Huswi 8:1 - Hanunuu

¹ Taynguna magkun ti Panginuun sa kan Huswi, “Danga kawu magkadala ngatay magpanlubay. Tipuna ti tanan nimu sundalu ag giraha maan ti Hay, dahil ipakaun niku sa kanmu manga kamang ti hari Hay, kay nasakupan, kay banwa hanggan kay manga daga.

Huswi 8:1 Iomraidhean Croise

Kanta 27:1

Ti Panginuun kang sulu ag manugribri, nakan unman aku magkadala! Ti Panginuun kang darangpan. Balaw aku may pagkadalaan!

Kanta 44:3

Dapat ti tutuu, balaw dahil sa armas ag kabisugan nimi manga ginurang nagmarapanalu sida ag naapu nida ti daga, nu unman dahil sa kanmu kapangyarihan, kabisugan, ag pangaawa, dahil pagmahalun nimu sida.

Kanta 46:11

Ti Panginuun Makamaskihan kaibahan nita. Ti Diyus ni Hakub imaw kanta darangpan.

Isayas 12:2

Kawu pag Diyus kang Manugribri. Manarig aku sa kanmu ag balaw yi madala. Kawu, Panginuun, ti magpakaun kabisugan sa kangku, kawu kang karantahun. Kawu ngani ti nagribri sa kangku.”

Isayas 43:2

Nu lumakaw kawu sa danum, kaibahan nimu aku. Nu dumipay kawu sa manga sapa, balaw kawu malimus. Nu lumakaw kawu sa apuy, balaw kawu mairub; kay labdab balaw umunu sa kanmu.

Hirimyas 46:27

“Dapat kamu pag manga taga Israil linahi niku manugsirbi ni Hakub, danga kamu magpanlubay ngatay magkadala. Dahil iribri di niku kamu ginan sa arayu pag rugar nu naan kamu pag binihag. Utru kamu mangabuhi may kahusayan ag unman may rumas-ug kadautan sa kanyu, balaw diman may una si unu ti pumadala sa kanyu.

Hirimyas 49:3

“Paglumi kamu kabisug, kamu pag manga taga Hisbun dahil wayak yi ti Hay. Paglumi diman kamu pag manga taga Raba. Pagrutay kamu rutay saku ag pagpabalik-balik sa saruy alad batu hampay ipakakit kanyu maghimanglaw. Dahil bihagun kanyu diyus-diyusan si Muluk hanggan ti manga manughandug ag takinan niya.

Danyil 2:21

Siya ti magbag-u sa manga panahun. Siya ti mag-udyuk nu si unu ti humari ag siya diman ti mag-ilis sa kanya. Siya ti magpakaun kadunungan sa manga dunungin.

Danyil 4:25

Palayasun kawu pakarayu sa manga tawu ag mangulian kawu kaibahan manga hayup sa talun. Manharab kawu ilamnun parihu sa baka ag mabasa pirmi kawu tun-ug. Pagkalawuy pitu ka timpu, kilalan-un nimu ti Kaabwat-abwatan pag Diyus imaw ti may kamaskihan sa kaharian manga tawu ag mahimu niya sida ipasirung una sa kantapu nu gustu niya.

Danyil 4:35

Ud may halaga ti manga tawu sa kalibutan nu ipaparihu sa kanya. Pagbuwatun niya kay gustu sa manga anghil sa langit hanggan sa manga tawu sa daga. Unman may makaampara ngatay makahadlang sa kanya.’

Matiyu 8:26

Magkun si Hisus sa kanda, “Hayga lugud kamu magkadala, diit maaw kanyu pagsarig.” Bag-u tinmindug si Hisus ag nagbagaw, kay inampara ti untug hanggan ti humbak danaw. Bigla nagkalma.

Diyuturunumiyu 1:21

Bantayi niyu ti inayaw niya pag daga sa kanyu! Apuun niyu inda angay sa sinabi Panginuun, ti Diyus niyu manga ginurang. Danga kamu magkadala ngatay magpanlumuy.’

Diyuturunumiyu 31:8

Pangunahan kawu Panginuun ag giyahan niya kawu; balaw niya kawu tayakan ngatay pabay-anan. Nakan danga kawu magkadala ngatay magpanlumuy.”

Diyuturunumiyu 7:18

Dapat ay danga kamu magkadala sa kanda, nu unman alalahanun ngap niyu ti binuwat Panginuun niyu Diyus sa hari Ihiptu hanggan sa tanan Ihipsiyu.

Diyuturunumiyu 7:21

Danga kamu magkadala sa kanda dahil ti Panginuun niyu Diyus kaibahan niyu, ti makamaskihan ag makadululaw pag Diyus.

Huswi 1:9

Alalahana nimu inda kang manga bilin sa kanmu: ‘Pagpakarig-un kawu hanggan pagkatutum. Danga kawu magkadala ngatay maglumuy, dahil aku, ti Panginuun kanmu Diyus, kaibahan nimu una naan tag kawu.’ ”

Huswi 10:7

Nakan linmakaw si Huswi kaibahan ti tanan niya manga sundalu, hanggan ti tanan antigu maggira.

Huswi 10:8

Magkun ti Panginuun sa kan Huswi, “Danga kawu magkadala sa kanda. Pag-ipakaun niku sida sa kanmu manga kamang. Unman may una usa sa kanda ti tumalu sa kanmu.”

Huswi 2:24

Magkun sida, “Tutuu gid pag-ipakaun Panginuun ti buu daga sa kanta. Magkadala ati ti tanan tawu sa kanta.”

Huswi 6:2

Magkun ti Panginuun sa kan Huswi, “Ipasakup niku sa kanyu ti Hiriku hanggan kay hari ag manga sundalu.

Huswi 7:9

Mabaritaan inda manga Kananiyu hanggan iba waya taga sitay, ag palibutan nida kami bag-u panmatyun. Malu, unu kanmu buwatun hampay maalagaan kanmu makamaskihan pag ngaran?”