Husyas 10:12 - Hanunuu

¹² Sinabi niku sa kanyu, ‘Palug-uda kanyu tagipusuun parihu sa daga inaradu. Pagtanum kamu katadlungan ag pag-ani pagmahal. Dahil udas yi inda hampay dumangup kamu sa kangku tugka sa kang pagras-ug, bag-u padarahan niku kamu karibrihan parihu sa uran.’

Husyas 10:12 Iomraidhean Croise

Kanta 105:4

Pagsarig kamu sa Panginuun ag sa kay kabisugan. Pagpakarani kamu pirmi sa kanya.

Kanta 72:6

Mana pumarihu siya sa uran magpakaun danum sa daga.

Kabagawan 11:18

Ti daut pag tawu unman makatanggap tutuu pag pirimyu, dapat ti magbuwat matadlung makatanggap tutuu pag pirimyu.

Kabagawan 18:21

Ti bagaw tawu makaribri sa buhi ngatay ngap makamatay. Nakan nu parabagaw kawu, pagdahan kawu dahil anihun nimu ti burak nimu manga pagbagawun.

Manugtudlu 11:6

Pagtanum kawu buu sirang, dahil balaw nimu alam nu manubu tanan ngatay kay iba lang.

Isayas 30:23

Pakan-an kamu Panginuun uran sa panahun tig-taranum, ag bumaliw abunda kanyu tubas. Kanyu manga hayup manharab sa maluang pag pasturan.

Isayas 31:1

Kaawaawa kamu pag manga maghagad awat sa Ihiptu. Magsarig kamu sa kanda manga marabisug pag kabayu, sa mayamu nida kalisa, ag sa manga marabisug pag sundalu manugkabayu. Dapat unman kamu magpaniwala sa Panginuun, sa Banal pag Diyus Israil, balaw kamu maghagad awat sa kanya.

Isayas 32:20

papaladan di kamu Diyus. Bumaliw abunda ti danum sa manga pananum, ag kanyu manga hayup abunda sa hararabun una naan tag.

Isayas 44:3

Dahil pakan-an niku kawu danum pamaraw uwaw hanggan humaug sa kanmu tigangan daga. Ipakaun niku kang Ispiritu sa kanmu linahi ag papaladan niku sida.

Isayas 45:8

Pumakaun aku panalu, ga uran magkaragdag gin tungud. Matanggap inda manga tawu sa kalibutan. Lumantap ti karibrihan hanggan ti kapanaluhan may katadlungan ga tanum magtubu. Aku, ti Panginuun, ti nagbuwat inda.

Isayas 48:18

Nu nagsunud lang kamu sa kang manga sugu, binmulus mana ga sapa ti manga papalad sa kanyu, dasun-dasun mana kanyu panalu ga humbak maghampak sa baybay.

Isayas 5:6

Pabay-anan yi lang niku inda ag balaw yi asikasuhun. Balaw yi niku inda puldan kay manga sanga ngatay balubuan kay puun. Pabay-anan yi lang niku mibusul sa manga ilamnun ag manga halaman madugi. Bag-u suguun niku ti manga rurum tubay yi inda padna uran.”

Isayas 54:14

Bumaliw marig-un kawu dahil mamuhi matadlung kanmu manga nasakupan. Malagiw kanmu manga kalaban, nakan unman kawu may kadalaan. Udyi makapakarani sa kanmu ti manga kalaban nimu hampay padalaun kawu.

Isayas 55:6

Pagpakarani yi kamu sa Panginuun ag pagtawag sa kanya habang asan di waya siya hampay awatan kamu.

Hirimyas 50:4

“Aku, ti Panginuun, magsabi sa ati pag udas, ti manga nasakupan sa Israil ag sa Huda manlumi ag pakarani sa kangku, ti Panginuun nida Diyus.

Isikil 34:26

Papaladan niku sida hanggan ti manga rugar sa palibut niku banal pag bantud. Padarahan niku sida uran sa kang-ud pag panahun bilang papalad sa kanda.

Husyas 12:6

“Nakan kamu pag manga linahi ni Hakub, pagbalik yi sa kanyu Diyus, ag ipakakit niyu ti pagmahal hanggan ti katadlungan. Bag-u parargu kamu sumarig sa kanyu Diyus.”

Husyas 14:1

Magkun si Husyas, “Manga taga Israil, pagbalik kamu sa Panginuun niyu Diyus; nidamhak kamu dahil sa kanyu manga kasalanan.

Husyas 6:3

Hingabtun nita makilala ti Panginuun. Pihu gid rumas-ug siya, parihu sa pagbutlak init. Rumas-ug siya parihu sa uran maghurum sa daga.”

Husyas 8:7

“Parihu lang sida ga magpamgas durus ag mag-ani buhawi. Parihu diman sa tirigu unman may uhay, unman inda makapakaun karan-unun. Una waydi mamurak, iba nasyun di waydi ti kumaun.

Amus 5:15

Amani niyu ti daut, buwata ti mayad, bag-u pagsintinsiya kamu matadlung sa hurusayan. Barang abi maawa ti Panginuun Diyus Makamaskihan sa nasawad pag manga lahi ni Husi.

Amus 5:4

Nakan pagdangup kamu sa kangku, kamu pag nasakupan Israil, agud mabuhi kamu.

Amus 5:6

Pagdangup kamu sa kangku, kamu pag lahi ni Husi, agud mabuhi kamu. Dahil nu unman, girahun niku kamu ga apuy. Nakan maruris ti Bitil ag unman may makaampara inda.

Amus 5:8

Ti Diyus ti naglalang gurupu manga pamgasan pag-ingarnan Pliyadis ag Uryun. Siya ti magpalawuy rayaw sa dulum, ag sirang sa yabi. Pagtipunun niya ti danum sa manga rurum ginan sa kadagatan bag-u pagpauranan niya ti daga. Panginuun kay ngaran.

Lukas 13:24

“Pagpilit kamu sa kanyu sadili hampay makaslud lakaw sa diit pag sabian. Dahil ungud gid kang pagsabihun sa kanyu, mayamu ti sumamit hampay sumulud dapat unman sida makaslud.

Binwat 2:18

Ati katpung pag udas ibuhus niku kang Ispiritu sa kang manga panawuhun una lalaki una babayi bag-u pumurupita yi sida.

2 Kurintu 9:10

Ti Diyus tigpakaun binhi hampay ipamgas hanggan karan-unun hampay may makaun, siya ti pumakaun binhi sa kanyu, siya diman ti pumadaka hampay mamurak abunda kanyu mayad buut naisipan.

Santiyagu 3:18

Ag ti tawu nu madunung magpanab-anan sa mayad pag taratuhan, nu itanum niya kay kahusayan, may maani ngap siya katadlungan.