Huswi 3:8 - Hanunuu

⁸ Sabihi ti manga manughandug may dara Kaban Kasunduan nu rumas-ug yi sida sa Sapa Hurdan, pagpat-ung sida sa danum.”

Huswi 3:8 Iomraidhean Croise

2 Hari 2:6

Bag-u magkun si Ilyas sa kan Ilisyu, “Sitay lang kawu, dahil pagpaatihun aku Panginuun sa Sapa Hurdan.” Nagsagut si Ilisyu, “Magsumpa aku sa buhi pag Panginuun hanggan sa kanmu, dayu gid duy aku bumulag sa kanmu.” Nakan nagparargu sida duwa sa paglakaw.

2 Krunika 29:15

Tinipun nida kanda kadugu manga Libita ag linumpiyu nida kanda sadili. Linumpiyu diman nida ti Balay Diyus Panginuun angay sa isinugu hari. Sinunud nida ti sinabi Panginuun.

2 Krunika 29:27

Bag-u nagsugu si Isikyas ihandug sa harandugan ti manga handug pagsunugun. Mintaras maghandug, magkanta manga pagdayaw sa Panginuun ti manga tawu, magpatunug kanda manga budyung ag iba waya pag manga kagamitan magtunug ni Hari Dabid taga Israil.

2 Krunika 29:30

Nagsugu si Hari Isikyas hanggan kay manga may kangaranan sa manga Libita hampay dayawun ti Panginuun sa panab-anan manga kanta binwat ni Hari Dabid ag ni purupita Asap. Nakan nanganta sida manga kanta pagdayaw may kabayaan habang mayungduan sida sa pagsamba sa Diyus.

2 Krunika 30:12

Nagpasandam diman ti Panginuun sa manga taga Huda hampay magkausa sida sa pagtupad sa sugu hari ag manga may kangaranan, angay sa sugu Panginuun.

Nihimyas 13:22

Bag-u sinugu niku ti manga Libita kuntay pagmalumpiyu sida ag pagbantay sa manga sabian hampay kilalan-un manga tawu banal ti Sirang Pamahari. Bag-u nandarangin aku, “Diyus niku, alalahana duy nimu inda kang manga pagbuwatun, ag kaawai nimu aku angay sa kadayawan nimu pagmahal.”

Nihimyas 13:28

Si Huyada anak pangulu manughandug ni Ilyasib may anak nakaasawa sa kay anak ni Sanbalat taga Hurun, nakan pinaighit niku siya.

Pag-ighit 14:13

Sinmagut si Muysis sa manga tawu, “Danga kamu magkadala. Pagpakarig-un kamu ag makitan niyu ti pagribri Panginuun sa kanyu sa inda pag sirang. Ti manga mag-akitan niyu pag Ihipsiyu taynguna balaw yi niyu makitan uman.

Karukuan 3:26

Mayad ti mag-alagad kita may pag-agwanta sa pagribri Panginuun sa kanta.

Huswi 3:17

Matindugan sa karaw-an mamara sapa ti manga manughandug may dara Kaban Kasunduan Panginuun habang magdipay ti tanan nasakupan Israil. Unman sida nighit siyun ginan tugka sa ud nakadipay ti tanan.

Huswi 3:3

bag-u magkun sa manga tawu, “Nu makitan niyu pagdaran-un manga manughandug ginan sa lahi ni Libi ti Kaban Kasunduan Panginuun niyu Diyus, pagdasun kamu sa kanda,

Huswi 3:7

Taynguna, magkun ti Panginuun sa kan Huswi, “Taynguna pag sirang, dayawun kawu nimu kaparihu Israilita, bag-u maalaman nida mag-iba aku sa kanmu parihu sa kang pag-iba sa kan Muysis.

Huswi 3:9

Nakan tinawag ni Huswi ti manga tawu, “Abala kamu, dahil tultulan niku kamu nu hintay ti sinabi Panginuun niyu Diyus.

Huswi 4:11

Pagka nakadipay yi sida tanan, idinipay diman manga manughandug ti Kaban Panginuun. Ag inmuna maan ti manga manughandug sa manga tawu.