki managin-up, ag kanyu manga kan-akan makakit manga pangakakitun.

Amus 7:14

Nagsagut si Amus sa kan Amasiyas, “Balaw aku purupita kaybi ag balaw diman aku tagasunud usa ka purupita, nu unman manugbantay aku karanidu hanggan manug-alaga manga kayu sikumuru.

Bilang 12:6

magkun ti Panginuun, “Pagpatingi kamu! Nu may purupita aku asan sa kanyu, maghampang aku sa kanya sa panab-anan pangakakitun hanggan tagin-up.

Binwat 2:17

‘Magkun ti Diyus, “Inda aban kang buwatun sa katapusan panahun. Ibuhus niku kang Ispiritu sa tanan tawu. Bag-u pumurupita kanyu manga anak una lalaki una babayi. Bukasan niku ti naisipan niyu manga kan-akan bag-u aku may ipakakit sa kanda. Ag kanyu manga gurangun lalaki tumagin-up.

2 Kurintu 12:1

Mahimu diman aku magpadayaw-dayaw madi unman may pakinabang siti. Taynguna aku may itultul maan tungkul sa manga ipinakakit Panginuun hanggan tungkul sa manga ipinakilala niya.

2 Kurintu 12:7

Dapat hampay balaw niku ipayabang-yabang ti masyadu gid pag manga makadululaw kay ipinakilala Diyus sa kangku, nakan pinakan-an aku usa ka pinagkadugi sa kang bilug, usa ka sugu ni Satanas hampay aku labanan agud unman aku magpalabi-labi.