Huswi 8:8 - Hanunuu

⁸ Nu masakup yi niyu ti banwa, sunuga niyu inda angay sa sugu Panginuun. Pihua gid niyu matupad inda.”

Huswi 8:8 Iomraidhean Croise

2 Samwil 13:28

Magkun si Absalum sa kay manga tawuhan, “Alagda niyu malangu si Amnun, ag nu manpaaman aku, matya niyu siya. Danga kamu magkadala; aku ti magsugu sa kanyu. Danga kamu magkadala ag pagpakatatag kamu!”

Diyuturunumiyu 20:16

Kailangan niyu matyun ti tanan tawu sa manga banwa pag-ipakaun Panginuun niyu Diyus sa kanyu bilang kanyu mana.

Huswi 1:16

Sinmagut sida sa kan Huswi, “Tupadun nimi ti tanan nimu pag-isugu sa kanmi una naan tabug pag suguun nimu kami.

Huswi 1:9

Alalahana nimu inda kang manga bilin sa kanmu: ‘Pagpakarig-un kawu hanggan pagkatutum. Danga kawu magkadala ngatay maglumuy, dahil aku, ti Panginuun kanmu Diyus, kaibahan nimu una naan tag kawu.’ ”

Huswi 6:24

Sinunug nida ti buu banwa ag ti tanan asan purya lang sa manga binwat ginan sa pilak, gintu, galang, hanggan baul. Pinanbuul nida inda hampay ipauli sa taraguan kayamanan Panginuun.

Huswi 8:13

Nakan nag-alistu yi ti manga sundalu: kay iba pag manga sundalu ati baliwa sa amihanan banwa, ag kay iba waya gid ati sa isalpan baliwa. Sa tunda pag yabi nag-atag sida ni Huswi sa karatagan.

Huswi 8:2

Buwata sa Hay hanggan sa kay hari kanyu binwat sa Hiriku ag sa kay hari; dapat kainda pag udas, bul-a niyu kanda manga kasiyunan hanggan manga hayup para sa kanyu sadili. Pag-alistu kamu, agapan niyu sida sa dayuan banwa.”

Huswi 8:22

Nan-gira diman ti nansulud sa banwa pag manga Israilita, nakan nasalikupan nida ti manga taga Hay. Minatay sida tanan; unman may nakapalagiw ngatay nasawad buhi sa kanda,

Huswi 8:28

Bag-u ipinasunug ni Huswi ti buu Hay, ag udyi inda maipatindug uman. Tugka kainda unman yi may mag-uli ati.

Huswi 8:7

Bag-u pagluwas kamu sa kanyu pagpatag-an ag sakupa ti banwa. Ipakaun inda Panginuun niyu Diyus sa kanyu.

Huswi 8:9

Pinaginan ni Huswi sida, bag-u napatagu sida sa isalpan baliwa Hay, sa karaw-an Hay ag Bitil. Sida waydi ni Huswi napatayak sa kampu sa tunda katpung pag yabi.

Talaghusay 4:6

Sa usa ka sirang, ipinatawag ni Dibura si Barak anak ni Abinuam taga Kadis sakup lahi ni Niptali. Pagras-ug ni Barak, magkun si Dibura sa kanya, “Ti Panginuun, ti Diyus Israil, magsugu sa kanmu pagbuul kawu 10,000 lalaki sa manga lahi ni Niptali ag ni Sabulun ag daran-a sida sa Bantud Tabur.