Huswi 7:1 - Hanunuu

¹ Dapat linabag gid manga Israilita ti sugu Panginuun kuntay danga magbuul una hintay pag ihinandug yi buu para sa Panginuun. Dahil namuul si Akan manga bagay balaw dapat bul-un, nakan masyadu gid nagalit ti Panginuun sa kanda. Si Akan inda anak ni Karmi. Si Karmi anak ni Sabdi. Si Sabdi anak ni Sira. Inda sida ginan sa lahi ni Huda.

Huswi 7:1 Iomraidhean Croise

Gimpuunan 34:27

Bag-u sinaka diman iba waya ka anak ni Hakub ti banwa ag bin-ul ati ti manga kasiyunan. Binwat nida inda dahil inuringan ti pagkababayi nida patar-ari si Dina.

2 Samwil 24:1

Nangisug maan ti Panginuun sa manga taga Israil, nakan inudyukan niya si Dabid kuntay isinsus ti nasakupan Israil ag Huda.

2 Hari 5:24

Pagras-ug ni Gihasi sa bantud, bin-ul niya ginan sa manga panawuhun ti duwa ka bay-ung bag-u pinauli yi sida. Siyun gin, dinara niya tunda sa kay balay ag itinagu.

1 Krunika 21:7

Balaw diman magbaya ti Diyus sa siyun pagsugu ni Dabid, nakan pinarusahan niya ti Israil.

2 Krunika 24:18

Nagpasya sida pabay-anan yi lang ti Balay Diyus Panginuun, ti Diyus nida manga ginurang, ag mansamba yi lang sa tulduk tanda diyusa si Asira ag sa iba waya pag manga diyus-diyusan. Dahil sa binwat nida, nagalit ti Diyus sa Huda ag Hirusalim.

Isra 9:6

Magkun aku, “Diyus niku, magkay-a gid aku. Unman aku makatangda sa kanmu sa masyadu pag kay-a, dahil masyadu gid kanmi manga kasalanan; ga lapaw yi inda sa kanmi manga ulu ag nag-aput yi sa langit.

Hub 35:8

Ti mamaliwan lang sa kanmu mayad ngatay daut pag binuwat imaw ti kanmu kaparihu.

Manugtudlu 9:18

Ti kadunungan mas mayad waya kaysa manga armas sa girahan. Dapat ti usa ka makasalanan makadaut mayamu kaayadan.

Danyil 9:7

“Matadlung gid kawu, Panginuun, dapat kami inda makakaray-a tugka taynguna. Katunda diman ti tanan nasakupan Huda ag Hirusalim, hanggan ti tanan Israilita winayak nimu sa ararani hanggan sa ararayu pag rugar dahil sa kanda paglabag sa kanmu.

Libitiku 10:6

Bag-u magkun si Muysis sa kan Aarun hanggan sa kay manga anak, sa kan Iliyasar ag sa kan Itamar, “Danga niyu pagbarugaa kanyu buhuk ngatay paggisia kanyu manga rutay sa pagpakakit kuntay kamu magkaruku sa namatay. Nu buwatun niyu tunda, mamatay diman kamu ag magalit ti Panginuun sa buu banwa Israil. Kanyu manga katawuhan Israilita, imaw ti manruku sa kanda duwa inirub Panginuun.

Hunas 1:7

Tunda katpung, nagharampangan ti manga manugpasigu sa barku, “Kalibang manlunggungan kita hampay maalaman nita nu si unu kay dahilan inda pag kakurian rinmas-ug sa kanta.” Nakan nanlunggungan ngani sida, bag-u ti nabunut kay ngaran ni Hunas.

Huswi 22:16

“Gustu maalaman tanan nasakupan Panginuun nu hayga kamu pinmatlikud sa Diyus Israil. Naglaban kamu sa Panginuun sa pagpatindug niyu harandugan para sa kanyu sadili. Unman yi kamu magsunud sa kanya.

Huswi 22:18

Ag taynguna gustuhun waya niyu pumatlikud sa Panginuun. Nu manlaban waya ngani kamu sa kanya kainda pag sirang, aldaw mangisug gid siya sa tanan nasakupan Israil.

Huswi 22:20

Nalimtan yi aw lugud niyu si Akan kay anak ni Sira? Katpung linabag niya ti sugu tungkul sa manga bagay ihinandug buu sa Panginuun, pinarusahan siya ag kay buu nasakupan Israil. Balaw lang siya ti namatay dahil sa kay kasalanan.”