Huswi 4:10 - Hanunuu

¹⁰ Unman inmighit sa karaw-an sapa ti manga manughandug tugka sa natapus manga tawu ti tanan isinugu Panginuun sa kan Huswi, angay diman sa kay isinugu ni Muysis sa kan Huswi.

Huswi 4:10 Iomraidhean Croise

Kanta 119:60

Pagtupadun niku madali kanmu manga sugu.

Pag-ighit 12:39

Pagka pinmat-ung sida hampay mangaun, tinama nida ti tinapay unman may pamadaka ginan sa kinamas arina kanda dara ginan sa Ihiptu. Unman inda napaulian pamadaka dahil pag-apurahun yi sida pagpaighitun manga Ihipsiyu ag udyi sida may udas mag-alistu kanda karan-unun.

Kabagawan 27:1

Danga kawu magpadayaw tungkul sa buwatun nimu aldaw, dahil balaw nimu alam nu hintay ti mangyari sa kanmu aldaw.

Manugtudlu 9:10

Buwata nimu buu kabisugan kanmu pagbuwatun, dahil ati sa ulian manga namatay, nu naan kawu tabug, unman yi may tarabahu. Udyi may manga paggayakun ati, ag unman diman may kadunungan ag kaalaman.

Isayas 28:16

Nakan inda ti pagsabihun Panginuun Diyus, “Bantayi niyu! Ipakana niku sa banwa Siun ti batu pag pundasyun, batu masarigan, mapag-un ag mahalaga. Ti manga magsarig sa kanya balaw harus-harus sa kanda manga pagbuwatun.

2 Kurintu 6:2

Dahil kay pagsabihun magkun, “Kang dinungug kamu sa insaktu pag udas, ag inawatan niku sa sirang karibrihan. Inawatan niku kamu pagka udas karibrihan.” Pagpatingi kamu, taynguna yi ti udas hampay matanggap niyu ti kaayadan ginan sa Diyus. Malu taynguna yi ngani ti udas karibrihan.

Diyuturunumiyu 31:9

Isinurat ni Muysis inda pag manga sugu ag ipinakaun sa manga manughandug Balay Diyus manga lahi ni Libi, ti tagadara Kaban Kasunduan Panginuun, hanggan sa tanan takinan Israil.

Huswi 24:11

“Bag-u nandipay kamu sa Sapa Hurdan ag nakaras-ug sa Hiriku. Nanlaban sa kanyu ti manga taga Hiriku, katunda diman ti manga Amuriyu, Pirisiyu, Kananiyu, Hitiyu, Girgisiyu, Hibiyu ag Hibusiyu. Dapat pinapanalu niku kamu laban sa kanda.

Huswi 3:13

Nu mandipay yi ti manga manughandug may dara Kaban Panginuun makamaskihan sa buu kalibutan, umapas ti bulus danum sa Sapa Hurdan. Inda pag danum ginan sa babaw pumat-ung sa usa ka rugar.”

Huswi 4:11

Pagka nakadipay yi sida tanan, idinipay diman manga manughandug ti Kaban Panginuun. Ag inmuna maan ti manga manughandug sa manga tawu.

Huswi 4:9

Nagpauli diman si Huswi 12 ka batu sa karaw-an sapa, sa rugar tinindugan manga manughandug nandara sa Kaban Kasunduan. Tugka kainda asan di tunda pag manga batu.