Husyas 11:5 - Hanunuu

⁵ Dapat dahil balaw nida gustu bumalik sa kangku, pihu bumalik sida sa Ihiptu, ag pangunahan sida Asirya.

Husyas 11:5 Iomraidhean Croise

2 Hari 15:19

Taynguna, nag-atag si Hari Tiglat Pilisir taga Asirya sa Israil hampay man-gira. Pinakan-an ni Minahim si Tiglat Pilisir manga 35 ka tunilada pilak hampay awatan siya ni Tiglat Pilisir rumig-un waya gid kay maghari.

2 Hari 15:29

Pagka sa udas maghari si Pika, ginira ni Hari Tiglat Pilisir taga Asirya ti Israil, ag inagaw niya ti banwa Iyun, Abil Bit Maaka, Hanuwa, Kidis, ag Hasur. Naagaw diman niya ti Gilyad, Galiliya, ag ti tanan daga Niptali. Ag dinara niya kay manga nasakupan sa Asirya bilang bihag.

Husyas 10:6

bag-u darahun sa Asirya bilang pamakaun sa makapangyarihan pag hari. Mangay-a ti Israil sa kanda magsarig sa manga diyus-diyusan.

Husyas 5:13

“Pagka nakitan Israil hanggan Huda kanda kahamtangan balaw mayad, nanhagad awat ti Israil sa makapangyarihan pag hari Asirya. Dapat unman siya makaawat sa kanda.

Husyas 6:1

Nagharampangan ti manga Israilita. Magkun sida, “Abala, bumalik yi kita sa Panginuun. Siya ti nagpadamhak sa kanta ag siya diman ti mangawat sa kanta.

Husyas 7:16

Magdangup sida kan Baal unman may pulus. Parihu sida sa pamana maliku unman mapakinabangan. Mamatay sa girahan kanda manga takinan dahil unman sida magdahan nu magbagaw. Dahil siyun puyaan sida manga taga Ihiptu.

Husyas 8:13

Magsagda sida sa kangku bag-u kanda diman pagkan-un kanda handug manga taguban, dapat unman aku magbaya sa kanda. Taynguna, alalahanun niku kanda manga kadautan; parusahan niku sida dahil sa kanda manga kasalanan. Bumalik sida sa Ihiptu.

Husyas 9:3

Umighit kamu ginan sa Israil, sa daga Panginuun, ag bumalik kamu sa Ihiptu. Ti iba sa kanyu atabug sa Asirya, mangaun kamu ati manga karan-unun pagbaliwun niyu mag-uring.

Husyas 9:6

Una waya makapalagiw kamu sa kadamhakan, tipunun di maan niku kamu sa Ihiptu ag ilbung sa Mimpis. Matabunan lang ilamnun ag dugihan pag manga kayu kanyu mahalaga pag manga kagamitan pilak hanggan kanyu manga balay.

Amus 4:11

“Rinuris niku ti iba sa kanyu parihu sa binwat niku sa Suduma ag Gumura. Bag-u ti iba sa kanyu nakaribri parihu sa kayu rinabnut sa apuy. Dapat unman diman kamu nagbalik sa kangku. Aku, ti Panginuun, ti magsabi inda.

Amus 4:6

“Aku ti nagpadara taglun-us sa kanyu hanggan sa tanan niyu manga banwa, dapat unman diman kamu nagbalik sa kangku. Aku, ti Panginuun, ti magsabi inda.

Amus 5:27

Nakan ipabihag niku kamu ag darahun tag sa luwas waya Damasku.” Inda ti sinabi Panginuun pag-ingarnan Diyus Makamaskihan.

Diyuturunumiyu 17:16

Kanyu hari balaw mahimu manipun mayamu pag manga kabayu, ag balaw niya ipaatag kay manga tawu sa Ihiptu hampay mamili manga kabayu, dahil ti Panginuun niyu Diyus nagsabi sa kanyu danga yi gid kamu magbalik atabug.