Husyas 1:2 - Hanunuu

² Inda ti ka bag-u sinabi Panginuun sa kan Husyas: “Pag-asawa kawu babayi magpanguragin, ag kanyu manga anak kilalan-un anak babayi uragin. Dahil inda ti mustara magpanguragin niku nasakupan sa panab-anan nida pagpatlikud sa Panginuun hanggan pagsamba sa manga diyus-diyusan.”

Husyas 1:2 Iomraidhean Croise

2 Krunika 21:13

Bagkus ngap, sinunud nimu ti pangabuhi manga hari Israil. Ginarya nimu ti manga taga Huda ag manga taga Hirusalim sa pagsamba sa manga diyus-diyusan parihu sa kay binuwat ni Akab. Minatay nimu diman kanmu sadili manga patar-ari mas mahusay waya kaysa kanmu.

Kanta 106:39

hanggan kanda sadili. Dahil sa kanda binwat, nagpudil sida sa Diyus parihu sa usa ka babayi magpanguragin.

Kanta 73:27

Pihu gid magkaradura ti manga tawu magpakarayu sa kanmu; ipadamhak nimu sida pag manga balaw magtupad sa kanmu.

Hirimyas 2:13

“Nagbuwat ti manga nasakupan niku duwa ka kasalanan: Dinayu nida aku, ti bulbugan magpakaun buhi, ag nagsamba sida sa tuhay pag manga diyus, bilang ga magkali sida bubun magkak-at.

Hirimyas 2:20

“Katpung panawuhun kamu, ga baka kamu nakasingkaw ngatay manga pirisu nakatarikada. Dapat pagka napalpasan yi niku kamu, dayu maan kamu magsirbi sa kangku. Bagkus ngap, nagsamba kamu sa manga diyus-diyusan sa kada arabwat pag tagudtud hanggan sa sirung kada maraybung pag puun kayu. Parihu kamu sa babayi baraydan.

Hirimyas 2:23

“Kabitay niyu masabi balaw kamu nauringan ag balaw kamu nagsamba sa diyus-diyusan ni Baal? Bantayi niyu nu unu pag kasalanan ti binuwat niyu sa karatagan Hinum. Isipun niyu kanyu binuwat pag kasalanan. Kamu ga babayi kamilyu unman makaagwanta dahil maghanap lalaki.

Hirimyas 3:9

sa panab-anan pagsamba sa manga diyus-diyusan batu hanggan kayu, nakan ngani inuringan niya ti daga. Pagbuwatun niya inda dahil unman siya nataranta sa pagsamba sa manga diyus-diyusan.

Isikil 6:9

bilang manga bihag. Alalahanun nida aku ati, ag maisip nida pinaruku nida aku sa kanda nag-uragin ag pagpalabi-labi sa manga diyus-diyusan. Kayagtingan nida kanda sadili dahil sa kanda daut ag mayagting pag pinanbuwat.

Husyas 2:7

Lagsun niya kay manga lalaki dapat unman niya sida matakdan. Hanapun niya sida dapat unman niya makitan. Bag-u sumabi siya, ‘Mamalik yi lang aku sa kang un-an pag asawa, dahil mas mayad waya kang kahamtangan kaybi kaysa taynguna.’

Husyas 3:1

Magkun ti Panginuun sa kangku, “Paglakaw yi, pakakitan maan kanmu pagmahal sa kanmu asawa una waya nanguragin siya. Mahala siya parihu sa kang pagmahal sa nasakupan Israil una ngani nagsamba sida sa tuhay pag manga diyus sa panab-anan pagsagda manga pinauga ubas.”

Husyas 5:3

Alam niku ti tanan tungkul sa kanyu manga taga Israil; unman kamu may milihim sa kangku. Magsamba kamu sa manga diyus-diyusan, nakan mauring kamu.

Markus 1:1

Inda ti Mayad pag Barita ni Hisu-Kiristu kay Anak Diyus.

Diyuturunumiyu 31:16

Nagbagaw ti Panginuun sa kan Muysis, “Arani yi kawu mamatay ag miminsan sa kanmu manga ginurang. Nu udyi kawu, inda pag manga tawu mansamba sa iba pag manga diyus imaw ti pagsambahun manga tawu ati sa atagan nida pag daga. Bugyahan nida aku ag lapastanganun kang binwat kasunduan sa kanda.

2 Pidru 2:14

Unman sida may paghanapun nu ud pararauragan lang. Ud magsuku sida sa magbuwat kasalanan. Pagtaban-tabanun nida ti manga malumuy tag sa kasalanan. Anad gid sida sa maramuun. Sida manga sinaadan yi Diyus.

Ipinakakit 17:5

Nisurat sa kay bangas ti usa ka ngaran tagu kay kahulugan magkun, “Ti bantug pag banwa Babilunya, ti ina manga magpanguragin hanggan tanan kahalayan sa babaw daga.”