Huswi 7:6 - Hanunuu

⁶ Dahil sa karukuan, ginitas ni Huswi hanggan manga takinan sa Israil kanda manga rutay ag pinaulian galbuk kanda manga ulu, bag-u napadapa sida sa atubangan Kaban Panginuun tugka sa yabi.

Huswi 7:6 Iomraidhean Croise

Gimpuunan 37:29

Igu binmalik si Rubin sa bubun, udyi lagan ati si Husi. Nakan ginitas niya kay rutay dahil sa karukuan.

Gimpuunan 37:34

Ginisi ni Hakub kay rutay ag nanrutay saku bilang pagpakakit niya karukuan. Nanhimanglaw siya dugay sa pagkamatay niya anak.

2 Samwil 1:11

Pagka nadnugan inda ni Dabid hanggan tanan niya manga tawuhan, ginitas nida kanda manga rutay bilang pagpakakit paghimanglaw.

2 Samwil 1:12

Nanlulumian sida ag unman nagpauray tugka yabi para sa kan Saul hanggan sa kay anak sa kan Hunatan, ag hanggan para sa manga nasakupan Panginuun, ti banwa Israil, dahil mayamu ti nagkaramatay sa gira.

2 Samwil 1:2

Pagka sa ikatlu pag sirang, may tawu rinmas-ug sa Siklag ginan sa kampu ni Saul, gitas kay rutay ag may manga galbuk kay ulu bilang pagpakakit karukuan. Nag-ati siya sa kan Dabid ag nagyuk-ub sa kay atubangan bilang paggalang.

2 Samwil 12:16

Nagpakihampang si Dabid sa Diyus para sa kay anak. Unman siya naghandum karan-unun ati sa kay sulud-sulud, ag magkaturug siya sa daga kada yabi.

2 Samwil 13:19

Kay binwat ni Tamar, ginisi niya kay marinu ag aba pag rutay, ag namauli siya dapug sa kay ulu. Bag-u linmakaw siya maglumi habang matakluban kay kamang sa kay uyahun.

2 Samwil 13:31

Tinmindug si Dabid ag ginitas kay rutay bilang pagpakakit karukuan, bag-u napalubnang sa daga. Ginisi diman niya manga suruguun matindugan ati kanda manga rutay parihu sa binwat ni Dabid.

2 Hari 22:11

Pagka nakadnug ti hari sa nakasurat sa Ribru Kasuguan, ginitas niya kay rutay sa karukuan.

2 Krunika 34:19

Pagka nadnugan hari ti nakasurat sa Kasuguan, ginisi niya kay rutay bilang pagpakakit kay karukuan niya.

Isra 10:1

Habang maluhudan magdarangin si Isra sa atubangan Balay Diyus, maglumi siya, magpahayag manga kasalanan nasakupan Israil, mayamu pag manga Israilita lalaki, babayi, hanggan manga kalay-awan ti nagtiripun sa kay palibut. Maglulumian diman sida mabaskug.

Nihimyas 9:1

Pagka sa ika-24 pag sirang sa tunda diman pag bulan, nagtipun ti manga Israilita hampay balaw manhandum karan-unun. Nanrutay sida manga saku ag pinaulian dapug kanda manga ulu.

Istir 4:1

Pagka naalaman ni Murdukyu kay gayak ni Haman laban sa manga Hudiyu, ginitas niya kay rutay bilang pagpakakit kay karukuan. Bag-u nanrutay siya saku, namauli dapug sa kay ulu, ag nag-atag sa karaw-an banwa magpamurahaw sa lumi.

Istir 4:3

Ti manga nakadnug sa sugu hari pag manga Hudiyu sa kada purubinsiya nanrukuan gid, nanlulumian ag nanwarawawan. Mayamu gid sa kanda ti nanulung saku ag napaigya sa dapug.

Hub 1:20

Pagka tida nadnugan ni Hub, tinmindug siya ag ginitas kay rutay dahil sa karukuan. Bag-u inuguy niya kay buhuk bag-u napadapa sa daga hampay sumamba sa Panginuun.

Hub 2:12

Pagka nakitan nida si Hub ginan sa arayu, harus udyi nida siya magkakilala, nakan nanlumi sida matnug. Ginitas nida kanda manga rutay ag dinapgan galbuk kanda ulu bilang pagpakakit karukuan.

Hub 42:6

Nakan magkay-a aku sa tanan niku manga binagaw tungkul sa kanmu, ag pag-iampu niku sa panab-anan pagtukaw sa galbuk hanggan sa dapug.”

Karukuan 2:10

Ti manga manugpamahala sa Hirusalim matukawan sa daga unman gid magbagaw. Pinaulian nida manga galbuk kanda manga ulu ag nanrutay sida saku magpakakit kanda karukuan. Ti kasupangan pag manga babayi sa Hirusalim mayungduan sa kay-a.

Bilang 14:6

Ginisi ni Huswi anak ni Nun hanggan ni Kalib anak ni Hipuni kanda manga rutay sa karukuan. Inda sida duwa kaibahan sa nagtiid sa daga.

Bilang 16:22

Dapat linmuhud si Muysis hanggan si Aarun ag magkun, “Diyus, ti gimpuunan buhi sa tanan tawu, magalit aw kawu sa buu nasakupan dahil sa usa lang ka tawu nagkasala?”

Bilang 16:45

“Pagpakarayu kamu sa tunda pag nasakupan dahil rurisun niku sida.” Susun linmuhud sida duwa.

Binwat 14:14

Pagka naalaman nida ni Pablu ni Birnabi ti gayak manga tawu, ginisi nida kanda sadili rutay bilang ga mustara sa kanda unman magpasnu sa pagbuwatun manga tawu. Nagdali sida atag sa kayamuan tawu bag-u sinabi nida sa daraka buka,

Huswi 7:7

Magkun si Huswi, “Panginuun Diyus, hayga ipinadipay waya nimu kami sa Sapa Hurdan nu ipatalu lang waydi nimu kami sa manga Amuriyu? Mayad waya napatayak yi lang kami sa baliw dipay Hurdan.

Ipinakakit 18:19

Dinapgan nida kanda ulu sa pangaawa malumian diman sida magkun, “Anung anung duy ti bantug pag banwa. Sa siti pag banwa pag nagyaman ti tanan manga tawu may sarakyan sa dagat magnigusyu. Dapat sa sulud lang usa ka udas nawasak di ti banwa.”

Talaghusay 11:35

Pagka nakitan siya ni Hipti, ginitas ni Hipti kay rutay, ag magkun, “Anak niku, pinaruku gid nimu aku dahil nakataratu aku sa Panginuun ihandug niku sa kanya ti un-an manulang sa kangku, ag balaw yi niku inda mabawi.”

Talaghusay 20:26

Nakan nagtukad maan ti tanan Israilita sa Bitil ag nanlulumian sa atubangan Panginuun. Unman nanhandum karan-unun sida tugka yabi ag nanhandug manga handug pagsunugun ag manga handug para sa mayad pag pakiusa sa Panginuun.

Talaghusay 21:2

Bag-u nag-atag ti manga Israilita sa Bitil ag nanlumi mabaskug sa atubangan Diyus tugka sa yabi.

1 Samwil 4:12

Tunda diman katpung pag sirang, may usa ka tawu Binhaminita ti nalagiw ginan sa girahan tabug sa Silu. Ginisi niya kay rutay, pinaulian niya kay ulu daga hampay ipakakit kay karukuan.