Huswi 6:3 - Hanunuu

³ Kawu hanggan ti tanan nimu sundalu manpalibut sa banwa usa ka bisis kada sirang, sa sulud unum ka sirang.

Huswi 6:3 Iomraidhean Croise

2 Krunika 4:3

Pinalibutan inda duwa ka hatay pamarinu kay riruk tudu baka baliwa sa sirung bibig — unum sa kada usa ka luk-an siku. Ti manga pamarinu kaibahan yi pagka binwat inda.

Bilang 14:9

Danga lang kamu maglaban sa Panginuun. Ag danga kamu magkadala sa manga tawu taga ati dahil matalu di nita sida. Unman may mangawat sa kanda, dapat ti Panginuun ti mangawat sa kanta. Nakan danga kamu magkadala sa kanda.”

2 Kurintu 4:7

Kami pinakan-an inda pag kayamanan, madi kami ga anglit lang, agud maipakakit ti balaw matupungan pag kapangyarihan ginan sa Diyus, balaw ginan sa kanmi sadili.

Huswi 6:11

Angay sa isinugu ni Huswi, ipinalibut nida usa ka bisis sa banwa ti Kaban Panginuun. Bag-u nanbalik sida sa kanda kampu ag ati pag naturug igu yabi.

Huswi 6:14

Pagka sa ikadwa pag sirang, pinalibut maan nida ti banwa kas-a ginan, pagkatapus binmalik sida sa kanda kampu. Katida ngani kanda binwat sa sulud unum ka sirang.

Huswi 6:2

Magkun ti Panginuun sa kan Huswi, “Ipasakup niku sa kanyu ti Hiriku hanggan kay hari ag manga sundalu.

Huswi 6:4

Paunahun nimu sa Kaban Kasunduan ti pitu ka manughandug ti kada usa sa kanda may dara budyung. Sa ikapitu pag sirang, pagpalibut kamu sa banwa pitu ka bisis, kaibahan ti manga manughandug magpatunug kanda manga budyung.

Huswi 6:7

Ag sinabihan diman niya ti manga tawu, “Paglakaw yi kamu. Palibuti niyu ti banwa. Ti iba ka manga sundalu pag-una sa pitu ka manughandug may dara manga budyung.”