Husyas 10:13 - Hanunuu

¹³ “Dapat nagtanum kamu kadautan, nakan umani diman kamu kadautan. Nagpudil kamu, ag tunda ti burak niyu kadautan. Dahil sa magsarig kamu sa kanyu sadili kabisugan, parihu sa kanyu mayamu sundalu,

Husyas 10:13 Iomraidhean Croise

Hub 4:8

Angay sa kang nakitan ag naalaman, ti tawu magbuwat daut ag kaguluhan, katida diman kay patabgan.

Kanta 33:16

Ti usa ka hari balaw manalu sa gira dahil lang sa kay kayamuun manga sundalu. Ag ti usa ka sundalu balaw waydi maribri sa gira dahil lang sa kay masyadu pag kabisugan.

Kanta 52:7

“Bantayi niyu ti manga tawu balaw magsarig sa Diyus bilang kanda marig-un pag darangpan. Bagkus ngap magsarig sida sa kanda mayamu pag kasiyunan ag nag-amat waya gid kanda kapangyarihan sa panab-anan pagpadamhak sa iba.”

Kanta 62:10

Danga kamu magsarig sa magpanguwarta. Danga kamu magsarig may mab-ul kamu sa panab-anan panakaw. Una magdugang waya kanyu kayamanan, danga inda pagsarigi.

Kabagawan 1:31

Nakan anihun niyu ti burak niyu manga pagbuwatun hanggan paggayakun daut.

Kabagawan 12:19

Ti tutuu pag bagaw pumarargu tugka aban, dapat ti bagaw pudil unman dumugay.

Kabagawan 13:2

Ti magbagaw mayad pag tawu balusan mayad pag manga bagay, dapat ti marapudil pag tawu balusan kadautan.

Kabagawan 19:5

Ti pudilun pag kastigus parusahan, ag una si unu pag pudilun balaw makaribri sa parusa.

Kabagawan 22:8

Ti magpamgas kadautan umani kadamhakan, ag umapas yi kay magpadamhak sa iba.

Manugtudlu 9:11

May nakitan waya gid aku sitay sa kalibutan: Unman tanan mabisug magpalagiw magpanalu sa lalagsan, ag balaw tanan mabisug magpanalu sa labanan. Unman tanan madunung makakit karabuhian, unman tanan madunung magyaman, ag unman tanan may kakayahan magpanalu. Nakan magras-ug sa kada tawu kanya aratubangun.

Isayas 17:11

una waya tumubu ag mamusang sa sirang katpung niyu itinanum, unman kamu may mab-ul kay burak. Nagbudlay lang kamu ag nakurian.

Husyas 11:12

Magkun waya ti Panginuun, “Pirmi aku pagpudilan ag paglukuhun manga taga Israil. Ti manga taga Huda parargu magpakarayu sa kangku, ti Banal pag Diyus ag matinupadun.”

Husyas 4:2

Bagkus ngap, daut kanyu pagbuwatun tabug sa iba, magpamudil, magpanmatay, magpanakaw ag magpanguragin. Nibarita yi inda una naan, ag dasun-dasun ti magmaratyan.

Husyas 4:8

Gustu niyu magkasala kang manga nasakupan hampay makakaun kamu kanda manga handug panlumpiyu.

Husyas 7:3

Napasulung nida kanda hari hanggan manga takinan sa panab-anan nida kadautan ag kapudilan.

Husyas 8:7

“Parihu lang sida ga magpamgas durus ag mag-ani buhawi. Parihu diman sa tirigu unman may uhay, unman inda makapakaun karan-unun. Una waydi mamurak, iba nasyun di waydi ti kumaun.

1 Samwil 24:14

Si unu lugud aku nakan paglagsun Hari Israil? Parihu lang waydi aku sa namatay idu ngatay kutu.