Husyas 11:7 - Hanunuu

⁷ Sida kang nasakupan nagpasya yi pumakarayu sa kangku. Nakan una waya manawag sida tanan sa kangku, balaw niku awatan.

Husyas 11:7 Iomraidhean Croise

Kanta 81:11

Dapat kamu pag manga Israilita kang nasakupan, unman kamu magpatingi ag magtupad sa kangku.

Kabagawan 14:14

Ti tawu balusan gid angay sa kay manga binwat, mayad man ngatay daut.

Isayas 26:10

Una pagkaawaan nimu ti daut, unman diman sida magdunung mangabuhi matadlung. Una waya sida nangulian kaibahan manga matadlung, parargu di gid sida sa kanda buruwatun daut, ag balaw nida pagkilalan-un kanmu kamaskihan.

Hirimyas 14:7

Magkun ti manga tawu, “Panginuun nagsalan duy kami sa kanmu. Pirmi kami magpakarayu sa kanmu, nakan dapat lang kami parusahan. Dapat awati duy nimu kami, sa ikadayaw nimu ngaran.

Hirimyas 2:19

Parusahan niku kamu dahil sa kadautan ag pagdayu niyu sa kangku. Isipun niyu nu kabitay ka daut ag kapait ti binuwat niyu pagdayu ag paglapastangan sa kangku, sa Panginuun niyu Diyus. Aku, ti Panginuun Diyus, ti magsabi inda.

Hirimyas 3:11

Bag-u magkun sa kangku ti Panginuun, “Una balaw matinupadun sa kangku ti Israil mas mayad waya siya kaysa maradaya pag Huda.

Hirimyas 7:25

Ginan sa pag-ighit manga ginurang niyu sa Ihiptu taynguna tugka, parargu aku magpadara sa kanyu manga manugsirbi pag manga purupita niku.

Hirimyas 7:26

Dapat ay unman niyu sida pagpatingihan ngatay pagbatiun. Mas maganit waya kanyu manga ulu ag mas daut waya kanyu manga binwat kaysa kanyu manga ginurang.

Hirimyas 8:5

Dapat kamu pag manga taga Hirusalim, hayga parargu kamu magpakarayu sa kangku? Hayga dayu tayakan niyu ti manga diyus-diyusan magpaumang sa kanyu ag pagbalik sa kangku?

Husyas 11:2

Dapat taynguna, una sigi kang tawag sa kanda pag manga taga Israil, lalu di gid sida magpakarayu sa kangku. Magsagda sida ag magtuub manga kamangyan sa manga diyus-diyusan Baal.

Husyas 14:4

Magkun ti Panginuun, “Paayadun niku kang nasakupan sa kanda pagkamalinabagun, ag buluntad sa kang tagipusuun mahalun niku sida. Dahil nadura yi kang galit sa kanda.

Husyas 4:16

Maganit kay ulu ti manga taga Israil, parihu sa dumaraga baka. Nakan kabitay niku sida maalagaan parihu sa manga karanidu sa karatagan?

Husyas 7:16

Magdangup sida kan Baal unman may pulus. Parihu sida sa pamana maliku unman mapakinabangan. Mamatay sa girahan kanda manga takinan dahil unman sida magdahan nu magbagaw. Dahil siyun puyaan sida manga taga Ihiptu.