Husyas 10:4 - Hanunuu

⁴ Sigi lang sida sa bagaw dapat unman diman sa buwat. Magsumpa sida pudil ag magbuwat kasunduan unman diman pagtupadun. Nakan ngani ti katadlungan nagbaliw ga ilamnun makahilu magtubu sa inaradu pag daga.

Husyas 10:4 Iomraidhean Croise

Isayas 5:7

Ti ubasan Panginuun Makamaskihan kay pag-alagaan ag makapakaun mana kabayaan sa kanya imaw yi ngani ti Israil ag Huda. Magsarig siya mangugali sida sa katadlungan dapat nadnugan ngap niya ti maglulumian manga pag-unuunuhun.

Husyas 4:2

Bagkus ngap, daut kanyu pagbuwatun tabug sa iba, magpamudil, magpanmatay, magpanakaw ag magpanguragin. Nibarita yi inda una naan, ag dasun-dasun ti magmaratyan.

Husyas 6:7

Parihu sa kan Adam, dinaut niyu ti kasunduan niku sa kanyu. Nagpudil kamu sa kangku asan sa kanyu rugar.

Amus 5:7

Kaawaawa kamu! Pag-ikadaut niyu ti katuwiran ag pagbul-an halaga niyu ti katadlungan.”

Amus 6:12

Makapalagiw aw nguna ti manga kabayu sa batuhan? Makaaradu aw nguna ti baka sa dagat? Unman! Dapat ti katadlungan binwat niyu makasakit sa tawu, ag ti matarung binwat niyu daut.

Binwat 8:23

Dahil mag-akitan niku subra masyadu kanmu maghirak, ga pirisu kawu ginapus nimu kasalanan.”

Ruma 1:31

manga unman may intindi, manga parahimudilun, udyi may awa, udyi sida may pasunaid sa kanda kaparihu.

Diyuturunumiyu 29:18

Pihua niyu unman una di usa sa kanyu, lalaki ngatay babayi, una magtal-anakan, ngatay lahi ti pumatlikud sa Panginuun nita Diyus ag mansamba sa ati pag manga diyus iba nasyun hampay unman may una di usa sa kanyu ti bumaliw ga gamut ilamnun magtubu mapait ag makahililu.

Diyuturunumiyu 31:16

Nagbagaw ti Panginuun sa kan Muysis, “Arani yi kawu mamatay ag miminsan sa kanmu manga ginurang. Nu udyi kawu, inda pag manga tawu mansamba sa iba pag manga diyus imaw ti pagsambahun manga tawu ati sa atagan nida pag daga. Bugyahan nida aku ag lapastanganun kang binwat kasunduan sa kanda.

Diyuturunumiyu 31:17

Sa ati pag sirang, mangisug aku sa kanda ag bugyahan niku sida. Patlikudan niku sida bag-u maruris sida. Mayamu pag kadamhakan ag kakurian ti rumas-ug sa kanda, bag-u sa tunda pag udas mamaingana sida, ‘Nagras-ug aw sa kanta inda pag kadamhakan dahil balaw kita pag-ibahan Panginuun?’

2 Timutiyu 3:3

Usa sa siyun manga arisgadu sida, udyi may pangaawa, magpamuya, maurugun, maparanghasin, magkadaut sida sa una hintay pag kaayadan.

Hibriyu 12:15

Pagdahan kamu hampay unman may pumatlikud sa kanyu tanan sa kay pakaun Diyus karibrihan. Barang may magtubu ga ilamnun mapait sa kanyu bag-u miabay ti mayamu ngap pag patar-ari sumimray sa katutuuhanan.