Huswi 9:9 - Hanunuu

⁹ Nagsagut sida, “Ginan kami sa arayu gid pag rugar. Nagsitay kami dahil nadnugan nimi ti tungkul sa Panginuun niyu Diyus. Nadnugan nimi ti tanan niya binwat sa Ihiptu,

Huswi 9:9 Iomraidhean Croise

1 Hari 8:41

“Nu ti manga day-uhan mag-ulian sa arayu pag rugar makadnug sa kanmu kamaskihan ag kapangyarihan, bag-u umataytag sida hampay sumamba sa kanmu ag mandarangin sida maatubangan sa inda pag Balay Diyus,

Nihimyas 9:5

Ti manga nagtawag pag Libita sa manga tawu hampay sumamba sida ni: Hisuwa, ni Kadmiyil, ni Bani, ni Hasabniya, ni Siribya, ni Hudiya, ni Sibanyas ag ni Pitahiyas. Magkun sida, “Pagtindug kamu ag dayawun ti Panginuun niyu Diyus magkabuhi sa unman may katapusan!” Bag-u magkun sida, “Panginuun, kadayaw-dayaw kanmu kamaskihan! Unman inda matupngan nimi pagdayaw.

Kanta 148:13

Magdayaw sida tanan sa Panginuun, dahil abwat siya sa tanan. Mas makamaskihan kay kadayawan sa tanan asan sa kalibutan ag sa kalangitan.

Kanta 72:19

Dayawun kay kamaskihan sa unman may katapusan. Mana makitan manga tawu sa buu kalibutan kay kamaskihan. Amin! Amin!

Kanta 78:12

Nagbuwat ti Diyus makadululaw ati sa Suan, sa daga Ihiptu ag nakitan inda nita manga ginurang.

Kanta 83:18

Mana maalaman nida kawu, Panginuun, imaw lang gid ti Kaabwat-abwatan pag Diyus sa buu kalibutan.

Pag-ighit 15:14

Madnugan inda manga nasyun ag takigan sida sa dala. Dalaun gid masyadu ti manga Pilistiyu.

Pag-ighit 9:16

Dapat pinasnuan niku kawu mabuhi sa inda pag turunu: hampay maipakakit niku sa kanmu kang kamaskihan ag hampay makilala kang ngaran sa buu kalibutan.

Isayas 55:5

Tawagan niyu ti balaw kaibahan niyu pag manga nasyun, ag mandaldali sida pumakarani sa kanyu, dahil aku, ti Panginuun niyu Diyus, ti Banal pag Diyus Israil, ti nagpakaun kagalangan sa kanyu.”

Isayas 66:19

Mamakakit aku makadululaw sa kanda. Ag ti manga masawad sa kanda ipadara niku atag sa nasyun Tarsis, Pul, Lud (kay manga nasakupan bantug sa paggamit ugyung), Tubal, Grisya, ag iba waya pag manga ararayu rugar udwaya nakadnug sa kang kadayawan ag balaw nakakit sa kang kamaskihan. Itultul nida kang kamaskihan sa manga nasyun.

Bilang 14:15

Taynguna, nu matyun nimu inda pag nasakupan sa usa lang ka udas, ti manga nakadnug pag nasyun tungkul sa kanmu kabantugan sumabi,

Bilang 20:14

Katpung ati di waya ti manga Israilita sa Kadis, nagpadara si Muysis manga manugpadakit tag sa hari Idum. Inda kay ipinadakit, “Inda ti padakit ginan sa kanmu manga katawuhan nasakupan Israil: Alam nimu ti tanan kakurian kanmi nalakawan.

Binwat 8:7

Dahil nagluwas namagrit daka ti manga labang ginan sa mayamu tawu kanda inapuan. Mayamu diman pag manga tawu lunu una pilay pinaayad waydi.

Diyuturunumiyu 20:11

Nu sumuku sida ag bukasan nida para sa kanyu ti puwirtahan nida banwa, buwatun niyu sida tanan manga suruguun ag patarabahuun niyu sida para sa kanyu sa gustu man nida ngatay unman.

Diyuturunumiyu 20:15

Buwatun lang niyu inda sa manga banwa arayu ag balaw bahagi sa daga sakupun niyu.

Huswi 9:10

hanggan sa duwa ka hari Amuriyu sa butlakan Hurdan. Inda pag manga hari imaw sida ni Hari Sihun sa Hisbun, ag si Hari Ug sa Basan ati pag mag-uli sa Astarut.

Huswi 9:16

Pagkalawuy tulu ka sirang ginan sa kanda nagbuwat kasunduan, nabaritaan manga Israilita arani lang maaw sa kanda pag-ulian tunda pag manga tawu.

Huswi 9:17

Nakan naglakaw ti manga Israilita, bag-u pagka nakalawuy ti tulu ka sirang nakaaput sida sa manga banwa pag-ulian tunda pag manga tawu. Inda pag manga banwa Gibyun, Kipira, Biirut ag Kiryat Harim.

Huswi 9:24

Magkun sida sa kan Huswi, “Binwat nimi inda dahil magkadala kami barang matyun niyu kami. Dahil nabaritaan gid nimi sinugu Panginuun nimu Diyus si Muysis kay suruguun ipakaun sa kanyu inda pag daga ag matyun ti tanan mag-uli sitay.