Husyas 11:11 - Hanunuu

¹¹ Rumas-ug kamu madali parihu sa manga manuk maglayang sa tungud ginan sa Ihiptu ngatay parihu sa manga kalampati ginan sa Asirya. Pauliun maan niku kamu sa kanyu manga balay. Aku, ti Panginuun, ti magsabi inda.”

Husyas 11:11 Iomraidhean Croise

Isayas 11:11

Sa ati pag sirang utru gamitun Panginuun kay kamaskihan hampay pauliun ti manga nasawad pag nasakupan niya dinara-bihag sa Asirya, sa Ihiptu, sa Patrus, sa Itiyupya, sa Ilam, sa Babilunya, sa Hamat ag sa iba waya rugar arayu.

Isayas 60:8

Magbiyahi ti manga barku ga manga rurum maglayang ag ga manga kalapati atabug sa kanda itlugan. Tunda pag manga barku kay apu ginan sa arayu rugar, magsarig sa Panginuun. Pangunahan sida manga barku Tarsis hampay itibu kanmu manga nasakupan pauli ginan sa arayu pag rugar. Mandara sida manga gintu ag pilak para sa Panginuun niyu Diyus, ti Banal pag Diyus Israil, dahil kawu kay pagkilalahun.”

Hirimyas 31:12

Umatag sida sa Bantud Siun ag manhuyaw sa kabayaan. Magbarayaan sida dahil sa manga papalad niku sa kanda. Bumaliw abunda ti manga tirigu, ti irinmun ubas, ti lana ulibu ag ti manga hayup nida. Miparihu sida sa halamanan pirmi pagdiligan ag udyi sida utru manrukuan.

Isikil 34:27

Manburak kanda manga puun kayu hanggan manga tanum, bag-u mangabuhi sida ribri sa kadilikaduhan. Maalaman nida aku ti Panginuun nu palayaun niku sida sa kamang manga mag-alipin sa kanda.

Isikil 34:28

Balaw yi sida pakurian iba ka manga nasyun ag unman yi sida kan-un talun hayup. Mangabuhi sida ribri sa kadilikaduhan ag unman may manpadala sa kanda.

Isikil 37:21

ag sabihi sida, ‘Inda ti pagsabihun Panginuun Diyus: Tipunun niku ti manga Israilita ginan sa tanan nasyun kinalatan nida, bag-u daran-un sida pabalik sa kanda sadili daga.

Isikil 37:25

Mangulian sida sa daga niku ipinakaun sa kang suruguun sa kan Hakub, ti daga nu naan nangulian kanda manga ginurang. Ati sida hanggan kanda manga linahi pag mangulian tugka aban, bag-u humari sa kanda ti hari ginan sa linahi niku suruguun si Dabid sa unman may katapusan.

Husyas 3:5

Dapat sa uryan pag manga sirang, mandangup di maan sida sa Panginuun nida Diyus hanggan sa kanda hari linahi ni Dabid. Pumakarani sida sa Panginuun may paggalang dahil sa kay kaayadan.

Husyas 7:11

Parihu sida sa kalampati; madali lang lukuhun ag unman may pan-intindi. Maghagad sida awat sa Ihiptu, nu kas-a sa Asirya.

Ubadyas 1:17

“Dapat may masawad di manga Israilita sa Bantud Siun, ag bumaliw banal maan inda pag rugar. Maiuli di sa manga linahi ni Hakub ti manga daan nida magkaapu pag daga.

Sakaryas 10:10

Pauliun niku sida ginan sa Ihiptu ag Asirya, ag mangulian sida sa kanda rugar tugka sa Gilyad ag Libanun. Bumaliw masiut sida sa kanda kadagaan.

Sakaryas 8:7

Iribri niku kang manga nasakupan dinara-bihag sa manga daga sa butlakan ag sa isalpan.

Sakaryas 8:8

Daran-un maan niku sida pabalik sa Hirusalim ag ati sida pauliun. Ag kas-a waya bumaliw sida kang nasakupan ag aku bumaliw kanda matapat ag matadlung pag Diyus.”