Husyas 11:8 - Hanunuu

⁸ “Manga taga Israil, balaw mahimu dayuun niku kamu ngatay pabay-anan. Balaw mahimu ipadamhak niku kamu lubus parihu sa binwat niku sa manga banwa Adma ag Sibuyim. Balaw maagwanta tagipusuun niku buwatun inda sa kanyu. Magkaawa gid aku sa kanyu.

Husyas 11:8 Iomraidhean Croise

Gimpuunan 14:8

Taynguna, tinipun manga hari Suduma, Gumura, Adma, Sibuyim ag Bila kanda manga sundalu sa Luung Sidim

2 Samwil 24:16

Pagka matyun yi mana anghil ti manga nasakupan Hirusalim, naawa ti Panginuun sa manga tawu. Nakan magkun siya sa anghil magparusa sa manga tawu, “Kang-ud yi! Danga yi sida pagparusahi.” Sa tunda pag udas, matindugan ti anghil Panginuun sa may giriukan ni Arauna, usa ka Hibusiyu.

1 Hari 3:26

Dahil sa magkaawa kay tutuu ina sa kay anak, magkun siya sa hari, “Pagkaawa duy kawu, Mahal Hari, danga pagmatya ti anak. Pakan-an yi lang siya sa tunda pag babayi.” Dapat magkun ti usa ka babayi, “Tungaa ti anak hampay unman may makaapu sa kanmi.”

2 Hari 13:23

Dapat kinaawaan ag inalaala sida Panginuun dahil sa kanda kasunduan ni Abraham, ni Isaak, ag ni Hakub. Hanggan taynguna unman niya sida rinuris ngatay pinaighit sa kanda rugar pakarayu sa kay atubangan.

2 Krunika 36:15

Pirmi magpakihampang sa kanda ti Panginuun, ti Diyus nida manga ginurang, sa panab-anan niya manga purupita, dahil magkaawa siya sa kanda hanggan sa kay Balay.

Kanta 106:45

Pag-alalahanun Diyus kay kasunduan sa kanda, ag dahil sa kay daka pag mahal sa kanda nagbag-u kay naisipan balaw yi niya sida parusahan.

Isayas 16:11

Nakan magkaruku aku sa nadangtan manga taga Muab parihu sa maruku pag tunug alpa. Magkaruku diman aku sa nadangtan Kir Harisit.

Isayas 63:15

Bantayan duy nimu kami ginan sa langit, imaw kanmu banal ag abwat pag ulian. Naan yi kanmu pasunaid sa kanmi hanggan kanmu ipinakakit pag kamaskihan kaybi sa kanmi? Naan yi kanmu pagmahal ag pangaawa sa kanmi?

Hirimyas 18:8

bag-u tunda pag nasyun ngatay kaharian umapas sa pagbuwat daut, balaw yi niku iparargu kang gayak daut sa kanda.

Hirimyas 3:12

Paglakaw kawu taynguna bag-u sabihun nimu inda sa Israil, ‘Aku, ti Panginuun, magsabi: Israil maradaya, pagbalik kawu, dahil maawaun aku. Balaw yi aku magalit sa kanmu hanggan aban.

Hirimyas 31:20

Nagsagut ti Panginuun, “Kamu pag nasakupan Ipraim kang pagmahalun pag anak. Una pirmi aku magbagaw laban sa kanyu, pagbayaun di niku kamu. Maggagad di aku ag magkaawa sa kanyu.

Hirimyas 42:10

Nu pumirmaminti kamu sa inda pag daga, bangunun niku kamu ag utru ipatindug ag balaw yi niku kamu ipadamhak. Dahil tutuu nanruku gid aku sa kadamhakan kang ipinalakaw sa kanyu.

Hirimyas 9:6

Lunsay yi lang darayaan kanda pagbuwatun, dahil sa darayaan udyi nida aku pagkilalan-un.

Hirimyas 9:7

Nakan aku, ti Panginuun Makamaskihan, magkun lunsayun niku sida ga baul ag subukun. Hintay waya kang mabuwat sa kanda?

Karukuan 1:20

“Bantayi, Panginuun, nu kabitay kang karukuan! Masyadu gid kang mag-agwanta bilang ga pin-ga kang tagipusuun, dahil nagbaliw malinabagun aku sa kanmu. May magmaratyan sa kang manga sugkadan, ag una sa sulud balay may magkamatay.

Karukuan 3:32

Dapat una magpakaun siya kakurian, pag-ipakakit di maan niya kay pangaawa dahil sa kay daka pagmahal unman may katugkaan.

Karukuan 3:33

Dahil unman siya magbaya sa pagpakuri ag pagsakit sa kanta.

