Husyas 11:1 - Hanunuu

¹ Magkun ti Panginuun, “Katpung anak waya ti Israil, pagmahalun niku siya. Tinawag niku siya ginan sa Ihiptu bilang kang anak.

Husyas 11:1 Iomraidhean Croise

Kanta 129:1

Manga taga Israil, sabihun niyu nu kabitay ti pagpakuri sa kanyu niyu manga kalaban ginan sa pag-umpisa niyu nasyun.

Pag-ighit 19:4

‘Nakitan gid niyu nu hintay kang binwat sa manga Ihipsiyu, ag nu kabitay kamu niku dinara sitay tag sa kangku, parihu sa pagdara agila sa kay manga pispis sa panab-anan niya manga pakpak.

Pag-ighit 4:22

Bag-u sabihun nimu sa kanya, ‘Inda ti pagsabihun Panginuun: Pagbaliwun niku ti Israil kang anak lalaki panganay,

Pag-ighit 4:23

nakan nagsugu aku pasnui nimu siya umighit hampay mansamba sa kangku, dapat balaw kawu nagpasnu. Nakan matyun niku ti panganay nimu pag anak lalaki!’ ”

Isayas 43:4

Ipakaun niku ti iba ka manga tawu bilang ka ilis nimu, dahil kawu garalangun ag mahalaga sa kang magbantay, dahil pagmahalun niku kawu.

Hirimyas 12:7

“Dayuun niku kang manga nasakupan, ti magkaapu niku pag nasyun. Ipakaun niku kang pagmahalun pag manga nasakupan sa manga kalaban nida.

Hirimyas 2:2

“Pag-ati kawu sa manga taga Hirusalim, sabihun nimu inda sa kanda: ‘Magkatandaan niku kanyu pagkamatinupadun ag pagmahal sa kangku kaybi parihu sa babayi bag-u ipinaasawa. Inusig niyu aku una sa pangawakawaan unman may magtubu manga tanum.

Isikil 16:22

Sa tanan mayagting nimu pagbuwatun ag pagpanguragin unman gid nimu inisip nu kabitay niku kawu inalagaan katpung kalay-awan waya kawu, katpung uba waya kawu ag magpalisud-lisud sa kanmu dugu.

Isikil 16:6

“ ‘Dapat pagka nalakawan niku kawu malilidan sa kanmu dugu, sinabihan niku kawu mabuhi gid kawu.

Husyas 10:15

Katunda diman ti mangyari sa kanyu manga taga Bitil dahil masyadu kanyu kadautan. Sa paghanag-hanag sa surip, pihu gid mamatay ti hari Israil.”

Husyas 12:13

Sa panab-anan ni purupita Muysis, ipinalwas niku kamu pag manga Israilita sa Ihiptu ag inalagaan.

Husyas 12:9

Nakan aku, ti Panginuun niyu Diyus ti nagpalwas sa kanyu sa Ihiptu, pauliun maan niku kamu sa manga payag, parihu sa pagbuwatun niyu sa udas Pista Pagpatindug manga Payag.

Husyas 13:4

“Aku ti Panginuun niyu Diyus ti nagpalwas sa kanyu sa Ihiptu. Unman yi kamu may iba kilalan-un Diyus ag Manugribri nu unman aku lang.

Husyas 2:15

Iuli niku sa kanya kay manga tanman ubas, ag buwatun niku ti Karatagan Akur dalan manpaala-ala mayad pag paratabgan. Sagtun niya aku parihu sa kay binwat katpung anak waya siya, katpung sa kay pagluwas niya sa Ihiptu.”

Malakyas 1:2

Magkun ti Panginuun, “Pagmahalun niku kamu. Dapat magpaingana waya kamu, ‘Kabitay nimu kami kamahal?’ Isipa niyu una magtar-ari sida ni Isaw ni Hakub, pagmahalun niku si Hakub

Matiyu 2:15

Ati di sida sa Ihiptu hanggan sa udwaya namatay si Hirudis. Nangyari tunda hampay matupad kay bagaw Panginuun ipinadakit purupita magkun, “Tinawag niku kang anak ginan sa Ihiptu.”

Diyuturunumiyu 33:3

Pagmahalun gid ungud Panginuun kay manga nasakupan. Pag-alagaan niya ti manga pinili niya pag tawu. Nakan pagsundun nida siya ag pagtupadun kay sugu.

Diyuturunumiyu 7:7

“Pinili kamu ag pagmahalun Panginuun balaw dahil mas mayamu kamu kaysa iba pag manga tawu, dahil kamu waya ngani ti pinakapira sa tanan.