Husyas 11:2 - Hanunuu

² Dapat taynguna, una sigi kang tawag sa kanda pag manga taga Israil, lalu di gid sida magpakarayu sa kangku. Magsagda sida ag magtuub manga kamangyan sa manga diyus-diyusan Baal.

Husyas 11:2 Iomraidhean Croise

1 Hari 12:33

Sa tunda pag sirang nanhandug siya sa kay ipinabwat pag harandugan sa Bitil, inumpisahan niya ti pista para sa manga Israilita. Siya ti nagpili pitsa, sa 15 pag sirang sa ikawalu pag bulan para sa inda pag pista.

1 Hari 18:19

Taynguna, tipuna nimu ti tanan nasakupan Israil hampay ibahan nida aku sa Bantud Karmilu. Ag paataga diman nimu ti 450 ka manga purupita ni Baal hanggan ti 400 ka purupita ni Asira, ti pagpakan-un ni Hisibil.”

Nihimyas 9:30

Sa kayamuun pag timpu, inagwanta nimu sida, bag-u pinasandaman sida Ispiritu nimu sa panab-anan manga purupita. Dapat unman nida inda binati, nakan ipinabahala nimu sida sa manga nasakupan sa palibut nida.

Hirimyas 18:15

Dapat kang manga nasakupan magkalimut yi sa kangku. Magsunug sida kamangyan sa manga diyus-diyusan unman may pulus. Nagpatlikud sida sa insaktu ag daan pag dalan, linmakaw sida sa balaw mayad pag dalan nu naan nitalakpa sida.

Hirimyas 44:5

dapat unman sida namatingi ngatay nagsunud sa manga purupita. Unman sida nagpatlikud sa kanda kadautan ngatay nag-apas sa pagsunug nida manga kamangyan para sa manga diyus-diyusan.

Husyas 11:7

Sida kang nasakupan nagpasya yi pumakarayu sa kangku. Nakan una waya manawag sida tanan sa kangku, balaw niku awatan.

Husyas 2:13

Parusahan niku siya dahil may manga udas magtuub siya kamangyan sa manga diyus-diyusan ni Baal. Nansulung siya manga pamarinu ag nanlagas sa kay manga lalaki, ag kinalimtan niya aku. Aku, ti Panginuun, ti magsabi inda.

Husyas 4:13

Magsagda kamu ag magtuub manga kamangyan sa katayungtungan manga bantud hanggan tagudtud, ag sa manga sirung arabwat, sa maraybung pag manga kayu dahil mayad parasirngan. Nakan kanyu manga anak daraga mag-ulid sa manga lalaki ag kanyu manga umagad babayi magpanguragin.

Husyas 4:17

Nalagum yi sida sa manga diyus-diyusan. Pabay-ani yi lang sida!

Sakaryas 1:4

Danga niyu paghuwada ti binwat niyu manga ginurang. Sinugu niku kaybi ti manga purupita hampay sabihan sida patlikudi yi nida kanda manga daut pagbuwatun, dapat unman sida naniwala. Unman gid sida nagsunud sa kangku.

Sakaryas 7:11

“Dapat unman gid nida pinahalgaan kang sinabi. Binugyahan nida inda ag unman nida pinatingihan.

Lukas 13:34

“Hirusalim, Hirusalim, pagpanmatyun nimu ti manga purupita, pagbatuhun pagmatyun nimu ti manga sinugu Diyus tag sa kanmu. Kapira yi ginan kang hinanap ti manga mag-uli asan hampay kang tipunun parihu ga inaan manuk mag-ukub sa kay butu, dapat dayu di ngap kamu.

Huwan 3:19

Parusahan sida dahil nagsitay sa kalibutan ti katutuuhanan ga karayawan ginan sa Diyus. Dapat pinalabi waya manga tawu ti kadudulman sa karayawan, dahil daut kanda manga buwat.

Binwat 7:51

Sigi waya gid kan Istiban paalaala sa Katipunan manga Pinunu magkun, “Tutuu maganit kanyu manga ulu. Kanyu tagipusuun parihu lang ga tawu unman nagsarig sa Diyus. Unman niyu pagpatingihan ti katutuuhanan. Unman waydi kamu magpaniwala sa pagsabihun Ispiritu Banal. Parihu yi lang gid kamu ga kanyu manga ginurang.

Talaghusay 10:6

Nagbuwat maan kadautan ti manga Israilita sa magbantay Panginuun. Nagpatlikud sida sa Panginuun ag nagsamba sa manga tawu-tawu Baal hanggan Astarut, ag sa manga diyus-diyusan Aram, Sidun, Muab, Amun, ag Pilistiya.

Talaghusay 2:13

dahil binugyahan nida siya ag nagsirbi sa kan Baal ag kan Astarut.

Talaghusay 3:7

Nagbuwat daut ti manga Israilita sa magbantay Panginuun dahil kinalimtan nida ti Panginuun nida Diyus ag nagsamba sa manga tawu-tawu Baal hanggan Asira.