Husyas 10:11 - Hanunuu

¹¹ Kaybi masalibagunan lang kamu; parihu kamu sa dumaraga baka naantigu maggiuk ag tunda kay pagkaibgan pag tarabahu. Dapat taynguna pakurianan niku kamu pag manga taga Israil hanggan taga Huda; bumaliw kamu ga dumaraga baka takudan singkaw ti marinu pag liug niya ag pakurianan sa mag-aradu.

Husyas 10:11 Iomraidhean Croise

Isayas 28:24

Ti manugtanman lugud pirmi yi lang aw mangaradu; balaw yi lang aw mananum?

Hirimyas 28:14

Aku, ti Panginuun Makamaskihan, ti Diyus Israil magsabi: Ipapas-an niku ti singkaw baul sa tanan nasyun, hampay manirbi sida sa kan Hari Nabukudunusur sa Babilunya. Hanggan ti manga maraisug pag hayup ipasakup niku sa pagdumara niya.”

Hirimyas 46:20

Ti Ihiptu ga dumaraga baka, dapat may sarut ginan sa kanaway gumira sa kanya.

Hirimyas 50:11

“Manga taga Babilunya, bin-ul niyu ti magkaapu manga nasakupan niku. Nakabaya kamu ag masulung ga sa dumaraga baka sa pasturan ngatay kabayu maghiri-hiri.

Husyas 11:4

Giniyahan niku sida may pagmahal. Ga bin-ul niku kanda singkaw sa liug ag yinmuk-ub aku hampay pakaunun sida.

Husyas 3:1

Magkun ti Panginuun sa kangku, “Paglakaw yi, pakakitan maan kanmu pagmahal sa kanmu asawa una waya nanguragin siya. Mahala siya parihu sa kang pagmahal sa nasakupan Israil una ngani nagsamba sida sa tuhay pag manga diyus sa panab-anan pagsagda manga pinauga ubas.”

Husyas 4:16

Maganit kay ulu ti manga taga Israil, parihu sa dumaraga baka. Nakan kabitay niku sida maalagaan parihu sa manga karanidu sa karatagan?

Husyas 9:1

Magkun si Husyas, “Kamu pag manga taga Israil, apasi yi niyu kanyu kasayahan parihu sa pagbuwatun iba manga nasyun. Dahil magsamba kamu sa manga diyus-diyusan ag magpakarayu sa kanyu Diyus. Una naan pag giriukan maghandaan kamu kanyu manga ani pag-isipun niyu bayad manga diyus-diyusan dahil sa kanyu pagsamba sa kanda.

Mikas 4:13

“Manga nasakupan Siun, pag-alistu kamu ag rurisa lubus niyu kanyu manga kalaban ga maggiuk tirigu. Dahil buwatun niku kamu ga manga tudu baka may baul pag manga sungay ag may manga kuku galang. Runutun niyu ti mayamu nasyun, ti nagkarausa hampay labanan kamu. Ti inaghas nida pag manga kayamanan sa panab-anan paggiit handugan niyu sa kangku, ti Panginuun buu kalibutan.”

Ruma 16:18

Ti katunda pag manga tawu unman magsirbi sa kan Kiristu sa kanta Panginuun, bagkus ngap pag-intindihun lang nida kanda sadili kailangan. Pagdayaun nida ti manga kurang sa kinaalman sa panab-anan marahusay ag mararinu nida pamagaw.

Diyuturunumiyu 25:4

“Danga pagpungta ti baka habang maggiuk.