Huswi 7:12 - Hanunuu

¹² Imaw inda kay dahilan nu hayga unman sida makalaban sa kanda manga kalaban. Nalagiw sida sa kanda manga kalaban, dahil sida mismu rurisun diman bilang handug buu sa kangku. Unman yi aku mangiba sa kanyu nu balaw niyu rurisun ti manga bagay ihinandug yi buu sa kangku.

Huswi 7:12 Iomraidhean Croise

Kanta 44:10

Ipinapalagiw nimu kami sa kanmi manga kalaban. Ag pinanbuul nida kanmi manga kasiyunan.

Kanta 60:10

Bukun aw lugud kawu, imaw ti Diyus, nagbugya sa kanmi ag unman yi mag-iba sa kanmi manga sundalu?

Kabagawan 28:1

Ti daut pag tawu magpalagiw una unman may maglagas sa kanya, dapat ti matadlung pag tawu maisug parihu sa liyun.

Isayas 59:2

Kanyu manga kasalanan imaw ti nagpakarayu sa kanyu ginan sa Diyus ag imaw kay dahilan nakan kamu kay pinatlikudan ag dayi mamatingi sa kanyu manga darangin.

Hirimyas 23:33

“Hirimyas, nu may mamaingana sa kanmu usa ka nasakupan, ngatay purupita, aw ngatay manughandug nu unu ti pagsabihun niku, sabiha nimu dinayu niku sida.

Hirimyas 6:8

Manga taga Hirusalim, pasandam inda sa kanyu nu dayu waya kamu mamatingi, pakarayu gid aku sa kanyu; ag buwatun niku mapung-aw kanyu daga, udyi may mangulian siyun.”

Husyas 9:12

Una waya magkaanak sida, bul-un di niku sida tanan ag manrukuan kamu. Kaawaawa gid kamu nu pabay-anan yi niku.

Habakuk 1:13

Dahil matadlung kawu, unman kawu makaagwanta bumantay sa kadautan ag kaguluhan. Dapat hayga pinabay-anan lang nimu ti manga maradaya pag taga Babilunya? Hayga nimu pagpahintulutan pakurianan ti manga tawu balaw ga kanda kay ka daut?

Bilang 14:39

Pagka itinultul ni Muysis ti binagaw Panginuun sa tanan Israilita, nanhimanglaw gid sida.

Bilang 14:42

Danga kamu maglakaw, dahil ti Panginuun unman kaibahan niyu, ag matalu kamu niyu manga kalaban.

Bilang 14:43

Sa udas lumaban sa kanyu ti manga Kananiyu hanggan ti manga Amalikita, magkaramatay kamu; balaw kuyug sa kanyu ti Panginuun dahil kanyu binugyahan siya.”

Bilang 14:45

Rargu ginira sida manga Amalikita ag manga Kanaanita mag-uli ati sa kabantudan, ag natalu sida, binukad waya sida tugka sa Hurma.

Diyuturunumiyu 7:26

Danga kamu magdara sa kanyu balay una hintay pag manga mayagting pag bagay, hampay balaw kamu midamhak kaibahan nida. Kailangan bugyahan gid niyu inda, dahil inda pag manga bagay kailangan gid duraun.

Huswi 6:18

Danga gid kamu magbuul una hintay pag bagay ihinandug yi sa Panginuun. Nu mamuul kamu una hintay, midamhak gid kamu, ag kamu ti bumaliw dahilan nu rumas-ug ti kadamhakan sa Israil.

Talaghusay 16:20

Nagringgit si Dilayla, “Samsun! May manga Pilistiyu rinmas-ug hampay dakpun kawu.” Binmangun si Samsun kay isip makakalpas waya siya parihu sa binwat niya sitay. Dapat unman niya alam balaw yi maaw siya pag-awatan Panginuun.

Talaghusay 2:14

Dahil sa pangagalit Panginuun sa Israil, pinabay-anan niya sida girahun manga mananakaw hampay bul-un kanda manga kasiyunan. Pinabay-anan diman sida Panginuun matalu nida manga kalaban sa kanda sangput ag balaw yi nida kaya panindugan kanda sadili.

Talaghusay 2:4

Pagka nadnugan inda manga Israilita, nangungud sida sa lumi.

1 Samwil 14:38

Nakan sinabi ni Saul sa manga takinan nasakupan Israil, “Pagtipun sitaay kamu tanan, kailangan maalaman nita nu hintay pag salan kanta nabwat kainda pag sirang.