Huswi 8:2 - Hanunuu

² Buwata sa Hay hanggan sa kay hari kanyu binwat sa Hiriku ag sa kay hari; dapat kainda pag udas, bul-a niyu kanda manga kasiyunan hanggan manga hayup para sa kanyu sadili. Pag-alistu kamu, agapan niyu sida sa dayuan banwa.”

Huswi 8:2 Iomraidhean Croise

2 Krunika 13:13

Habang magbagaw si Abyas, lihim nanugu si Hirubuam manga sundalu sa dayuan manga taga Huda hampay puutan sida.

2 Krunika 20:22

Pagka nag-umpisa sida kumanta manga pagdayaw, pinalaban Panginuun ti manga Muabita, Amunita ag manga taga Bantud Siir.

Kanta 39:6

ngatay parihu lang sa aninu magkalyam. Magkahilig ti tawu sa manga buruwatun unman may pulus. Magtipun siya kasiyunan, dapat balaw niya alam nu si unu ti manginabang inda nu mamatay yi siya.

Kabagawan 13:22

Ti kayamanan mayad pag tawu manahun niya manga umput, dapat ti kayamanan makasalanan miatag sa manga matadlung.

Kabagawan 28:20

Papaladan gid Diyus ti masarigan pag tawu, dapat ti tawu magmadali yumaman parusahan.

Hirimyas 17:11

Ti tawu nagyaman sa daut pag paraan parihu sa manuk mag-ukub sa balaw kanya pag itlug. Aban sa uryan, sa pangatungaan niya buhi, madura kay kayamanan ag mapatutuuhanan siya busal.”

Hirimyas 51:12

Ipaabwat niyu ti bandira mustara sa paggira sa Babilunya. Dugangi niyu ti manga manugbantay; ag ipalastar ti manga manugbantay. Sangputan niyu ti banwa! Udas yi hampay buwatun Panginuun ti gayak niya laban sa manga taga Babilunya.”

Diyuturunumiyu 2:35

Dinara nita kanda manga hayup hanggan ti manga nab-ul nita pag kasiyunan ginan sa kanda manga banwa.

Diyuturunumiyu 20:14

Dapat mahimu niyu bihagun ti manga babayi, ti manga anak, hanggan ti manga hayup, ag mahimu niyu bul-un ti tanan pag kasiyunan sa tunda pag banwa. Gamita niyu inda pag manga bagay ti ipinakaun sa kanyu Panginuun niyu Diyus ginan sa kanyu manga kalaban.

Diyuturunumiyu 3:2

Dapat magkun sa kangku ti Panginuun, ‘Danga kawu magkadala sa kanya dahil pihu ipakaun niku siya sa kanmu hanggan ti tanan niya sundalu hanggan kay daga. Buwata nimu sa kanya ti binuwat nimu sa kan Sihun ti hari manga Amuriyu, tig hari sa Hisbun.’

Huswi 10:1

Nabaritaan ni Aduni Sidik, hari sa Hirusalim, kuntay inagaw ni Huswi ti Hay ag pinadamhak niya inda lubus, minatay kay hari parihu sa binwat niya sa Hiriku hanggan sa kay hari. Nabaritaan diman niya ti manga taga Gibyun nagbuwat kasunduan sa manga Israilita ag nangulian kaibahan nida.

Huswi 10:28

Sa ati pag sirang, sinakup ni Huswi ti Makida. Pinanmatay niya ti tanan mag-uli ati, hanggan kanda hari. Pinadamhak niya inda lubus, ag unman gid may nasawad buhi. Binwat ni Huswi sa hari Makida ti binwat niya sa hari Hiriku.

Huswi 11:14

Pinanbuul manga Israilita ti tanan kasiyunan ag manga hayup sa inda pag banwa. Dapat pinanmatay nida ti tanan mag-uli ati, ag unman gid may nasawad buhi.

Huswi 6:21

Isinagda nida buu sa Panginuun ti banwa sa panab-anan pagmatay sa manga lalaki ag babayi, gurangun ag anak, hanggan manga baka, karanidu ag manga asnu.

Huswi 8:12

Nakapadara yi si Huswi 5,000 sundalu hampay agapan ti banwa sa isalpan baliwa, sa karaw-an Hay ag Bitil.

Huswi 8:14

Pagka nakitan hari Hay sida ni Huswi, nandaldali siya nagluwas hanggan kay manga tawuhan sa banwa maaga waya, bag-u nag-ati sa rugar maatubangan sa Karatagan Hurdan hampay lumaban sa Israil. Unman nida alam kuntay may mansalakay sa kanda ginan sa dayuan baliwa banwa.

Huswi 8:19

Pagka nabwat niya inda, napabulwat rargu kay manga tawuhan maagapan sa banwa. Sinlud nida ag sinakup ti banwa bag-u dinaldali sinunug.

Huswi 8:24

Pagka natabu nida namatay ti tanan taga Hay ti nanlagas sa kanda sa manga katanmanan hanggan pangawakawaan, binmalik sida sa banwa ag minatay diman ti tanan nasawad ati.

Huswi 8:3

Nakan nag-alistu si Huswi hanggan ti tanan niya sundalu hampay maggira sa Hay. Nagpili si Huswi 30,000 sundalu kay anad gid maggira bag-u kay ipinaginan yabi.

Huswi 8:7

Bag-u pagluwas kamu sa kanyu pagpatag-an ag sakupa ti banwa. Ipakaun inda Panginuun niyu Diyus sa kanyu.

Huswi 8:8

Nu masakup yi niyu ti banwa, sunuga niyu inda angay sa sugu Panginuun. Pihua gid niyu matupad inda.”

Huswi 8:9

Pinaginan ni Huswi sida, bag-u napatagu sida sa isalpan baliwa Hay, sa karaw-an Hay ag Bitil. Sida waydi ni Huswi napatayak sa kampu sa tunda katpung pag yabi.

Huswi 9:3

Dapat pagka nadnugan manga taga Gibyun ti binwat ni Huswi sa Hiriku hanggan sa Hay,