Isikil 33:11

Taynguna sabihi sida, ‘Aku ti Panginuun Diyus buhi, magsumpa kuntay unman aku magbaya nu may mamatay daut pag tawu. Kang gustu pag-aman sida sa kanda daut ugali hampay mabuhi sida. Nakan kamu pag nasakupan Israil, pag-aman yi kamu sa kanyu daut ugali. Gustu aw lugud niyu mamatay?’

Isikil 6:9

bilang manga bihag. Alalahanun nida aku ati, ag maisip nida pinaruku nida aku sa kanda nag-uragin ag pagpalabi-labi sa manga diyus-diyusan. Kayagtingan nida kanda sadili dahil sa kanda daut ag mayagting pag pinanbuwat.

Husyas 6:4

Dapat magkun ti Panginuun, “Israil hanggan Huda, hintay kang buwatun sa kanyu? Kanyu pagmahal sa kangku madali lang magkadura parihu sa anitay ngatay tun-ug sa surip.

Husyas 7:1

Gustu mana niku paayadun ti manga taga Israil. Dapat kadautan ti mag-akitan niku sa kanda. Magdaya sida, magsaka sa manga balay ag magtakaw, hanggan magtulis sa manga dalan.

Amus 4:11

“Rinuris niku ti iba sa kanyu parihu sa binwat niku sa Suduma ag Gumura. Bag-u ti iba sa kanyu nakaribri parihu sa kayu rinabnut sa apuy. Dapat unman diman kamu nagbalik sa kangku. Aku, ti Panginuun, ti magsabi inda.

Amus 7:3

Nakan nagbag-u ti kaisipan Panginuun ag magkun siya, “Kanmu nakitan balaw yi mangyari.”

Amus 7:6

Nakan nagbag-u ti kaisipan Panginuun ag magkun siya, “Kanmu nakitan balaw yi mangyari.”

Mikas 5:3

Nakan ti nasakupan Israil ipahintulut Panginuun sa kanda manga kalaban tugka sa ilusad babayi magpabaring-baring sa sakit ti lapsag lalaki mandumara sa Israil. Bag-u kay manga kasimanwa inda pag takinan imaw ti bumalik sa kanda kaparihu Israilita.

Matiyu 23:37

Sinabi ni Hisus, “Hirusalim, Hirusalim, pagpanmatyun nimu ti manga purupita, pagbatuhun nimu ti manga sinugu Diyus tabug sa kanmu. Kapira yi ginan kang hinanap ti manga mag-uli sa kanmu sulud, hampay kang likumun, parihu ga inaan manuk mag-ukub sa kay manga butu, dapat dayu di ngap kamu.

Diyuturunumiyu 29:22

“Sa aratubangun pag manga sinulput, kanyu manga lahi hanggan ti manga day-uhan ginan sa arayu pag rugar makakit manga kadamhakan ag manga sakit ipadara Panginuun sa kanyu daga.

Diyuturunumiyu 29:23

Kanyu buu daga bumaliw parihu sa tigangan daga natabunan yi asupri ag asin. Unman gid may magtanum sa inda pag daga dahil ti tanum unman manubu. Bumaliw parihu sa pagkadamhak Suduma ag Gumura, hanggan Adma ag Sibuyim pagka dinaut Panginuun dahil sa kay masyadu gid pag pangagalit.

Diyuturunumiyu 32:36

Apinan Panginuun kay manga nasakupan; kaawaan niya kay manga manugsirbi, nu makitan niya unman yi sida may kabisugan ag nu pira wadi ti nasawad sa kanda, panawuhun man una balaw panawuhun.

2 Pidru 2:6

Sinintinsiyahan diman Diyus pinapas ti banwa Suduma hanggan ti banwa Gumura nagbaliw yi dapug, bilang ga usa ka mustara sa manga balaw magpasakup sa Diyus.

Hudas 1:7

Isipa diman niyu ti banwa Suduma hanggan ti banwa Gumura ag kay manga kaarani pag banwa. Nagumun diman sida sa manga mahalay pag buwat hanggan sa kalukuhan nakan sida pinarusahan sa apuy unman may katabuhan, bilang ga usa ka paalaala sa tanan tawu.

Ipinakakit 11:8

Kanda bangkay mahuprasayan sa karsada mahalaga pag banwa kay ngaran magkabaliwan-an ga Suduma hanggan Ihiptu. Ati diman pag ipinaku sa kurus kanda Panginuun.

Ipinakakit 18:18

Linumian nida ti banwa magkairub basta mag-anus waya ati. Magkun sida, “Unman may kaparihu sa kay kabantugan siti pag banwa.”

Talaghusay 10:16

Bag-u dinayu nida kanda diyus-diyusan ag nagsamba sa Panginuun. Sa kadugayun unman yi mabata Panginuun makitan sida magkakurian.