Huswi 7:11 - Hanunuu

¹¹ Nagsalan ti Israil; linabag nida kang kasunduan. Namuul sida manga bagay ihinandug yi buu sa kangku. Tinakaw nida inda, nagpudil sida tungkul sa inda, ag ipinaamut nida inda sa kanda manga kasiyunan.

Huswi 7:11 Iomraidhean Croise

2 Hari 18:12

Nangyari inda sa manga taga Israil dahil unman sida nagsunud sa Panginuun nida Diyus. Linabag nida ti kasunduan Panginuun sa kanda — ti tanan pag sugu ipinakaun Panginuun sa panab-anan ni Muysis kay manugsirbi. Unman sida nagpatingi ngatay nagsunud sa tunda pag kasunduan.

2 Hari 5:24

Pagras-ug ni Gihasi sa bantud, bin-ul niya ginan sa manga panawuhun ti duwa ka bay-ung bag-u pinauli yi sida. Siyun gin, dinara niya tunda sa kay balay ag itinagu.

Isayas 24:5

Ti kalibutan inuringan niya manga nasakupan, dahil balaw nida sinunud ti Kasuguan Diyus hanggan kay manga surundanun. Linabag nida ti unman may katapusan pag taratu Diyus sa kanda.

Hirimyas 31:32

Balaw inda parihu sa un-an pag kasunduan kang binuwat sa kanda manga ginurang katpung giniyahan niku sida sa pagluwas sa Ihiptu. Una aku ga kanda asawa, balaw nida tinupad ti un-an nimi pag kasunduan. Aku, ti Panginuun, ti magsabi inda.”

Husyas 6:7

Parihu sa kan Adam, dinaut niyu ti kasunduan niku sa kanyu. Nagpudil kamu sa kangku asan sa kanyu rugar.

Libitiku 5:15

Nu ti usa ka tawu naglabag sa Panginuun dahil unman niya ipinakaun ti bagay para sa Panginuun, una balaw niya tikis, kailangan manhandug siya lalaki karanidu unman may alangan bilang bayad sa kay kasalanan. Mahimu diman bayadan niya pilak angay sa halaga lalaki karanidu angay sa kilu pilak sa kiluhan paggamitun manga manughandug. Imaw inda ti handug bayad sa kasalanan.

Habakuk 2:6

Dapat puyaan sida manga binihag nida pag nasyun magkumun, “ ‘Kaawaawa kamu pag magbuul manga bagay balaw kanyu, ag magtipun kayamanan sa panab-anan pagdaya. Tugka waya lugud kapira niyu inda buwatun?

Sakaryas 5:4

Magkun ti Makapangyarihan Panginuun, ‘Ipadara niku inda pag manga saad sa ulian manga manugtakaw ag sa ulian manga magsumpa may kapudilan sa kang ngaran. Pumirmaminti inda sa kanda balay tugka sa magkarawayak inda.’ ”

Matiyu 22:21

Sinmagut sida sa kanya magkun, “Sa Pangulu Hari duy inda.” Bag-u magkun si Hisus sa kanda, “Nakan ngani ipakaun lang sa Pangulu Hari ti para sa kanya. Dapat ay ipakaun niyu sa Diyus ti para sa Diyus.”

Binwat 5:9

Bag-u sinabi ni Pidru sa kanya magkun, “Hayga pinagkamhanan niyu subukan ti Ispiritu Panginuun nu ngatay siya humiling sa kanyu kasalanan? Pagpatingi kawu, sa ugsadan, yi ti manga tawu naglubung sa kanmu asawa ag kawu maan ti daran-un nida tag sa luwas.”

Diyuturunumiyu 17:2

“Halimbawa ti usa ka lalaki ngatay babayi mag-uli sa usa sa manga banwa pag-ipakaun sa kanyu Panginuun natakdan magbuwat daut sa magbantay Panginuun niyu Diyus. Naglabag siya sa kasunduan Panginuun

Hibriyu 4:13

Unman may milihim sa Diyus. Ti tanan nabulwat ag niburayhaw sa kay magbantay, ag sa kanya kita may saragtun.

Huswi 23:16

Tutuu, mangyari inda sa kanyu nu lumabag kamu sa kasunduan Panginuun niyu Diyus isinugu niya tupadun niyu, ag nu mansamba kamu ag sumirbi sa iba pag manga diyus. Ipadara gid niya sa kanyu kay pangagalit ag rargu kamu midamhak sa siyun pag marinu daga ipinakaun niya sa kanyu.”

Huswi 7:1

Dapat linabag gid manga Israilita ti sugu Panginuun kuntay danga magbuul una hintay pag ihinandug yi buu para sa Panginuun. Dahil namuul si Akan manga bagay balaw dapat bul-un, nakan masyadu gid nagalit ti Panginuun sa kanda. Si Akan inda anak ni Karmi. Si Karmi anak ni Sabdi. Si Sabdi anak ni Sira. Inda sida ginan sa lahi ni Huda.

Huswi 7:10

Magkun ti Panginuun sa kan Huswi, “Pagtindug kawu! Hayga kawu madapaan?

Talaghusay 2:20

Nakan lalu waya gid nagalit ti Panginuun sa kanda. Magkun ti Panginuun, “Dahil linabag tunda pag nasyun kang kasunduan sa kanda manga ginurang, ag unman sida nagsunud sa kangku,

1 Samwil 14:38

Nakan sinabi ni Saul sa manga takinan nasakupan Israil, “Pagtipun sitaay kamu tanan, kailangan maalaman nita nu hintay pag salan kanta nabwat kainda pag sirang.