Husyas 1:6 - Hanunuu

⁶ Namuduy maan si Gumir ag nanganak babayi. Magkun ti Panginuun sa kan Husyas, “Ingarni ti anak Lu Ruhama, dahil balaw niku kaawaan ngatay patawadun ti nasakupan Israil.

Husyas 1:6 Iomraidhean Croise

2 Hari 17:20

Nakan ipinurya Panginuun ti tanan nasakupan Israil. Pinarusahan niya sida, ipinakaun sida sa manga maggira sa kanda tugka sa pinaighit niya sida sa kanda rugar pakarayu sa atubangan niya.

2 Hari 17:6

Pagka sa ikasiyam pag timpu kay maghari ni Husyas, nasakup hari Asirya ti Samarya, ag dinara niya ti manga taga Israil sa Asirya bilang manga bihag. Ipinatahan niya sida sa banwa Hala, sa manga rugar arani sa Sapa Habur sa Gusan, hanggan sa manga banwa manga Midyanita.

Isayas 27:11

Pagka nabari ag nalayung ti manga sanga, tinipun inda manga babayi ag binwat pamagba. Dahil sa unman may intindi inda pag manga tawu. Balaw sida kaawaan Diyus imaw ti naglalang sa kanda.

Husyas 1:8

Pagka mag-iblag yi sa susu si Lu Ruhama, namuduy maan si Gumir ag nanganak lalaki.

Husyas 2:23

Sa tunda pag panahun mangulian kamu sa kanyu daga bilang kang nasakupan. Ipakakit niku kang pangaawa sa kanyu manga pag-ingarnan Lu Ruhama. Ag kamu pag manga pag-ingarnan Lu Ami ingarnan diman niku kamu kang nasakupan, ag sumabi kamu aku kanyu Diyus.”

Husyas 2:4

Ag kamu kay manga anak balaw niku kaawaan, dahil manga anak kamu babayi magpanguragin. Makakaray-a ti pagbuwatun niyu ina ti naglusad sa kanyu. Magkun waya siya, ‘Mandasun aku sa kang manga lalaki imaw ti magpakaun sa kangku karan-unun hanggan danum, manga pisahan dilana ag linu, hanggan lana ulibu ag irinmun intus.’

Amus 7:8

Nagpaingana ti Panginuun sa kangku, “Amus, unu kanmu nakitan?” Sinmagut aku, “Panuntun duy.” Bag-u magkun siya, “Angay sa kang panuntun, balaw matul-id ti buhi niku nasakupan Israil. Nakan taynguna balaw yi niku sida kaawaan.

Amus 9:8

Aku, ti Panginuun Diyus, magtiid sa kanyu daut pag kaharian. Rurisun niku kamu tugka sa madura kamu sa kalibutan. Dapat may masawad sa kanyu pag manga linahi ni Hakub. Aku, ti Panginuun, ti magsabi inda.

1 Pidru 2:10

Nu kaybi di waya gid kamu bukun kay nasyun Diyus, taynguna bay kamu kay yi pinili hampay kay nasakupan. Kaybi kamu kay inirangan balaw pagkaawaan. Dapat taynguna kamu kay kinaawaan.