Huswi 4:6 - Hanunuu

⁶ bag-u rargu niyu tumpukun hampay bumaliw usa ka tanda bilang alaala sa binwat Panginuun. Aban, nu mamaingana kanyu manga anak sa kanyu nu unu kay ibug sabihun inda pag manga batu,

Huswi 4:6 Iomraidhean Croise

Kanta 44:1

Diyus, nasaydan nimi ti itinultul nimi manga ginurang tungkul sa kanmu manga binwat sa kanda kaudasan, kaybi waya pag timpu.

Kanta 71:18

Ag una gurangun yi aku ag may uban yi, danga aku pagpabay-ani, Diyus, habang pag-ipabantug niku kanmu kapangyarihan ag kabisugan sa dumasun pag sinulput.

Pag-ighit 12:14

“Kailangan kanyu tandaan inda pag sirang hanggan aban. Idaus niyu inda timpu-timpu bilang pista pagkilala sa kangku. Inda pag surundanun kanyu sundun tugka sa sunud pag manga sinulput tawu.

Pag-ighit 13:14

“Aban nu paingan-un kamu niyu manga anak nu hayga niyu inda pagbuwatun, sabihun niyu sa kanda, ‘Sa panab-anan kamaskihan Panginuun, ipinalwas niya kami ginan sa Ihiptu nu naan kami pag binwat panawuhun.

Pag-ighit 13:9

Inda pag pista ga usa ka marka sa kanyu manga kamang ngatay sa kanyu manga bangas, imaw ti pumaalaala sa kanyu kailangan sabihun niyu sa iba ti sugu Panginuun dahil ipinalwas niya kamu ginan sa Ihiptu sa panab-anan niya kamaskihan.

Pag-ighit 31:13

kuntay sabihun inda niya sa manga Israilita, “Sunda niyu kang pag-isugu tungkul sa Sirang Pamahari, dahil tanda inda nita kasunduan tugka sa sunud pag manga sinulput tawu. Sa panab-anan inda maalaman niyu aku, ti Panginuun, ti nagpili sa kanyu hampay kamu kang yi manga nasakupan.

Isayas 38:19

Ti buhi lang ti makapagdayaw sa kanmu parihu sa pagbuwatun niku taynguna. Ti kada sinulput mamaburayhaw sa dumasun pag sinulput sa kanmu matinupadun.

Isayas 55:13

Manubu yi ti manga puun sipris hanggan mirtu sa daan turubuan kaybi manga halaman madugi. Tunda pag manga nangyari makapakaun kadayawan sa kangku. Bumaliw puruyba inda niku kamaskihan hanggan aban.”

Isikil 20:12

Ipinatupad diman niku sa kanda ti manga Sirang Pamahari bilang palatandaan nimi kasunduan. Inda manpaala-ala sa kanda kuntay aku, ti Panginuun, ti magpabanal sa kanda bilang kang nasakupan.

Isikil 20:20

Pakabanala niyu ti manga Sirang Pamahari dahil palatandaan inda nita kasunduan, ag magpaalaala inda sa kanyu kuntay aku ti Panginuun niyu Diyus.”

Bilang 16:38

sa inda pag sukadan ginan sa manga tawu nagkaramatay dahil sa kanda manga kasalanan. Bag-u ipapilpig ti manga sukadan tugka sa man-nipis ag ihaklup sa harandugan dahil ihinandug inda sa Panginuun ag banal inda. Inda pag panhaklup sa harandugan usa ka paandam sa manga Israilita.”

Binwat 2:39

Dahil sa kanyu diman pag itinaratu Diyus tunda hanggan sa kanyu manga anak una hanggan sa manga iba nasyun, ag sa kada tawu pinili Panginuun nita Diyus pumakarani sa kanya.”

Diyuturunumiyu 11:19

Tudluan pirmi inda sa kanyu manga anak. Hampangi niyu inda nu siyun kamu sa kanyu balay ag una sa kanyu maglakaw, una sa kanyu magpahari ag nu magbangun kamu.

Huswi 22:27

nu unman para bumaliw tanda sa kanmi, sa kanyu, ag para sa kanta manga lahi kuntay pagsambahun nimi ti Panginuun sa panab-anan manga handug pagsunugun, manga handug para sa mayad pag pakiusa sa Panginuun, ag iba waya pag manga handug ati sa kay Turda. Nakan unman makasabi kanyu manga laki aban sa uryan sa kanmi manga lahi kuntay unman sida may labut sa Panginuun.

Huswi 4:21

Magkun si Huswi sa manga Israilita, “Aban, nu mamaingana kanyu manga anak sa kanyu nu unu kay ibug sabihun tunda pag batu,

Huswi 4:5

“Pag-atag kamu sa karaw-an sapa, sa atubangan Kaban Panginuun niyu Diyus. Ti kada usa sa kanyu pagbuul ag pagpas-an usa ka batu para sa kada linahi Israil,