Husyas 1:1 - Hanunuu

¹ Inda ti bagaw ibinarita Panginuun sa kan Husyas kay anak ni Biri katpung panahun hari sa Huda si Usyas, si Hutam, si Akas ag si Isikyas, hanggan katpung panahun hari sa Israil si Hirubuam kay anak ni Huas.

Husyas 1:1 Iomraidhean Croise

2 Hari 13:13

Pagka namatay si Hihuas, ilinbung siya sa Samarya, ati sa lulubngan manga hari taga Israil. Ag kay anak si Hirubuam II imaw ti nag-ublus sa kanya bilang hari.

2 Hari 14:16

Pagka namatay si Hihuas, ilinbung siya sa lulubngan manga hari taga Israil sa Samarya. Ag kay anak si Hirubuam II imaw ti nag-ublus sa kanya sa pagka hari.

2 Hari 14:23

Naghari sa Israil si Hirubuam II kay anak ni Hihuas katpung 15 pag timpu kay maghari ni Amasiyas, kay anak ni Huas, sa Huda. Sa Samarya pag nangulian si Hirubuam II, naghari siya sa sulud 41 ka timpu.

2 Hari 15:32

Naghari sa Huda si Hutam kay anak ni Asariyas sa ikadwa pag timpu kay maghari ni Pika, kay anak ni Rimalya, sa Israil.

2 Hari 15:5

Pinakurianan Panginuun si Asariyas sa dilikadu pag sakit sa lukub tugka sa sirang namatay siya. Nangulian siya sa usa ka bukud pag balay. Si Hutam kay anak imaw ti nagdumara sa balay hari ag sa nasakupan Huda.

2 Hari 15:7

Pagka namatay si Asariyas, ilinbung siya sa lulubngan niya manga ginurang sa Banwa ni Dabid. Ag si Hutam kay anak imaw ti nag-ublus sa kay pagka hari.

2 Krunika 27:1

Si Hutam 25 ka timpu kay idad pagka naghari siya. Sa Hirusalim siya pag nangulian, ag naghari siya sa sulud 16 ka timpu. Kay ina si Hirusa kay anak ni Saduk.

2 Krunika 28:1

Si Akas 20 ka timpu kay idad pagka naghari siya. Sa Hirusalim siya pag nuli, ag naghari siya sa sulud 16 ka timpu. Nagbuwat siya daut sa magbantay Panginuun, balaw parihu sa binwat niya ginurang ni Dabid.

2 Krunika 29:33

Nandara diman sida tuhay waya pag manga handug 600 tudu baka ag 3,000 karanidu hanggan kambing.

Isayas 1:1

Inda pag ribru tungkul sa ipinaburayhaw Diyus sa kan Isayas kay anak ni Amus. Tungkul inda sa Huda ag sa Hirusalim katpung naghari sa Huda sida ni Usyas, ni Hutam, ni Akas ag ni Isikyas.

Isayas 7:1

Katpung si Akas anak ni Hutam laki ni Usyas ti Hari sa Huda, ginira duy ti Hirusalim. Ginira duy tunda ni Hari Risin taga Aram hanggan ni Hari Pika taga Israil, anak ni Rimalya. Dapat balaw nida naagaw ti Hirusalim.

Hirimyas 1:2

Ipinakaun Panginuun sa kan Hirimyas kay tultulanun katpung ika-13 pag timpu sa kay maghari ni Usyas sa Huda. Inda si Usyas kay anak ni Amun.

Hirimyas 1:4

Magkun sa kangku ti Panginuun,

Huwil 1:1

Inda ti bagaw Panginuun kay itinultul sa kan Huwil kay anak ni Pituwil.

Amus 1:1

Inda ti tultulanun ni Amus taga Tikwa, ti manug-alaga manga karanidu. Inda pag tultulanun tungkul sa Israil. Ipinadangat inda Diyus sa kanya duwa ka timpu bag-u di nangyari ti linug, katpung panahun si Usyas ti hari sa Huda ag si Hirubuam kay anak ni Huas ti hari Israil.

Hunas 1:1

Nagbagaw ti Panginuun sa kan Hunas kay anak ni Amitay. Magkun siya,

Mikas 1:1

Inda ti bagaw Panginuun tungkul sa Samarya hanggan sa Hirusalim. Itinultul niya inda sa kan Mikas taga Murisit katpung hari sa Huda sida ni Hutam, ni Akas ag ni Isikyas. Magkun si Mikas,

Sakaryas 1:1

May sinabi ti Panginuun sa kan Purupita Sakaryas ati katpung sa ikawalu pag bulan sa ikadwa pag timpu kay maghari ni Daryu sa Pirsiya. Si Sakaryas kay anak ni Birikyas ag kay laki ni Iddu.

Huwan 10:35

Alam nita ti pagsabihun Banal Kasuratan unman may pudil hanggan aban. Diyus ngap ti nag-ingaran sa tunda pag manga tawu kuntay sida manga diyus, imaw yi ngani pag manga tawu ti nakatanggap sa kay bagaw Diyus.

Ruma 9:25

Kainda kay sinabi Diyus sa ribru ni purupita Husyas magkun, “Tunda pag manga tawu balaw daan pinili niku pag nasyun, kang gid ngap ingarnan Kang yi Nasyun. Ti balaw daan niku pagmahalun pag nasyun, kang gid ngap ingarnan Mahal Niku.

2 Pidru 1:21

Dahil unman may ipinurupita nu ginan lang sa kagustuhan tawu. Inda pag bagaw ginan gid sa Diyus ag binagaw manga tawu angay sa udyuk Ispiritu Banal.